ଧାରାପୁରମ, ୩୦।୩ : ତାମିଲନାଡୁର ମୁଖ୍ୟ ବିରୋଧୀ ଦଳ ଡିଏମ୍କେ ଓ କଂଗ୍ରେସ ସରକାରକୁ ଆସିଲେ ମହିଳାଙ୍କୁ ଅପମାନିତ କରିବେ। ବିଧାନସଭା ନିର୍ବାଚନ ପୂର୍ବରୁ ଏଭଳି ଅଭିଯୋଗ ଆଣିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ତିରୁପୁର ଜିଲାର ଧରାପୁରମଠାରେ ଆୟୋଜିତ ସମାବେଶରେ ଯୋଗଦେଇ ପ୍ରଧାନମନ୍ତ୍ରୀ କହିଛନ୍ତି, ଡିଏମ୍କେ ଓ କଂଗ୍ରେସ ମେଣ୍ଟ ସରକାରକୁ ଆସିଲେ, ରାଜ୍ୟରେ କଦାପି ମହିଳା ସଶକ୍ତିକରଣ କରିବାକୁ ପ୍ରତିଶ୍ରୁତି ଦେବେ ନାହିଁ। ସେମାନେ ତାମିଲନାଡୁ ମୁଖ୍ୟମନ୍ତ୍ରୀଙ୍କ ମା’ଙ୍କୁ ଅପମାନିତ କରିଛନ୍ତି। ଭଗବାନ ନ କରନ୍ତୁ, ଏମାନେ ସରକାରକୁ ଆସିଲେ ରାଜ୍ୟରେ ଆହୁରି ମହିଳାଙ୍କୁ ଅପମାନିତ କରିବେ। ମୋଦିଙ୍କ ସହ ମଞ୍ଚରେ ମୁଖ୍ୟମନ୍ତ୍ରୀ ଇ. ପାଲାନିସ୍ବାମୀ ଓ ଉପ ମୁଖ୍ୟମନ୍ତ୍ରୀ ଓ. ପନିରସେଲଭମ ଏବଂ ମେଣ୍ଟର ଅନ୍ୟ ଦଳର ନେତାମାନେ ଉପସ୍ଥିତ ଥିଲେ।
