ବରଗଡ଼,୨୭।୨(ପ୍ରେମାନନ୍ଦ ଖମାରୀ):କରୋନା ମହାମାରୀ ସମୟରେ କେନ୍ଦ୍ର ସରକାର ଆଣିଥିବା ତତ୍କାଳୀନ ୨ ନୂଆ କୃଷି ଆଇନକୁ ନେଇ ଯେଭଳି ଅସନ୍ତୋଷ ତେଜି ଉଠିଥିଲା। ଅନୁରୂପ ଭାବେ ଏବେ ପ୍ରସ୍ତାବିତ କୃଷି ବିପଣନ ଏବଂ ରାଷ୍ଟ୍ରୀୟ ନୀତି ଢ଼ାଞ୍ଚା-୨୦୨୪କୁ ନେଇ କୃଷକ ସଂଗଠନ ଗୁଡ଼ିକ ତାତି ଉଠିଲେଣି। ଏହା କୃଷକଙ୍କ ସ୍ବାର୍ଥ ବିରୋଧୀ ନୀତି ଏବଂ ଏହାକୁ ତୁରନ୍ତ ପ୍ରତ୍ୟାହାର କରିବା ପାଇଁ ବରଗଡ଼ ଜିଲା ସଂଯୁକ୍ତ କୃଷକ ସଂଗଠନ ଦାବି କରିଛି। ଏହି ଦାବି ନେଇ ଗୁରୁବାର ସଂଗଠନ ପକ୍ଷରୁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ବରଗଡ଼ ଡେପୁଟି କଲେକ୍ଟର ଉତ୍ତମ କୁମାର ବାଘକୁ ଏକ ଦାବିପତ୍ର ପ୍ରଦାନ କରାଯାଇଛି।
ଦାବିପତ୍ରରେ ଉଲ୍ଲେଖ ରହିଛି, ଓଡ଼ିଶା ଏକ କୃଷିପ୍ରଧାନ ରାଜ୍ୟ। ଏଠାରେ ୭୦ରୁ ୮୦ ପ୍ରତିଶତ ଲୋକେ କୃଷି ଉପରେ ନିର୍ଭରଶୀଳ। ବାରମ୍ବାର ପ୍ରାକୃତିକ ବିପର୍ଯ୍ୟୟ କାରଣରୁ କୃଷକମାନଙ୍କ ଆର୍ଥିକ ମେରୁଦଣ୍ଡ ଭାଙ୍ଗି ଯାଉଥିବାବେଳେ ନୈରାଶ୍ୟଜନକ ସରକାରୀ ସାହାଯ୍ୟ, ଜଳସେଚନ ଅଭାବ, ସରକାରୀ ସବସିଡ଼ି ବାଟମାରଣା, ଆଦର୍ଶ ବଜାର ବ୍ୟବସ୍ଥା ଓ ଶୀତଳ ଭଣ୍ଡାର ଅଭାବ ରହିଥିବାବେଳେ ସୁବିଧାରେ ଋଣ ମଧ୍ୟ ମିଳିପାରୁ ନାହିଁ। ଏସବୁ କାରଣରୁ କୃଷିକ୍ଷେତ୍ର ଛାଡ଼ି ଲୋକେ ରା୍ଯଯ ବାହାରକୁ ଦାଦନ ଖଟିବାକୁ ଯାଉଛନ୍ତି। ଏପରି ଅନେକ ସମ୍ଯଯା ଥାଇ ମଧ୍ୟ କୃଷକମାନଙ୍କ କଠିନ ପରିଶ୍ରମ ଫଳରେ ଭୋକିଲା ରା୍ଯଯରୁ ବଳକା ରା୍ଯଯଭାବେ ଆଜି ପରିଣତ ହୋଇଛି। ହେଲେ ଆଜି ମଧ୍ୟ ରାଜ୍ୟର କୃଷକମାନଙ୍କ ମାସିକ ଆୟ ଜାତୀୟ ସ୍ତରରୁ ବହୁତ କମ୍ ରହିଛି। ସେ ଦିଗରେ ପ୍ରୟାସ କରାଯିବା ଦରକାର।
