ଧାନ କାଟିବାକୁ ନେଇ ମୂଲଚାଲ

ନୟାଗଡ଼ ଅଫିସ,୫।୧: କଟ୍‌ନୀଛଟ୍‌ନୀକୁ ଜିଲାପାଳ ଓ ଜିଲା ଯୋଗାଣ ଅଧିକାରୀ ରୋକ୍‌ଠୋକ୍‌ ମନା କରୁଥିବାବେଳେ ଗ୍ରାଉଣ୍ଡ ଜିରୋରେ କିନ୍ତୁ ଏହାକୁ ରୋକିବା କାଠିକର ପାଠ ହୋଇ ପଡିଛି । କଟ୍‌ନୀଛଟ୍‌ନୀକୁ ନେଇ ଚାଷୀ ଓ ମିଲର ମଧ୍ୟରେ ସବୁ ଧାନ ମଣ୍ଡିରେ ମୂଲଚାଲ ହେଉଛି । ମିଲର ୭ କେଜି ଧାନ କାଟିବାକୁ ପ୍ରସ୍ତାବ ଦେଉଥିବାବେଳେ ଚାଷୀ କେଉଁଠି ୪ ତ ଆଉ କେଉଁଠି ୫ କିଲୋ କୁଇଣ୍ଟାଲ ପିଛା କାଟିବାକୁ ସହମତି ପ୍ରକାଶ କରୁଛନ୍ତି। ତେବେ ୭କିଲୋ କାଟିବାକୁ ପ୍ରାୟତଃ ସବୁ ମଣ୍ଡିରେ ମିଲର ଜିଦ୍‌ ଧରି ବସୁଥିବା ନଜିରକୁ ଆସୁଛି । ଜିଲାର ଓଡ଼ଗଁା ବ୍ଲକ ଅନ୍ତର୍ଗତ ଶିଖରପୁର, ଡିମିଶର, ପାଟୁଳିସାହି, ଭାଲିଆଡିହି ପ୍ରାଥମିକ କୃଷି ସମବାୟ ସମିତିରେ ଖୋଲିବାକୁ ଥିବା ଧାନମଣ୍ଡିରେ ୭ କେଜି ଲେଖାଏ ଧାନ କୁଇଣ୍ଟାଲ ପିଛା କାଟିବାକୁ ମିଲର ଦେଇଥିବା ପ୍ରସ୍ତାବକୁ ଚାଷୀ ବାଧ୍ୟବାଧକତାରେ ହଁ କରିଛିି । ୭ କେଜି କଟ୍‌ନୀଛଟ୍‌ନୀ ନ ହେଲେ ଧାନ କିଣିବୁ ନାହିଁ ବୋଲି ମିଲର ଚେତାବନୀ ଦେଇ ଉଠି ପଳାଇବାରୁ ଚାଷୀମାନେ ଭୟଭୀତ ହେଉଛନ୍ତି । ଗୋଡିପଡା ପ୍ରାଥମିକ ସମବାୟ ସମିତିରେ ୫ ଅଥବା ୬ କେଜି କାଟିବାକୁ ଚାଷୀ ପରାମର୍ଶ ଦେଇଥିବାବେଳେ ୭ କେଜି ନ ହେଲେ ଧାନ କିଣିବୁ ନାହିଁ କହି ମିଲର ଉଠି ଚାଲି ଆସୁଛନ୍ତି । ଏଣୁ ଏଠାରେ କଟ୍‌ନୀଛଟ୍‌ନୀ କେତେ ହେବ ସ୍ଥିର ହୋଇ ପାରିନି । ତେବେ ଶିଖରପୁର, ଡିମିଶର, ପାଟୁଳିସାହି, ଭାଲିଆଡିହି ଓ ଗୋଡିପଡା ପ୍ରାଥମିକ କୃଷି ସମବାୟ ସମିତିରେ ଚାଷୀମାନେ ଧାନ ବିକିବା ନେଇ ଚିନ୍ତାରେ ପଡିଛନ୍ତି । ମଣ୍ଡିରେ ଧାନ ନ ବିକିଲେ ବେପାରୀଙ୍କୁ ୧୨୦୦ରୁ ୧୪୦୦ ଟଙ୍କାରେ ବିକ୍ରି କରି କ୍ଷତିର ସମ୍ମୁଖୀନ ହେବାକୁ ଚାଷୀ ଚାହୁନି। ଏଣୁ ମିଲର କଥାରେ ରାଜି ହୋଇ ୭ କେଜି ଲେଖାଏ କଟ୍‌ନୀଛଟ୍‌ନୀକୁ ଚାଷୀ ବାଧ୍ୟବାଧକତାରେ ହଁ କରୁଛି ।

