ଆଇପିଏଲ୍ ୨୦୨୦ ଶେଷ ହୋଇଛି। ଲଗାତର ଦ୍ୱିତୀୟଥର ପାଇଁ ମୁମ୍ବାଇ ଇଣ୍ଡିଆନ୍ସ ଚାମ୍ପିୟନ୍ ହୋଇଛି। ଚଳିତ ଟୁର୍ନାମେଣ୍ଟରେ ଅନେକ ଖେଳାଳି ନିଜର ସ୍ବତନ୍ତ୍ର ଛାପ ଛାଡିବାରେ ସକ୍ଷମ ହୋଇଛନ୍ତି। ଏହି ଲିଗ୍ରେ ଅଂଶଗ୍ରହଣ କରିଥିବା ଭାରତର ଅନେକ ଯୁବ ଖେଳାଳିଙ୍କୁ ଆଗାମୀ ଦିନରେ ଅନ୍ତର୍ଜାତୀୟ ଟିମ୍ରେ ଦେଖିବାକୁ ମିଳିବ। ଆଇପିଏଲ୍ରେ ୨୦୨୦ରେ ଗ୍ଲାମର ତଡ୍କା ବି ଦେଖିବାକୁ ମିଳିବ। ଏହି ଟୁର୍ନାମେଣ୍ଟର ପ୍ରସାରଣକର୍ତ୍ତା ଷ୍ଟାର୍ ସ୍ପୋର୍ଟସ ଅନେକ ସୁନ୍ଦରୀ ଆଙ୍କରଙ୍କୁ ଏଥର ନିଯୁକ୍ତ କରିଥିଲା। ଏହି ଆଙ୍କରଙ୍କ ମଧ୍ୟରେ ନାନ୍ୟା ପୁରୋହିତ ଅନ୍ୟତମ। ସେ ଚଳିତ ଆଇପିଏଲ୍ରେ ଜରିଆରେ ସ୍ପୋର୍ଟ ଆଙ୍କରିଂରେ ଡେବ୍ୟୁ କରିଥିଲେ। ଏହି ସମୟରେ ସେ ଅନେକ ପ୍ରସିଦ୍ଧ କ୍ରିକେଟରଙ୍କୁ ଭେଟିଥିଲେ। ନାନ୍ୟାଙ୍କ ଏକ ଫଟୋ ଇଂଲଣ୍ଡର ପୂର୍ବତନ କ୍ରିକେଟର ଗ୍ରାମ ସ୍ବାନଙ୍କ ସହ ଭାଇରାଲ ହୋଇଛି। ଫଟୋରେ ସ୍ବାନ ନାନ୍ୟାଙ୍କ ଓଢଣୀ ଧରିଥିବା ନଜର ଆସିଛନ୍ତି। ସ୍ବାନ-ନାନ୍ୟା ଶାହରୁଖ-କାଜଲଙ୍କ ଫିଲ୍ମ ଦିଲଓ୍ବାଲେ ଦୁଲହନିଆ ଲେ ଜାୟେଙ୍ଗେର ଏକ ସିନ୍କୁ କପି କରିଛନ୍ତି। ସୂଚନାଯୋଗ୍ୟ, ପୂର୍ବରୁ ନାନ୍ୟା ଫତିଲ୍ମରେ ମଧ୍ୟ କାମ କରିସାରିଛନ୍ତି। ସେ ଅନୁଷ୍କା ଶର୍ମାଙ୍କ ସହ ଫିଲ୍ମ ହାଇଓ୍ବେ-୧୦ରେ ଅଭିନୟ କରିଥିଲେ।