ଗତ ୨୦୨୪ ମସିହା ଡିସେମ୍ବର ମାସ ୨୮ ତାରିଖ ସଂଘୀୟ ଢ଼ାଞ୍ଚାକୁ ଉଲ୍ଲଂଘନ କରି କେନ୍ଦ୍ର ସରକାର ରାଜ୍ୟମାନଙ୍କୁ କୃଷି ବିପଣନ ଏବଂ ରାଷ୍ଟ୍ରୀୟ କୃଷି ଢ଼ାଞ୍ଚାକୁ କାର୍ଯ୍ୟକାରୀ କରିବା ପାଇଁ ସମସ୍ତ ରାଜ୍ୟକୁ ଏକ ମାର୍ଗଦର୍ଶିକା ଦେଇଛନ୍ତି। ସମ୍ବିଧାନର ଅନୁଚ୍ଛେଦ-୨୪୬ ସପ୍ତମ ଅନୁସୂଚୀରେ ଉଲ୍ଲେଖ ରହିଛି, କୃଷିକ୍ଷେତ୍ର ରା୍ଯଯ ଅଧିନରେ ଥିବା ଯୋଗୁ କୌଣସି ଆଇନ କଲେ ରାଜ୍ୟର ସହମତି ଆବଶ୍ୟକ। ସେଥିଯୋଗୁଁ ବିପଣନ ପାଇଁ ରାଷ୍ଟ୍ରୀୟ ଆଇନ କଲେ ରା୍ଯଯମାନଙ୍କର ଅନୁମତି କିମ୍ବା ସମତୁଲ୍ୟ ସମର୍ଥନ ଦରକାର ପଡ଼େ। ସେଥିପାଇଁ କେନ୍ଦ୍ର ଏହି ପ୍ରସ୍ତାବ ରଖିଛି। ଏହାକୁ ସର୍ବଭାରତୀୟ ସ୍ତରରେ ସମସ୍ତ କୃଷକ ସଂଗଠନ ବିରୋଧ କରୁଛନ୍ତି। ବରଗଡ଼ ସଂଯୁକ୍ତ କୃଷକ ସଂଗଠନ ମଧ୍ୟ ଏହାକୁ ଦୃଢ଼ ବିରୋଧ କରିବା ସହିତ ଏହି ଆଇନ କାର୍ଯ୍ୟକାରୀ ନ କରିବା ପାଇଁ ରା୍ଯଯ ସରକାରଙ୍କୁ ନିବେଦନ କରିଛି। ପ୍ରକାଶଥାଉକି, ସଂଯୁକ୍ତ କିସାନ ମୋର୍ଚ୍ଚାର ଦୀର୍ଘ ୧୩ ମାସ ଆନ୍ଦୋଳନ ଏବଂ ୭୦୦ କୃଷକଙ୍କ ବଳିଦାନ ପରେ କରୋନା ସମୟରେ କେନ୍ଦ୍ର ସରକାର ଆଣିଥିବା ୩ ନୂଆ ଆଇନକୁ ପ୍ରତ୍ୟାହାର କରାଯାଇଥିଲା। କିନ୍ତୁ ପୁଣିଥରେ କୃଷିକ୍ଷେତ୍ରକୁ ରିଫର୍ମ ନାମରେ କମ୍ପାନୀକରଣ କରିବା ଉଦ୍ୟମ କେତେଦୂର ଯୁକ୍ତିଯୁକ୍ତ ବୋଲି ସଂଯୁକ୍ତ କୃଷକ ସଂଗଠନ ପ୍ରଶ୍ନ କରିଛି।
