Posted inଜାତୀୟ

ଖାତାରେ ଅଢ଼େଇ କୋଟି, ଦେଉଛନ୍ତି ଦେଢ଼ କୋଟି

ନୂଆଦିଲ୍ଲୀ,୧୪।୮:ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନୂଆ ଟିକସ ସଂସ୍କାର ‘ଫେସ୍‌ଲେସ୍‌ ଟାକ୍ସ ଆସେସ୍‌ମେଣ୍ଟ ଏବଂ ଅପିଲ୍‌’କୁ ଗୁରୁବାର ଶୁଭାରମ୍ଭ କରିଛନ୍ତି। ଏହା ଟିକସ ବ୍ୟବସ୍ଥାରେ ଏକ ଗୁରୁତ୍ୱପୂର୍ଣ୍ଣ ଅଧ୍ୟାୟ ବୋଲି କୁହାଯାଉଛି। ଟିକସ କ୍ଷେତ୍ରରେ ହେଉଥିବା ଦୁର୍ନୀତିକୁ ଏହା କମାଇବା ସହ ଟିକସଦାତାଙ୍କ ଚାର୍ଟର ଏକ ମୁକ୍ତ ଏବଂ ସ୍ବଚ୍ଛ ଟିକସ ପରିବେଶ ଗଠନ ଦିଗରେ ସହାୟକ ହେବ ବୋଲି ଆଶା କରାଯାଉଛି। ‘ଟ୍ରାନ୍ସପରେଣ୍ଟ ଟାକ୍ସେସନ-ଅନରିଂ ଦି ଅନେଷ୍ଟ ପ୍ଲାଟ୍‌ଫର୍ମ’କୁ ଭିଡିଓ କନ୍‌ଫରେନ୍ସ ଯୋଗେ ଶୁଭାରମ୍ଭ କରି ମୋଦି କହିଛନ୍ତି ଯେ, ଦେଶର ୧.୫ କୋଟି ଲୋକ ପ୍ରକୃତ ପକ୍ଷେ ଟିକସ ଦେଉଛନ୍ତି। କିନ୍ତୁ ଖାତାରେ କରଦାତାଙ୍କ ସଂଖ୍ୟା ୨.୫ କୋଟି ରହିଛି। ୧୩୦ କୋଟିରୁ ଉର୍ଦ୍ଧ୍ୱ ଜନସଂଖ୍ୟାକୁ ଦେଖିଲେ ଟିକସଦାତାଙ୍କ ସଂଖ୍ୟା ଅପେକ୍ଷାକୃତ କମ୍‌। ସଚ୍ଚୋଟ ଭାବେ ଲୋକମାନେ ଟିକସ ପ୍ରଦାନ କରିବା ସହ ଦେଶ ଗଠନରେ ନିଜର ଯୋଗଦାନ ରଖିପାରିବେ।
ନୂଆ ବ୍ୟବସ୍ଥା ସମ୍ପର୍କରେ ମତ ରଖି ମୋଦି କହିଛନ୍ତି, ଟାକ୍ସପେୟର ଚାର୍ଟର ଏବଂ ଫେସ୍‌ଲେସ୍‌ ଆସେସ୍‌ମେଣ୍ଟ ପ୍ରତ୍ୟକ୍ଷ ଟିକସ ସଂଗ୍ରହ କ୍ଷେତ୍ରରେ ସଦ୍ୟତମ ପର୍ଯ୍ୟାୟ ଭାବେ ଉଭାହୋଇଛି। ଏହାଦ୍ୱାରା ଟିକସ ଅନୁପାଳନ ବ୍ୟବସ୍ଥା ଏବଂ ସଚ୍ଚୋଟ ଟିକସଦାତାଙ୍କୁ ସମ୍ମାନିତ କରାଯିବାକୁ ଯୋଜନା ରଖାଯାଇଛି। ମହାମାରୀ ଦ୍ୱାରା କ୍ଷତିଗ୍ରସ୍ତ ହୋଇଥିବା ଅର୍ଥ ବ୍ୟବସ୍ଥାକୁ ପୁଣି ଥରେ ଟ୍ରାକ୍‌କୁ ଆଣିବା ଲାଗି ସରକାର ଏଭଳି ଏକ ପଦକ୍ଷେପ ଉପରେ ଧ୍ୟାନ କେନ୍ଦ୍ରିତ କରିଛନ୍ତି। ସେହିଭଳି ଫେସ୍‌ଲେସ୍‌ ଅପିଲ୍‌ ସେପ୍ଟେମ୍ବର ୨୫ଠାରୁ କାର୍ଯ୍ୟକାରୀ କରାଇବାକୁ ଯୋଜନା ରଖାଯାଇଛି। ଟିକସ ସିଷ୍ଟମ ଫେସ୍‌ଲେସ୍‌ ହୋଇଥିବା ବେଳେ ଏହା ଟିକସଦାତାଙ୍କୁ ନିର୍ଭୟ ଏବଂ ବ୍ୟବସ୍ଥିତ ଢଙ୍ଗରେ ସେବା ଯୋଗାଇବାର ପ୍ରତିଶ୍ରୁତି ଦେଉଛି।