ଏନେଇ ଜଣେ ଚାଷୀ ନିଜ ନାମ ଗୋପନ ରଖି କହିଛନ୍ତି, ପରିସ୍ଥିତି ଏପରି ହୋଇଛି ଆମେ ମିଲର କଥାରେ ରାଜି ହେବାକୁ ବାଧ୍ୟ । ଗ୍ରାଉଣ୍ଡ ଜିରୋକୁ ଜିଲାପାଳ ଓ ଜିଲା ଯୋଗାଣ ଅଧିକାରୀ ଆସି ସମସ୍ୟା ସମାଧାନ କରିବେନି । ଜିଲା ସଦର ମହକୁମାରେ ବସି ମିଲରଙ୍କୁ ପରାମର୍ଶ ଓ ନିର୍ଦ୍ଦେଶ ଦେଇଦେଲେ ଚାଷୀଙ୍କ ସମସ୍ୟା ସମାଧାନ ହୋଇଯିବନି। ଏଣୁ ଚାଷୀ କିପରି ହଇରାଣ ହେଉଛନ୍ତି ଜିଲାପାଳ ଗ୍ରାଉଣ୍ଡ ଜିରୋକୁ ଆସି ଦେଖନ୍ତୁ ବୋଲି କହିଥିଲେ । କୈବଲ୍ୟପୁର ସେବା ସମବାୟ ସମିତି ଲିଃରେ ଚାଷୀ ୫ କେଜିରେ ଅଟକି ରହିବାରୁ ମିିଲର ଉଠି ପଳାଇଛନ୍ତି । ୭ କେଜି ନ କାଟିଲେ ଧାନ କିଣି ହେବନି ବୋଲି ରୋକ୍‌ଠୋକ୍‌ କହିଛନ୍ତି। ଏଣୁ ବୁଧବାର ଧାନ ବିକ୍ରି ପାଳିରେ ଚାଷୀ ଧାନ ବିକ୍ରି ପାରିନି । ଅନ୍ୟପକ୍ଷେ ଶରଣକୁଳ ଧାନମଣ୍ଡିରେ ୭କେଜି ଲେଖାଏ ଧାନ କାଟିବାକୁ ମିଲର କହିବାରୁ ଚାଷୀ ଅରାଜି ହୋଇଥିଲା । ଏଣୁ ଧାନମଣ୍ଡି ଉଦ୍‌ଘାଟନ ହୋଇଥିଲେ ମଧ୍ୟ ଚାଷୀ ଧାନ ବିକ୍ରି କରିପାରିଲାନି । ଅପରପକ୍ଷେ ଏଠାର ଚାଷୀଙ୍କୁ ମିଲର ଝୋଟ ଅଖା ଓ ସୁତୁଲି ଦେଇ ନ ଥିବାରୁ ଚାଷୀ ମଣ୍ଡିକୁ ଧାନ ଆଣି ନ ଥିଲା । ରଙ୍ଗଣିପାଟଣା ପ୍ୟାକ୍ସରେ ଧାନମଣ୍ଡି ଉଦ୍‌ଘାଟନ ସତ୍ତ୍ୱେ ଚାଷୀ ଧାନ ବିକ୍ରି କରି ପାରୁନି । ଏଠାରେ କୁଇଣ୍ଟାଲ ପିଛା ୧୦ କେଜି ଲେଖାଏ ଧାନ କାଟିବାକୁ ମିଲର ପରାମର୍ଶ ଦେଇଛି । ଚାଷୀ ଅରାଜି ହେବାରୁ ଧାନ କିିଣା ହୋଇ ପାରିନାହିଁ । କୁରାଳ, ମଶାବାରି, ବାଙ୍କତରା ପ୍ୟାକ୍ସରେ ମଣ୍ଡି ଖୋଲିନି । ଏଠାରେ ୮କେଜି ଲେଖାଏ ଧାନ କାଟିବାକୁ ମିଲର କହୁଛି । ଆଲୋଚନାରେ କଟ୍‌ନୀଛଟ୍‌ନୀର ସମାଧାନ ସୂତ୍ର ବାହାରୁ ନ ଥିବାରୁ ମଣ୍ଡି ଖୋଲିପାରୁ ନାହିଁ । ଏନେଇ ଜିଲା ଯୋଗାଣ ଅଧିକାରୀ ତିଳୋତ୍ତମା ପ୍ରଧାନ କୁହନ୍ତି, କଟ୍‌ନୀଛଟ୍‌ନୀକୁ ଆମେ ବିରୋଧ କରୁଛୁ । ଅଭିଯୋଗ ଆସିଲେ ଆମେ କାର୍ଯ୍ୟାନୁଷ୍ଠାନ ନେବୁ ବୋଲି କହିଛନ୍ତି। ଏଆରସିଏସ ହାଡିବନ୍ଧୁ ମହାକୁଡ କୁହନ୍ତି, ଜିଲାରେ ୨୧ଟି ଧାନ ମଣ୍ଡି ଖୋଲିଛି । ଆମେ ଯୁଦ୍ଧକାଳୀନଭିତ୍ତିରେ ଧାନ ମଣ୍ଡି ଖୋଲିବାକୁ ପ୍ରସ୍ତୁତ ଅଛୁ । ତେବେ ବିଭିନ୍ନ କାରଣ ଯୋଗୁ ଏହା ଖୋଲିପାରୁ ନାହିଁ । ଖୁବ୍‌ଶୀଘ୍ର ସବୁ ମଣ୍ଡି ଖୋଲିବ ବୋଲି ସେ କହିଛନ୍ତି ।


