ଦାରିଙ୍ଗବାଡି, ୮।୭ (ଅରୁଣ ସାହୁ):କନ୍ଧମାଳ ଜିଲା ଦାରିଙ୍ଗବାଡି ଥାନା ଶ୍ରାନିକେତା ପଞ୍ଚାୟତ ଆଡକି ଜଙ୍ଗଲରେ ମଙ୍ଗଳବାର ବିଳମ୍ବିତ ରାତ୍ରିରେ ଏକ ଜୁଆ ଆଡ୍ଡା ଉପରେ ପୋଲିସ ଚଢ଼ାଉ କରିଛି। ଏଥିରେ ସମ୍ପୃକ୍ତି ୨ ଜଣଙ୍କୁ ପୋଲିସ ଗିରଫ କରିଥିବା ବେଳେ ଅନ୍ୟ ଜୁଆ ଖେଳାଳି ସେଠାରୁ ଚମ୍ପଟ ମାରିଛନ୍ତି। ସେମାନଙ୍କୁ ପୋଲିସ ଖୋଜୁଥିବା ଆଇଆଇସି ସଂଗ୍ରାମ କେଶରୀ ଜେନା କହିଛନ୍ତି। ଗିରଫଙ୍କ ମଧ୍ୟରେ ପାଟ୍ଟା ଗ୍ରାମରବିଭୁ ଦିଗାଲ ଏବଂ ଦଣ୍ଡିମା ଗ୍ରାମର ବିମଳ ପ୍ରଧାନ ବୋଲି ପୋଲିସ ସୂଚନା ଦେଇଛି। ଜୁଆ ଆଡ୍ଡାରୁ ୪ଟି ବାଇକ ଗୋଟିଏ ସ୍କୁଟିକୁ ପୋଲିସ ଜବତ କରିଛି। ଏନେଇ ପୋଲିସ ପକ୍ଷରୁ ମାମଲା (୧୭୫/୨୬) ରୁଜୁ କରାଯାଇ ଅନ୍ୟ ପଳାତକ ଅଭିଯୁକ୍ତମାନଙ୍କୁ ଧରିବା ପାଇଁ ଅଧିକ ତଦନ୍ତ ଜାରି ରହିଛି ବୋଲି ଆଇଆଇସି କହିଛନ୍ତି।
Dharitri – Odisha’s No.1 Odia Daily