ଗତ କିଛି ବର୍ଷରେ ଟିକସଦାତାଙ୍କ ସଂଖ୍ୟା ୨.୫ କୋଟିକୁ ବୃଦ୍ଧି ଘଟିଛି। ମାତ୍ର ପ୍ରକୃତ ପକ୍ଷେ ୧.୫ କୋଟି ଲୋକ ଟିକସ ପ୍ରଦାନ କରୁଛନ୍ତି। ଯେଉଁମାନେ ଟିକସ ପ୍ରଦାନ କରିବାକୁ ସକ୍ଷମ ସେମାନେ ସ୍ବେଚ୍ଛାକୃତ ଭାବେ ଆଗେଇ ଆସି ଟିକସ ପ୍ରଦାନ ସହ ଦେଶ ଗଠନରେ ଭାଗିଦାରୀ ହୁଅନ୍ତୁ ବୋଲି ମୋଦି ଆହ୍ବାନ ଜଣାଇଛନ୍ତି। ଗତ କିଛି ବର୍ଷ ମଧ୍ୟରେ ସରକାର ବାଧ୍ୟବାଧ୍ୟକତା ସହ ବିଭିନ୍ନ ଅର୍ଥନୈତିକ ସଂସ୍କାର ହାତକୁ ନେଇଛନ୍ତି। ହେଲେ ଏହାଦ୍ୱାରା ଆଖିଦୃଶିଆ ସଫଳତା ମିଳିପାରିନାହିଁ। ବର୍ତ୍ତମାନ ସଂସ୍କାର ଧାରା ନିରନ୍ତର ହେଉଛି। ଦେଶରେ ଇଂରେଜ ଶାସନ ସମୟରୁ ଟିକସ ବ୍ୟବସ୍ଥା ଲାଗୁ ହୋଇଥିବା ବେଳେ ଏଥିରେ ବର୍ତ୍ତମାନ ବିଭିନ୍ନ ଢାଞ୍ଚାଗତ ସଂସ୍କାର ପ୍ରକ୍ରିୟା ହାତକୁ ନିଆଯାଉଛି। ବିଗତ ଦିନଗୁଡିକରେ ଟିକସ ନିୟମରେ ଜଟିଳତା ଯୋଗୁ ଲୋକମାନେ ଅନୁପାଳନରେ ବିଭିନ୍ନ ସମସ୍ୟା ସାମ୍ନା କରୁଥିଲେ। ଏହାକୁ ଧ୍ୟାନରେ ରଖି ସରକାର ନିୟମକୁ କୋହଳ କରିବା ସହ ଟିକସଦାତାଙ୍କୁ ଖୁସି କରାଇବା ଦିଗରେ ପଦକ୍ଷେପ ଗ୍ରହଣ କରାଯାଇଛି।
ମୋଦି ପୁଣି କହିଛନ୍ତି , ସରକାର ‘ବିବାଦ ସେ ବିଶ୍ୱାସ ସ୍କିମ୍‌’ ଆଣିଛନ୍ତି। ଏହା ଦ୍ୱାରା କୋର୍ଟ ବାହାରେ ଅନେକ ମାମଲା ସମାଧାନ ହୋଇପାରୁଛି। ଖୁବ୍‌ କମ୍‌ ସମୟ ମଧ୍ୟରେ ପ୍ରାୟ ୩ ଲକ୍ଷ ମାମଲା ସମାଧାନ କରାଯାଇଛି। ସାମଗ୍ରୀ ଓ ସେବା ଟିକସ ମିଶ୍ରଣ ଦ୍ୱାରା ପ୍ରାୟ ୧୨ରୁ ଊର୍ଦ୍ଧ୍ୱ ଟିକସ ଏହା ମଧ୍ୟରେ ବିଲୀନ ହୋଇଛି। ଟିକସ ବ୍ୟବସ୍ଥାକୁ ନିରନ୍ତର, ଫେସ୍‌ଲେସ୍‌ ଏବଂ କଷ୍ଟଶୂନ୍ୟ କରାଯାଇଛି। ଟିକସ ସ୍ଲାବ୍‌ରେ ପରିବର୍ତ୍ତନ, କର୍ପୋରେଟ ଟିକସ ହ୍ରାସ, ଅପହଞ୍ଚ ଇଲାକାକୁ ବ୍ୟାଙ୍କ ସେବା ଯୋଗାଣ ଉପରେ ସରକାର କାର୍ଯ୍ୟକ୍ରମ ତ୍ୱରାନ୍ବିତ କରୁଛନ୍ତି। ୨୦୨୦-୨୧ ବଜେଟ ସମୟରେ ଅର୍ଥମନ୍ତ୍ରୀ ନିର୍ମଳା ସୀତାରାମନ ଟାକ୍ସପେୟର୍ସ ଚାର୍ଟର ସମ୍ପର୍କରେ ଘୋଷଣା କରିଥିଲେ।


