ପଦ୍ମପୁର,୧୫ା୫ (ପ୍ରଦୀପ୍ତ ଦାଶ):ଆସନ୍ତା ୧୬ ତାରିଖରେ ପବିତ୍ର ସାବିତ୍ରୀ ଅମାବାସ୍ୟା। ଏଥିପାଇଁ ବଜାର ଚଳଚଞ୍ଚଳ ହୋଇଯାଇଛି। ସାବିତ୍ରୀ ପାଇଁ ପଦ୍ମପୁର ସହରର ଛୋଟରୁ ବଡ କପଡ଼ା ଦୋକାନରେ ନୂତନ ବସ୍ତ୍ର କିଣିବା ପାଇଁ ଭିଡ଼ ଜମୁଥିବା ଦେଖିବାକୁ ମିଳିଛି। ସେହିଭଳି ଦୈନିକ ବଜାରଠାରୁ ଆରମ୍ଭ କରି ସହରର ବିଭିନ୍ନ ଛକରେ ଭଳିକିଭଳି ଫଳର ପସରା ବସିଛି। ଅମାବାସ୍ୟା ପାଇଁ ଏହି ଫଳର ଦର ମଧ୍ୟ ଆକାଶଛୁଆଁ ବୃଦ୍ଧି ହୋଇଛି। ବିଶେଷକରି ବେପାରୀ ବ୍ରହ୍ମପୁର, ଛତିଶଗଡ଼ର ରାୟପୁରରୁ ଫଳ ଆଣି ପଦ୍ମପୁରରେ ବିକ୍ରି କରୁଛନ୍ତି। ଗୁରୁବାର ପଦ୍ମପୁରରେ ଗୋଟା ପଣସ ୪୦୦/୫୦୦ ଟଙ୍କାରେ ବିକ୍ରି ହେଉଥିବା ବେଳେ ଆମ୍ବ କେଜି ୭୦/୮୦, ସପୁରି ଗୋଟାକୁ ୫୦ ଟଙ୍କା, ଲିଚୁ କେଜି ୧୮୦ରୁ ୨୦୦, ସେଓ ୨୪୦ରୁ ୨୮୦, ଅଙ୍ଗୁର ୨୨୦ ରହିଛି। ଅମାବାସ୍ୟା ଥିବାରୁ ଏହି ଦର ବୃଦ୍ଧି ପାଇବ ବୋଲି ବ୍ୟବସାୟୀ କହିଛନ୍ତି। ଅପରପକ୍ଷରେ ଅନ୍ୟ ବର୍ଷ ଅପେକ୍ଷା ଏଥର ବଜାରକୁ ପାଚିଲା ଦେଶୀଆମ୍ବ କମ୍ ଆସୁଥିବା ଲକ୍ଷ୍ୟ କରାଯାଉଛି।
Dharitri – Odisha’s No.1 Odia Daily