ଅନ୍ୟପଟେ ଦାବିପତ୍ରରେ ଆହୁରି ଉଲ୍ଲେଖ ରହିଛି, ୨୦୧୬-୧୭ ମସିହାରୁ କୃଷି ଉପତ୍ାଦନରେ ରେକର୍ଡ଼ସ୍ତର ବୃଦ୍ଧି ହେବା ଦେଶ ପାଇଁ ଗର୍ବ, ଗୌରବର କଥା। ତେଣୁ ଏପିଏମସିକୁ ଠିକ୍ଭାବେ କାର୍ଯ୍ୟକାରୀ କରାଯାଉ। ଦେଶରେ ରହିଥିବା ୭୦୫୭ ମଣ୍ଡି ମଧ୍ୟରୁ ୧୧୦୦ ମଣ୍ଡି ବନ୍ଦ ପଡ଼ିଛି। ତାକୁ କାର୍ଯ୍ୟକ୍ଷମ କରି ସରକାର ନିଜେ ମଣ୍ଡି ପରିଚାଳନାକୁ ଦାବି ହୋଇଛି। ଚଳିତବର୍ଷ ରା୍ଯଯରେ ଧାନବିକ୍ରିରେ କୁଇଣ୍ଟାଲ ପ୍ରତି ୮୦୦ଟଙ୍କା ଅଧିକ ଇନପୁଟ୍ ଆସିଷ୍ଟାଣ୍ଟ ପାଇ ୧୪ ଲକ୍ଷ କୃଷକଙ୍କୁ ୬୪ଲକ୍ଷ ମେଟ୍ରିକ ଟନ୍ ଧାନବିକ୍ରି ଉପରେ ୫୨୦୦କୋଟି ଟଙ୍କା ଅଧିକ ମିଳି ସାରିଛି। ଏଥିରୁ ବରଗଡ଼ ଜିଲାର ୧ଲକ୍ଷ ୫୦ହଜାର କୃଷକ ୭୭ଲକ୍ଷ ୫୫ କୁଇଣ୍ଟାଲ ଧାନବିକି ୬୨୦କୋଟି ଅଧିକ ଟଙ୍କା ପାଇ ସାରିଛନ୍ତି। ଏହା ସ୍ବାଗତଯୋ୍ଯଯ ପଦକ୍ଷେପ। ଏହି ଦୃଷ୍ଟିରୁ ରାଜ୍ୟର କୃଷକଙ୍କ ହିତ ପାଇଁ ଓଡ଼ିଶା ସରକାର ପ୍ରସ୍ତାବିତ କୃଷି ବିପଣନ ଏବଂ ରାଷ୍ଟ୍ରୀୟ ନୀତି ଢ଼ାଞ୍ଚା-୨୦୨୪କୁ ପ୍ରତ୍ୟାଖାନ କରିବେ ବୋଲି ସଂଯୁକ୍ତ କୃଷକ ସଂଗଠନ ଆଶା ରଖିଛି। ତାହା କରା ନଯାଇ କୃଷକଙ୍କ ବିରୋଧରେ ନିଷ୍ପତ୍ତି ନିଆଗଲେ ଦେଶବ୍ୟାପୀ ଆନ୍ଦୋଳନ ହେବ ଏବଂ ଆସନ୍ତା ମାର୍ଚ୍ଚ ମାସ ୧୭ ତାରିଖ ବରଗଡ଼ରେ ହେବାକୁ ଥିବା ରାଜ୍ୟସ୍ତରୀୟ କିସାନ ମହାପଞ୍ଚାୟତରେ ଏହାକୁ ପ୍ରସଙ୍ଗ କରାଯିବ ବୋଲି ସଂଯୁକ୍ତ କୃଷକ ସଂଗଠନର ଉପଦେଷ୍ଟା ରମେଶ ମହାପାତ୍ର କହିଛନ୍ତି। ସ୍ମାରକପତ୍ର ପ୍ରଦାନ ସମୟରେ ସଂଯୁକ୍ତ କୃଷକ ସଂଗଠନର ଉପଦେଷ୍ଟା ମହାପାତ୍ରଙ୍କ ସମେତ ବବ୍ରୁବାହନ ସାହୁ, ସୁରେଶ ନେକାଣ୍ଟି, ସ୍ବାଭିମାନ ଜେନା ପ୍ରମୁଖ ଉପସ୍ଥିତ ଥିଲେ।
