ନୂଆଦିଲ୍ଲୀ,୮ ।୧୨: ଭାରତରେ ଏକ ବିଶ୍ୱସ୍ତରୀୟ କେନ୍ଦ୍ର ପ୍ରତିଷ୍ଠା କରିବା ପରେ ପାରମ୍ପରିକ ଔଷଧ ପ୍ରତି ବିଶ୍ୱ ସ୍ୱାସ୍ଥ୍ୟ ସଙ୍ଗଠନ(ଡବ୍ଲୁଏଚଓ)ର ଆଗ୍ରହ ବୃଦ୍ଧି ପାଇଛି । ତେବେ ବିଶ୍ୱ ଆୟୁର୍ବେଦ କଂଗ୍ରେସରେ ପ୍ରଥମଥର ଲାଗି ଡବ୍ଲୁଏଚଓ ଅଂଶଗ୍ରହଣ କରୁଥିବାରୁ ଏଭଳି ଆଗ୍ରହ ବୃଦ୍ଧି ପାଉଥିବା ଅନୁମାନ କରାଯାଉଛି । ସୂଚନାଯୋଗ୍ୟ, ବିଶ୍ୱ ଆୟୁର୍ବେଦ କଂଗ୍ରେସ ଡିସେମ୍ବର ୮ରୁ ୧୨ ପର୍ଯ୍ୟନ୍ତ ଗୋଆର ପଣଜୀରେ ଅନୁଷ୍ଠିତ ହେଉଛି ।
ସୂଚନାଯୋଗ୍ୟ, ୧୧ ଡିସେମ୍ବର କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯୋଗଦେଇ ଦେଶର ଆୟୁଷ ଚିକିତ୍ସାକୁ ନେଇ କିଛି ଯୋଜନର ଘୋଷଣା କରିପାରନ୍ତି । ଡବ୍ଲୁଏଚଓ ମଡର୍ନ ମେଡିସିନ ଭଳି ପାରମ୍ପରିକ ଚିକିତ୍ସାକୁ ଏକ ଭିନ୍ନ ପରିଚୟ ଦେବା ଉପରେ ଚର୍ଚ୍ଚା କରିବେ । ଏଥିପାଇଁ ୬ଟି ପୂର୍ଣ୍ଣ ଓ ସମବର୍ତ୍ତି ଅଧିବେଶନ ବ୍ୟତୀତ ଅନ୍ତର୍ଜାତୀୟ ପ୍ରତିନିଧିଙ୍କ ସଭା, ପାରମ୍ପରିକ ଔଷଧ ଉପରେ ଡବ୍ଳୁଏଚଓ କାର୍ଯ୍ୟକ୍ରମ ଓ ଗୁରୁ-ଶିଷ୍ୟ ବୈଠକ ଭଳି କାର୍ଯ୍ୟକ୍ରମ ରଖାଯାଇଛି । ବିଶ୍ୱ କଂଗ୍ରେସରେ ୫୩ଟି ଦେଶର ୪୦ରୁ ଅଧିକ ବିଦେଶୀ ପ୍ରତିନିଧିଙ୍କ ସହିତ ୪,୫୦୦ରୁ ଅଧିକ ପଞ୍ଜିକୃତ ଅଂଶଗ୍ରହଣକାରୀ ଯୋଗଦେବେ ।
