ୱେଲିଂଟନ,୨୮।୬: ନ୍ୟୁଜିଲାଣ୍ଡ ବିପକ୍ଷରେ ଚାଲିଥିବା ତୃତୀୟ ଟେଷ୍ଟରେ କ୍ରିକେଟକୁ ବିଦାୟ ଦେଇ ଅଲ୍ରାଉଣ୍ଡର ତଥା ଇଂଲଣ୍ଡ ଟେଷ୍ଟ ଅଧିନାୟକ ବେନ୍ ଷ୍ଟୋକ୍ସ ଆଶ୍ଚର୍ଯ୍ୟଜନକ ଭାବେ ଅବସର ନେଇଛନ୍ତି। ଇଂଲଣ୍ଡ କ୍ରିକେଟ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ବେନ ଷ୍ଟୋକ୍ସ ଅବସରକୁ ନିଶ୍ଚିତ କରିଛନ୍ତି।
ଇଂଲଣ୍ଡ କ୍ରିକେଟ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି କହିଛି, ଯେ ଇଂଲଣ୍ଡର ସର୍ବକାଳୀନ ମହାନ ଅଧିନାୟକ ବେନ ଷ୍ଟୋକ୍ସ ଟେଷ୍ଟ ମ୍ୟାଚ୍ ଶେଷରେ ଅନ୍ତର୍ଜାତୀୟ କ୍ରିକେଟରୁ ଅବସର ନେବାକୁ ନିଷ୍ପତ୍ତି ନେଇଛନ୍ତି। ବେନ୍, ଆପଣ ଏହି ଦଳ ପାଇଁ ସବୁଠାରୁ ପ୍ରେରଣାଦାୟକ ଅଧିନାୟକ। ଆମେ ଆପଣଙ୍କୁ ବହୁତ ଭଲ ପାଉଛୁ ଏବଂ ଆପଣଙ୍କ ଅବସର ସମୟରେ ଆପଣଙ୍କୁ ଶୁଭକାମନା ଜଣାଉଛୁ।
ଇଂଲଣ୍ଡ ଏବଂ ନ୍ୟୁଜିଲାଣ୍ଡ ମଧ୍ୟରେ ତୃତୀୟ ଟେଷ୍ଟ ମ୍ୟାଚ ନଟିଂହାମରେ ଖେଳାଯାଉଛି। ଏହି ଟେଷ୍ଟର ଚତୁର୍ଥ ଦିନରେ, ଇଂଲଣ୍ଡ ଅଧିନାୟକ ବେନ ଷ୍ଟୋକ୍ସ ହଠାତ୍ ତାଙ୍କର ଅବସର ଘୋଷଣା କରିଛନ୍ତି। ଏହି ଟେଷ୍ଟ ମ୍ୟାଚ ତାଙ୍କ ଅନ୍ତର୍ଜାତୀୟ କ୍ୟାରିୟରର ଶେଷ ମ୍ୟାଚ ହେବ। ଷ୍ଟୋକ୍ସ ପୂର୍ବରୁ ଏକଦିବସୀୟ ଏବଂ ଟି-୨୦ ଆନ୍ତର୍ଜାତୀୟରୁ ଅବସର ନେଇସାରିଛନ୍ତି। ସେ କେବଳ ଟେଷ୍ଟ କ୍ରିକେଟ ଖେଳୁଥିଲେ। ସେ ଟେଷ୍ଟ କ୍ରିକେଟରେ ଇଂଲଣ୍ଡର ଅଧିନାୟକ ମଧ୍ୟ। କିନ୍ତୁ ନ୍ୟୁଜିଲାଣ୍ଡ ବିପକ୍ଷରେ ଏହି ତୃତୀୟ ଟେଷ୍ଟ ମ୍ୟାଚ ତାଙ୍କ କ୍ୟାରିୟର ଶେଷ ମ୍ୟାଚ୍।
ବେନ ଷ୍ଟୋକ୍ସ ଇଂଲଣ୍ଡ ପାଇଁ ମୋଟ ୧୨୨ ଟେଷ୍ଟ ମ୍ୟାଚ ଖେଳିଛନ୍ତି। ଏହି ସମୟ ମଧ୍ୟରେ ସେ ୧୪ ଶତକ ସହିତ ୭,୨୪୩ ରନ୍ କରିଥିଲେ ଏବଂ ୨୫୨ ଉଇକଟ ନେଇଥିଲେ। ସେ ଟେଷ୍ଟ କ୍ରିକେଟରେ ସବୁଠାରୁ ବିପଜ୍ଜନକ ଅଲରାଉଣ୍ଡରଙ୍କ ମଧ୍ୟରୁ ଜଣେ ଥିଲେ। ଷ୍ଟୋକ୍ସ ୧୧୪ ଦିନିକିଆରେ ୩,୬୧୯ ରନ ଏବଂ ୭୪ ଉଇକେଟ ନେଇଛନ୍ତି।