Enter your email to get our daily news in your inbox.

All Right Reserved By Dharitri.Com

ମୁଖତାରଙ୍କ ୧୨ଶହ କୋଟି ଟଙ୍କାର ସମ୍ପତ୍ତି

ଲକ୍ଷ୍ନୌ,୨୮।୩: ମୁଖତାର ଅନସାରୀଙ୍କ ନାମ କିଏ ବା ନ ଶୁଣିଛି। ଯଦି ଆମେ ପୂର୍ବାଞ୍ଚଳ ବିଷୟରେ କଥା ହେବା, ସେଠାରେ ଥିବା ସମସ୍ତେ ନିଶ୍ଚୟ ତାଙ୍କ...

ମାଫିଆ ମୁଖତାର ଅନସାରୀଙ୍କ ମୃତ୍ୟୁ, ହସ୍ପିଟାଲରେ ପୋଲିସ ଛାଉଣି, ୧୪୪ ଧାରା ଜାରି

ବାନ୍ଦା,୨୮।୩: ଉତ୍ତର ପ୍ରଦେଶର ବାନ୍ଦା ହସ୍ପିଟାଲରେ ଶୁକ୍ରବାର ରାତିରେ ମାଫିଆରୁ ରାଜନେତା ହୋଇଥିବା ମୁଖତାର ଅନସାରୀଙ୍କ ମୃତ୍ୟୁ ହୋଇଛି। ବାନ୍ଦା ଜେଲରେ ହାର୍ଟ ଆଟାକ ପରେ...

ଇଡି ଜବତ କରୁଥିବା ସମ୍ପତ୍ତି ହୁଏ କ’ଣ, ଯାହାକୁ ଗରିବଙ୍କ ମଧ୍ୟରେ ବାଣ୍ଟି ଦେଉଥିବା କହୁଛନ୍ତି ମୋଦି?

ନୂଆଦିଲ୍ଲୀ,୨୮।୩: ନିର୍ବାଚନ ଋତୁରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୁଣି ଥରେ ଏକ ବଡ଼ ଦାବି କରିଛନ୍ତି। ପଶ୍ଚିମବଙ୍ଗର କୃଷ୍ଣନଗର ଲୋକ ସଭା ଆସନରୁ ଭାଜପା ପ୍ରାର୍ଥୀ...

