ଅବ୍ୟବସ୍ଥା, ଅସୁରକ୍ଷିତ

ଅନୁଗୋଳ ଅଫିସ, ୧୭ା୧୨:  ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟକୁ ନେଇ ବିବାଦର ଶେଷ ହେଉନାହିଁ। ବିଭିନ୍ନ ଅବ୍ୟବସ୍ଥା ଲାଗିରହିଥିବାବେଳେ ଗୁରୁବାର ସକାଳେ ନିର୍ମାଣାଧୀନ ଆଇସିୟୁ ବିଲ୍ଡିଂ ଛାତରୁ ଖସି ବଅଁରପାଳ ଥାନା ଗୋତମରା ଗ୍ରାମର ପଦ୍ମଚରଣ ବିଶ୍ୱାଳଙ୍କ ପୁଅ ଚିକୁନ ବିଶ୍ୱାଳ(୨୧)ଙ୍କ ମୃତ୍ୟୁ ହେବା ରୋଗୀଙ୍କ ସୁରକ୍ଷା ଉପରେ ପ୍ରଶ୍ନବାଚୀ ସୃଷ୍ଟି କରିଛି। ପୂର୍ବରୁ ଜଣେ ରୋଗୀ ଚିକିତ୍ସାଳୟ ବିଲ୍ଡିଂ ଉପରକୁ ଚଢ଼ି ଆତ୍ମହତ୍ୟା ଉଦ୍ୟମ କରିଥିଲେ ମଧ୍ୟ କର୍ତ୍ତୃପକ୍ଷ ସେଥିରୁ କିଛି ଶିକ୍ଷା ପାଇ ନ ଥିବା କୁହାଯାଉଛି।
ଜିଲା ମୁଖ୍ୟ ଚିକିତ୍ସାଳୟରେ ବିଭିନ୍ନ ସମୟରେ ଦୁର୍ନୀତି ହେଉଥିବା ଅଭିଯୋଗ ରହିଥିବାବେଳେ ପରିଚାଳନାଗତ ତ୍ରୁଟି କାରଣରୁ ନାନା ଅବ୍ୟବସ୍ଥା ଲାଗି ରହୁଛି। ସମସ୍ୟା ସୁଧାରିବା, ଦୁର୍ନୀତିର ବାଟ ବନ୍ଦ କରିବା ଓ ରୋଗୀ ସେବାରେ ଉନ୍ନତି ଆଣିବା ଦିଗରେ ସେପରି ଆନ୍ତରିକତା ପ୍ରଦର୍ଶନ କରାଯାଉ ନାହିଁ। କିଛି ଅଭିଯୋଗ ଆସିଲେ ତଳିଆ କର୍ମଚାରୀଙ୍କୁ ବଳି ପକାଯିବା ଏଠାକାର ଏକ ଅଲିଖିତ ନିୟମ ହୋଇଗଲାଣି। ଗତ ସେପ୍ଟେମ୍ବର ୧ ତାରିଖରେ ଜଣେ ମାନସିକ ଅସୁସ୍ଥ ବ୍ୟକ୍ତି ଏହି ଶହେ ଶଯ୍ୟା ବିଶିଷ୍ଟ ଆଇସିୟୁ ବିଲ୍ଡିଂର ଶୌଚାଳୟ ବାଟ ଦେଇ ଉପରକୁ ଚଢ଼ି ଆତ୍ମହତ୍ୟା ଉଦ୍ୟମ କରିଥିଲେ। ତେବେ ଠିକଣା ସମୟରେ ତାଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇପାରିଥିଲା। ଏହି ଘଟଣା ପରେ ରୋଗୀଙ୍କ ସୁରକ୍ଷାକୁ ଉପଯୁକ୍ତ ଧ୍ୟାନ ନ ଦେଇ କର୍ତ୍ତୃପକ୍ଷ ନିର୍ମାଣାଧୀନ ବିଲ୍ଡିଂକୁ ଠିକା ସଂସ୍ଥା ନିକଟରୁ ଗ୍ରହଣ କରିବା ସହ ସେଠାରେ ରୋଗୀସେବା ଚଳାଇଛନ୍ତି। ଫଳରେ ଏଭଳି ଘଟଣା ବଢ଼ିବାରେ ଲାଗିଛି। ସିଡିଏମ୍‌ଓ ଡାକ୍ତର ତ୍ରିଲୋଚନ ପ୍ରଧାନ କହିଛନ୍ତି, ଆଗାମୀ ଦିନରେ ଏପରି ଘଟଣା ଯେପରି ନ ଘଟିବ, ସେଥିପ୍ରତି ଧ୍ୟାନ ଦିଆଯିବ। ମ୍ୟାନେଜର ଦେବାଶିଷ ଦାସ କହିଛନ୍ତି, ଛାତକୁ ଥିବା ବାଟ ବନ୍ଦ କରିବାକୁ ଠିକାଦାରଙ୍କୁ କୁହାଯିବ। ସୁରକ୍ଷାକର୍ମୀଙ୍କ ସଂଖ୍ୟା ବଢ଼ାଇବାର ବ୍ୟବସ୍ଥା ହେବ।

ପ୍ରସୂତିଙ୍କ ଟଙ୍କା, ସୁନା ଗାଏବ

ଜିଲା ମୁଖ୍ୟ ଚିକିତ୍ସାଳୟ ଶୌଚାଳୟ ମଧ୍ୟରୁ ଗୁରୁବାର ଜଣେ ପ୍ରସୂତିଙ୍କ ୮ ହଜାର ଟଙ୍କା ଓ ସୁନା ମୁଦି ଗାଏବ କରାଯାଇଛି। ଏ ନେଇ ମେଡିକାଲ କର୍ତ୍ତୃପକ୍ଷଙ୍କ ନିକଟରେ ଅଭିଯୋଗ କରାଯାଇଥିଲେ ମଧ୍ୟ ସିସିଟିଭି୍‌ ଠିକ୍‌ ଭାବେ କାମ କରୁ ନ ଥିବାରୁ ଗାଏବ ସାମଗ୍ରୀର ସନ୍ଧାନ ମିଳିପାରି ନାହିଁ। ସୂଚନା ଅନୁଯାୟୀ, ଛେଣ୍ଡିପଦା ବ୍ଲକ କୋଶଳା ଅଞ୍ଚଳର ଜ୍ୟୋତିର୍ମୟୀ ପ୍ରଧାନ ପ୍ରସୂତି ବିଭାଗରେ ଚିକିତ୍ସାଧୀନ ଅଛନ୍ତି। ସକାଳେ ସେ ଓ୍ବାର୍ଡରେ ଥିବା ଶୌଚାଳୟକୁ ଯାଇଥିଲେ। ସଫେଇ ପାଇଁ ଆସିଥିବା କେତେଜଣ କର୍ମଚାରୀ ତାଙ୍କୁ ତୁରନ୍ତ ଶୌଚାଳୟ ଖାଲି କରିବାକୁ କହିବାରୁ ଜ୍ୟୋତିର୍ମୟୀ ତରବରରେ ଚାଲିଆସିଥିଲେ। ବେଡ୍‌ ନିକଟରେ ପହଞ୍ଚିବା ପରେ ଶୌଚାଳୟରେ ସେ ଛାଡ଼ିଆସିଥିବା ଟଙ୍କା ଓ ସୁନା ମୁଦି କଥା ମନେ ପଡ଼ିଥିଲା। ସେ ସେଠାକୁ ଯାଇ ଖୋଜାଖୋଜି କରିଥିଲେ ମଧ୍ୟ ତାହା ପାଇ ନ ଥିଲେ। ମେଡିକାଲ ଅଧିକାରୀଙ୍କୁ ଅଭିଯୋଗ କରିବା ପରେ ମଧ୍ୟ କିଛି ସୁଫଳ ମିଳି ନ ଥିବା ଜ୍ୟୋତିର୍ମୟୀ କହିଛନ୍ତି। ଏଡିଏମ୍‌ଓ (ମେଡିକାଲ) ଡାକ୍ତର ଦିଗାମ୍ବର ସାହୁ କହିଛନ୍ତି, ଘଟଣା ନେଇ ଅବଗତ ନାହିଁ। ତଥାପି ଅନୁଧ୍ୟାନ କରାଯିବ।

ପରିସର ବଢ଼ୁଛି, ସୁରକ୍ଷାକର୍ମୀ ଅଭାବ
ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟରେ ନୂଆ ନୂଆ ବିଲ୍ଡିଂ ସହ ବିଭିନ୍ନ ବିଭାଗ ଖୋଲାଯାଉଛି। ଫଳରେ ଏହାର ପରିସର ପୂର୍ବାପେକ୍ଷା ବୃଦ୍ଧି ପାଇବାରେ ଲାଗିଛି। କିନ୍ତୁ ସେହି ତୁଳନାରେ ସୁରକ୍ଷାକର୍ମୀଙ୍କୁ ନିଯୁକ୍ତି ପ୍ରଦାନ କରାଯାଉନାହିଁ। ଏବେ ମାତ୍ର ୭୫ ଜଣ ସୁରକ୍ଷାକର୍ମୀ ୩ଟି ଶିପ୍ଟରେ ଡ଼୍ୟୁଟି କରୁଛନ୍ତି। ସକାଳ ୭ଟାରୁ ୨ଟା ପର୍ଯ୍ୟନ୍ତ ୩୫ ଜଣଙ୍କୁ କାର୍ଯ୍ୟରେ ନିୟୋଜିତ କରାଯାଉଥିବାବେଳେ ଅପରାହ୍ନ ଓ ରାତିରେ ୩୦ ଜଣଙ୍କୁ କାର୍ଯ୍ୟ ପ୍ରଦାନ କରାଯାଉଛି। ବହୁ ସ୍ଥାନରେ ସୁରକ୍ଷାକର୍ମୀ ନ ଥିବାରୁ ରୋଗୀଙ୍କ ଧନ ଜୀବନର ସୁରକ୍ଷା ଠିକଣା ଭାବେ କରାଯାଇପାରୁ ନାହିଁ।


Enter your email to get our daily news in your inbox.

All Right Reserved By Dharitri.Com

ମହାପ୍ରଭୁଙ୍କ ପାଇଁ ଆସିଲା ପୋଢୁଆଁ ଭାର

ପୁରୀ ଅଫିସ, ୧୯ା୧୧: ବୁଧବାର ପ୍ରଥମାଷ୍ଟମୀ। ପୋଢୁଆଁ ହେବେ ମହାପ୍ରଭୁ। ଏଥିପାଇଁ ଶ୍ରୀମନ୍ଦିର ପ୍ରଶାସନ ପକ୍ଷରୁ ସମସ୍ତ ପ୍ରସ୍ତୁତି କରାଯାଇଛି। ଅନ୍ୟପକ୍ଷେ ମଙ୍ଗଳବାର ସନ୍ଧ୍ୟାରେ ନିଆଳି...

ବିଶ୍ୱସ୍ତରୀୟ କ୍ୟାନସର ହସ୍ପିଟାଲର ଭିତ୍ତିପ୍ରସ୍ତର ସ୍ଥାପନ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୧୨ା୭(ବ୍ୟୁରୋ): ରାଜଧାନୀରେ ସୋମବାର ଦୁଇଟି କ୍ୟାନସର ହସ୍ପିଟାଲ ପାଇଁ ଶୁଭ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଜଟଣୀ ଅଞ୍ଚଳରେ ଥିବା ଇନ୍‌ଫୋସିଟି-୨ରେ ୨୦ରୁ ୨୫ ଏକର...

ପାରଦ ବଢ଼ାଉଛି ପାଣି ଚିନ୍ତା

ବଇଣ୍ଡା,୧୧ା୪:  ଗ୍ରୀଷ୍ମ ପ୍ରବାହ ସାଙ୍ଗକୁ ମାସାଧିକ ହେଲା ଜଙ୍ଗଲ ଜଳୁଛି। ଫଳରେ ତାପମାତ୍ରାରେ ନିୟମିତ ବୃଦ୍ଧି ପରିଲକ୍ଷିତ ହେଉଛି। ଦିନକୁ ଦିନ ପାରଦ ଉପରମୁହାଁ ହେଉଥିବାରୁ ବହୁ...

ଭରତପୁର କୋଇଲା ଖଣି ଦୁର୍ଘଟଣା: ଜିଲାପାଳଙ୍କ କାର୍ଯ୍ୟାଳୟରେ ବୈଠକ

ଅନୁଗୋଳ ଅଫିସ, ୬।୮: ଅନୁଗୋଳ ଜିଲାପାଳଙ୍କ କାର୍ଯ୍ୟାଳୟରେ ମଙ୍ଗଳବାର ତାଳଚେର ଭରତପୁର କୋଇଲା ଖଣି ଦୁର୍ଘଟଣାରେ ମୃତ ଶ୍ରମିକଙ୍କ ପରିବାର ଓ ବିଧାୟକଙ୍କ ସହିତ ଜିଲା...

ବଡ଼ ଆଖଡ଼ା ମଠ ଉଚ୍ଛେଦ ଆରମ୍ଭ

ପୁରୀ ଅଫିସ,୮।୯: ଶ୍ରୀମନ୍ଦିରର ସୁରକ୍ଷା ଓ ପୁରୀର ବିକାଶ ପାଇଁ ରାଜ୍ୟ ସରକାରଙ୍କ ପଦକ୍ଷେପକୁ ଆମିକସ୍‌ କ୍ୟୁରି ସ୍ବାଗତ କରିବା ପରେ ରବିବାର ବଡ଼ ଆଖଡ଼ା...

ନିଜାମୁଦ୍ଦିନ୍‌ରୁ ଓଡ଼ିଶାକୁ ଫେରିଥିବା ୬ବିଦେଶୀଙ୍କ ସମେତ ୨୦ ଚିହ୍ନଟ: ୧୫ଜଣଙ୍କ ରିପୋର୍ଟ ନେଗେଟିଭ୍‌

ଭୁବନେଶ୍ୱର,୨।୪(ବ୍ୟୁରୋ): ନୂଆଦିଲ୍ଲୀର ନିଜାମୁଦ୍ଦିନ୍‌ରେ ଅନୁଷ୍ଠିତ ଧର୍ମସଭାରୁ ଓଡ଼ିଶାକୁ ଆସିଥିବା ଲୋକଙ୍କ ମଧ୍ୟରୁ ୬ଜଣ ବିଦେଶୀଙ୍କ ସମେତ ୨୦ଜଣଙ୍କୁ ଚିହ୍ନଟ କରାଯାଇଛି। ସେମାନଙ୍କ ସମସ୍ତଙ୍କ ନମୁନା ସଂଗ୍ରହ...

ମନ୍ତ୍ରୀ ପ୍ରତାପ ଜେନାଙ୍କ ଗାଡ଼ି ଦୁର୍ଘଟଣାଗ୍ରସ୍ତ

ଫୁଲବାଣୀ ଅଫିସ,୬ା୨: ମନ୍ତ୍ରୀ ପ୍ରତାପ ଜେନାଙ୍କ ଗାଡ଼ି ଦୁର୍ଘଟଣାଗ୍ରସ୍ତ ହୋଇଛି। ନିର୍ବାଚନ ପ୍ରଚାରରେ ଯାଉଥିବା ବେଳେ କନ୍ଧମାଳ ଜିଲା ଭେଟକୋଲ ଘାଟି ଏହି ଦୁର୍ଘଟଣା ଘଟିଛି।...

ଭୋଟରଙ୍କୁ ବନ୍ଧୁକ ଦେଖାଇ ଟଙ୍କା ବାଣ୍ଟୁଥିଲା ବିଜେଡି: ଅଭିଯୋଗ ଆଣିଲା ଭାଜପା

ପାଟଣା,୨୪ା୨(ସ୍ବ.ପ୍ର.): କେନ୍ଦୁଝର ଜିଲା ସାହାରପଡ଼ା ବ୍ଲକ ୨୯ ନମ୍ବର ଜୋନ୍‌ ତେଣ୍ଡେରା ପଞ୍ଚାୟତ ଭାଣ୍ଡାରୀ ବିଲା ଓ ଖିଲାରୀ ପାଟ ଗାଁରେ ବୁଧବାର ରାତିରୁ ବଡ଼ବିଲରୁ...

Advertisement
Archives

Model This Week