ମୁମ୍ବାଇ: ବଲିଉଡ୍ ଦୁନିଆରେ ନିଜର କିଛି ଭିନ୍ନ ପରିଚୟ ସୃଷ୍ଟି ନ କରି ପାରିଲେବି ନିଜ ପର୍ସନାଲ ଲାଇଫ୍ ଓ ଫିଟନେସ୍ ପାଇଁ ପ୍ରାୟତଃ ଚର୍ଚ୍ଚାରେ ରହିଥାଆନ୍ତି ଅଭିନେତ୍ରୀ ଗୌହର ଖାଁ । ତାଙ୍କ ଫିଟନେସକୁ ନେଇ ଅନେକ ପ୍ରଶ୍ନ କରନ୍ତି ଏହାର ରାଜ କ’ଣ । ପ୍ରକୃତରେ ଗୌହର ମିଠା ବହୁତ ପସନ୍ଦ କରନ୍ତି । ଆଉ ମିଠା ଦେଖିଲେ ସେ ନିଜର ଲୋଭ ସମ୍ବରଣ କରି ପାରନ୍ତି ନାହିଁ ବୋଲି ନିକଟରେ କହିଛନ୍ତି । ବିଗ୍ ବସ୍-୭ ପରେ ଲାଇମ ଲାଇଟକୁ ଆସିଥିବା ଗୌହର ମିଠା ଖାଇବା ପରେ ଜିମ୍ରେ କିନ୍ତୁ ଖୁବ୍ ଝାଳ ବୁହାନ୍ତି । ଏକଥା ସେ ନିଜେ କୁହନ୍ତି । ଗୌହର ତାଙ୍କ ଦିନର ଆରମ୍ଭ ଗୋଟିଏ ଗିନା ମୁସଲି, ଏକ ଗ୍ଲାସ ଥଣ୍ଡା କ୍ଷୀର ଓ କିଛି ଡ୍ରାଡ ଫ୍ରୁଟସରୁ ଆରମ୍ଭ କରନ୍ତି । ସେହିପରି ଦ୍ୱିପ୍ରହରରେ ଚିକେନ, ସାଲାଡ ବା କିଛି ପରିବା ତରକାରୀ ଖାଇଥାଆନ୍ତି । ମିଠା ଭିତରେ ସେ ଘରେ ପ୍ରସ୍ତୁତ ହୋଇଥିବା ପୋହା ବା ପ୍ୟାନକେକ୍ ଖାଇବାକୁ ବେଶି ପସନ୍ଦ କରନ୍ତି । ସେ କମ୍ ଖାଆନ୍ତି ଓ ବହୁତ ଥର ଖ।।ନ୍ତି । ରାତି ୮ଟା ଭିତରେ ସେ ତାଙ୍କ ଡିନର କରନ୍ତି । ଆଉ ଏଥିରେ ସେ କେବଳ ପ୍ରୋଟିନ ହିଁ ଖାଆନ୍ତି । ତେବେ ବଡିକୁ ହାଇଡ୍ରେଟ୍ କରିବା ପାଇଁ ସେ ପଇଡ଼ ପାଣି, ଫ୍ରୁଟ ଜୁସ୍, ଗ୍ରୀନ୍ ଟି ଆଦି ଗ୍ରହଣ କରିଥାଆନ୍ତି ।