Enter your email to get our daily news in your inbox.

All Right Reserved By Dharitri.Com

ବନ୍ୟାଜଳ ପରିଚାଳନାରେ ଅବହେଳା ଅଭିଯୋଗ: ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ଥାନାରେ ଏତଲା

ଭଞ୍ଜନଗର, ୧୭/୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୯ ତାରିଖରେ ଭଞ୍ଜନଗର ଅଞ୍ଚଳରେ ଘଟିଥିବା ଭୟାବହ ବନ୍ୟା ପାଇଁ ବିଭିନ୍ନ ଜଳଭଣ୍ଡାରର ଜଳ ପରିଚାଳନାରେ ଅବହେଳା ଏବଂ…

ତିକ୍ଷୀରିରେ ବୁଲିଲା ବୁଲଡୋଜର୍: ୧୨୪ ଜବରଦଖଲ ଗୃହ ଉଚ୍ଛେଦ ଅଭିଯାନ

ମହାକାଳପଡ଼ା, ୧୭/୧୧ (ପ୍ରତାପ ଚନ୍ଦ୍ର ସ୍ୱାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ୍‌ ଅନ୍ତର୍ଗତ ବହୁଚର୍ଚ୍ଚିତ ତିକ୍ଷୀରି ପଞ୍ଚାୟତର ଟିଖିରୀ ମୌଜାରେ ସରକାରୀ ଜମି ଜବରଦଖଲ କରି ନିର୍ମାଣ…

ବାତ୍ୟାକୁ ନେଇ ୨ଦିନ ସ୍କୁଲ ଛୁଟି ଘୋଷଣା, ଜାଣନ୍ତୁ କେଉଁଠି?

ଭୁବନେଶ୍ୱର, ୧୭।୧୧: ଆସୁଛି ବାତ୍ୟା ଅକୱାନ୍ । ଆଜି ରାତି ସୁଦ୍ଧା ଭୀଷଣ ବାତ୍ୟାରେ ପରିଣତ ହୋଇପାରେ ବାତ୍ୟା । ବାତ୍ୟାର ନୂଆ ଟ୍ରାକ୍ ମଧ୍ୟ ଜାରି…

କଣ୍ଟିଲୋ ନୀଳମାଧବ ଜୀଉଙ୍କ ପୀଠରେ ଧୁମ୍‌ଧାମ୍‌ରେ ପାଳିତ ହେଲେ ଗୋଷ୍ଠାଷ୍ଟମୀ

ଖଣ୍ଡପଡ଼ା,୧୭ା୧୧(ଅଜୟ କୁମାର ମହାରଣା): ନୟାଗଡ଼ ଜିଲା ଖଣ୍ଡପଡା, ଖଳିସାହି, କୋସକା, ଜଗନ୍ନାଥପ୍ରସାଦ, ବେଣାଗାଡିଆ, ସିଧାମୂଳା, ଶାଳଝରିଆ ଆଦି ଅଞ୍ଚଳରେ ମଙ୍ଗଳବାର ଗୋଷ୍ଠାଷ୍ଟମୀ ଉତ୍ସବ ପାରମ୍ପରିକ ରୀତିରେ ଅନୁଷ୍ଠିତ…