ଜେଲରୁ ପ୍ରଚାର କରିବେ ଆଜମ ଖାଁ? ଷ୍ଟାର ପ୍ରଚାରକ ଲିଷ୍ଟରେ ରହିଛି ନାମ

ଲକ୍ଷ୍ନୌ,୨୮।୩: ଲୋକସଭା ନିର୍ବାଚନ ୨୦୨୪ ପାଇଁ ବିଗୁଲ ବାଜି ସାରିଛି ଏବଂ ଉତ୍ତରପ୍ରଦେଶର ୮୦ଟି ଆସନରେ ୭ଟି ପର୍ଯ୍ୟାୟରେ ନିର୍ବାଚନ ଅନୁଷ୍ଠିତ ହେବ। ୟୁପିରେ ପ୍ରଥମ...

ମୁଖତାର ଅନସାରୀ ଗୁରୁତର, ହସ୍ପିଟାଲରେ ଭର୍ତ୍ତି

ନୂଆଦିଲ୍ଲୀ,୨୮।୩: ବାହୁବଳୀ ନେତା ମୁଖତାର ଅନସାରୀ ଗୁରୁତର ହୋଇପଡିଛନ୍ତି। ବାନ୍ଦା ଜେଲରେ ଥିବା ବେଳେ ତାଙ୍କର ସ୍ବାସ୍ଥ୍ୟ ବିଗିଡି ଯାଇଛି। ଏହା ପରେ ତାଙ୍କୁ ବାନ୍ଦା...

କେଜ୍‌ରିଓ୍ବାଲଙ୍କ ଗିରଫଦାରୀକୁ ନେଇ ଆମେରିକା ଦେଇଥିବା ମନ୍ତବ୍ୟ ଉପରେ କଡ଼ା ଜବାବ ଦେଲା ଭାରତ

ନୂଆଦିଲ୍ଲୀ,୨୮।୩ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିଓ୍ବାଲଙ୍କ ଗିରଫଦାରୀ ଏବଂ କଂଗ୍ରେସର ବ୍ୟାଙ୍କ ଆକାଉଣ୍ଟକୁ ଅଚଳ କରାଯିବା ଘଟଣା ଉପରେ ଆମେରିକାର ମନ୍ତବ୍ୟ ଅବାଞ୍ଛିତ ବୋଲି...

ଭାଜପା ସହ ହେଲା ନାହିଁ ମେଣ୍ଟ ତ ନବୀନ ଖେଳିଲେ ନୂଆ ଗେମ! ପୁରୁଷଙ୍କ ଟିକେଟ କାଟି ପତ୍ନୀମାନଙ୍କୁ କଲେ ପ୍ରାର୍ଥୀ

ନୂଆଦିଲ୍ଲୀ/ଭୁବନେଶ୍ୱର,୨୮।୩: ଓଡ଼ିଶାରେ ଶାସକ ବିଜୁ ଜନତା ଦଳ (ବିଜେଡି) ଆଗାମୀ ବିଧାନସଭା ନିର୍ବାଚନ ପାଇଁ ୪ ମହିଳାଙ୍କୁ ସେମାନଙ୍କ ସ୍ବାମୀଙ୍କ ସ୍ଥାନରେ ପ୍ରାର୍ଥୀ କରିଛି। ଏହି...

୧୪ ବର୍ଷର ବନବାସ ଶେଷ କରି କାହିଁକି ରାଜନୀତିକୁ ଫେରିଲେ ଛୋଟେ ମିଆଁ

ମୁମ୍ବାଇ,୨୮।୩: ବଲିଉଡ଼ ଅଭିନେତା ତଥା ପୂର୍ବତନ ଏମପି ଗୋବିନ୍ଦା ଗୁରୁବାର ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କ ନେତୃତ୍ୱରେ ଶିବସେନାରେ ଯୋଗ ଦେଇଛନ୍ତି। ମୁମ୍ବାଇ ଉତ୍ତର ପଶ୍ଚିମରେ ଶିବସେନାର...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri