ଗଞ୍ଜାମ,୫ା୮(ଡି.ଏନ୍.ଏ.): ଗଞ୍ଜାମ ସହର ସାନବଜାରଠାରୁ ବଡ଼ ବଜାର ପର୍ଯ୍ୟନ୍ତ ମୁଖ୍ୟ ରାସ୍ତାରେ ବୁଲା ଗାଈଗୋରୁ ପାଇଁ ଅଞ୍ଚଳବାସୀ ଅତିଷ୍ଠ ହୋଇ ପଡ଼ିଲେଣି। ଏନେଇ ସ୍ଥାନୀୟ ଅଞ୍ଚଳବାସୀ ଏନଏସି ପ୍ରଶାସନଠାରେ ବାରମ୍ବାର ଅଭିଯୋଗ କରିବା ପରେ ଇଓ ଦାୟିତ୍ୱରେ ଥିବା ତହସିଲଦାର ଅରୁଣ କୁମାର ନାୟକ ସହର ମଧ୍ୟରେ ରହୁଥିବା ଗାଈଗୋରୁଙ୍କୁ ହଟାଯାଇ ସେମାନଙ୍କୁ ସୁଇପରଙ୍କ ଦ୍ୱାରା ଷ୍ଟାଡିୟମ ଭିତରେ ଭର୍ତ୍ତି କରିବାକୁ ନିର୍ଦେଶ ଦେଇଥିଲେ। ତାହା ମାତ୍ର ଗୋଟିଏ ଦିନ କାର୍ଯ୍ୟକାରୀ ହୋଇଥିଲା। ତହସିଲଦାରଙ୍କ ନିର୍ଦ୍ଦେଶକୁ ପରିମଳ ନେଇଥିବା ଠିକାଦାର ମାନୁ ନାହାନ୍ତି। ପୂର୍ବରୁ ଯେମିତି ବୁଲା ଶହ ଶହ ଗୋରୁ ସହର ମୁଖ୍ୟ ରାସ୍ତା ଅବରୋଧ କରୁଥିଲେ ଏବେ ମଧ୍ୟ ସେମାନଙ୍କ ଭିଡ଼ ଜମୁଥିବା ଦେଖିବାକୁ ମିଳୁଛି l ଏ ସମ୍ପର୍କରେ ତହସିଲଦାରଙ୍କୁ ପଚାରିବାରୁ ପଦକ୍ଷେପ ନିଆଯିବ ବୋଲି କହିଛନ୍ତି।