ଦାରିଙ୍ଗବାଡ଼ି ପର୍ଯ୍ୟଟନରେ ଯୋଡ଼ିହେଲା ନୂଆ ଫର୍ଦ୍ଦ, ଉଦ୍‌ଘାଟିତ ହେଲା ‘ରୁରାଲିଆ’

ଦାରିଙ୍ଗବାଡ଼ି, ୧୭/୧୧ (ଅରୁଣ ସାହୁ): ଓଡ଼ିଶାର କାଶ୍ମୀର ଭାବେ ପରିଚିତ ଦାରିଙ୍ଗବାଡ଼ିର ପ୍ରାକୃତିକ ସୌନ୍ଦର୍ଯ୍ୟ ଓ ମନୋରମ ପରିବେଶ ରାଜ୍ୟ ତଥା ରାଜ୍ୟ ବାହାରର ପର୍ଯ୍ୟଟକଙ୍କୁ ସର୍ବଦା…

ଚରିତ୍ରକୁ ସନ୍ଦେହ କରି ସ୍ତ୍ରୀଙ୍କୁ କୁରାଢ଼ିରେ ହାଣି ହତ୍ୟା: ସ୍ବାମୀଙ୍କୁ ମଳିଲା ଏହି ଦଣ୍ଡ, ଜାଣନ୍ତୁ…

କେନ୍ଦୁଝର,୧୭।୧୧(ନରେଶ ଚନ୍ଦ୍ର ପଟ୍ଟନାୟକ): ସ୍ତ୍ରୀଙ୍କୁ କୁରାଢ଼ିରେ ହାଣି ହତ୍ୟା ମାମଲାର ବିଚାର କରି କେନ୍ଦୁଝର ଜିଲା ଓ ଦୌରାଜଜ ଗୋପାଳ ଚନ୍ଦ୍ର ବେହେରା ମଙ୍ଗଳବାର ରାୟ ପ୍ରକାଶ…

ବାତ୍ୟା ମୁକାବିଲା ପାଇଁ ଗଞ୍ଜାମ ବ୍ଲକରେ ସିଡିଓଙ୍କ ସମୀକ୍ଷା, ସ୍ଥାନାନ୍ତର ପାଇଁ ପ୍ରଶାସନର ପ୍ରସ୍ତୁତି

ଗଞ୍ଜାମ,୧୭।୧୧ (ବିଦ୍ୟାଧର ସାହୁ): ସମ୍ଭାବ୍ୟ ବାତ୍ୟା ‘ଅକ୍ୱାନ’କୁ ନେଇ ସଜାଗ ହୋଇଉଠିଛି ଗଞ୍ଜାମ ଜିଲ୍ଲା ପ୍ରଶାସନ। ବାତ୍ୟାର ମୁକାବିଲା ଓ ଜନସାଧାରଣଙ୍କ ସୁରକ୍ଷା ପାଇଁ ପ୍ରଶାସନ ପକ୍ଷରୁ…

ପୂଜାରୀବମ୍ବୁ ଗ୍ରାମକୁ ଚାଲି ଚାଲି ଗଲେ ବିଡିଓ: ରାସ୍ତା ନିର୍ମାଣ ଦାବିରେ ଗ୍ରାମବାସୀଙ୍କ ଚେତାବନୀ

ରାୟଗଡ଼ା, ୧୭।୧୧ (ଜଗନ୍ନାଥ ଗୌଡ଼): ରାୟଗଡ଼ା ସଦର ମହକୁମାଠାରୁ ମାତ୍ର ୬ କିଲୋମିଟର ଦୂରରେ ଥିବା ବାଇସି ପଞ୍ଚାୟତର ପୂଜାରୀବମ୍ବୁ ଗ୍ରାମକୁ ଏଯାଏଁ ରାସ୍ତା ନିର୍ମାଣ ହୋଇନାହିଁ।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?