ଦାରିଙ୍ଗବାଡ଼ି,୧୨ା୮ (ଅରୁଣ ସାହୁ): ଦାରିଙ୍ଗବାଡ଼ି ବ୍ଲକ୍ ତିଲୋରୀ ପଞ୍ଚାୟତ ଜଗେରମାହାର ବକ୍ସିପଲି ଅଞ୍ଚଳରେ ଛେଳି ମଡ଼କ ଘଟଣା ସମ୍ପର୍କରେ ଖବର ପ୍ରକାଶ ପରେ ପ୍ରାଣୀଧନ ବିଭାଗର ତତ୍ପରତା ଦେଖାଇଛି। ଉକ୍ତ ଅଞ୍ଚଳରେ ଅଜଣା ରୋଗ ତଥା ଛେଳିକୁ ଥଣ୍ଡା କାଶ, ଝାଡା, ପାଟିରେ ଘାଆ ବାହାରି ମୃତ୍ୟୁ ହେଉଥିଲା। ଗାଁରେ ପ୍ରାୟ ୫୦ରୁ ଊର୍ଦ୍ଧ୍ୱ ଛେଳିଙ୍କର ମୃତ୍ୟୁ ହୋଇଥିଲା। ତେବେ କୌଣସି ସ୍ବାସ୍ଥ୍ୟସେବା ମିଳୁ ନ ଥିବା ଅଭିଯୋଗ ହୋଇଥିଲା। ଘଟଣା ୧ମାସ ଧରି ଘଟୁଥିଲେ ମଧ୍ୟ ଗାଁରେ ବିଶେଷଜ୍ଞ ଦଳ ପହଞ୍ଚି ନ ଥିବା ନେଇ ଧରିତ୍ରୀରେ ୮ ତାରିଖରେ ଖବର ପ୍ରକାଶିତ ହୋଇଥିଲା। ଏହାପରେ ବିଭାଗର ବାଲିଗୁଡା ଉପଖଣ୍ଡ ପ୍ରାଣୀ ଚିକିତ୍ସାକାରୀ ଡା.ଲମ୍ବୋଦର ମହାପାତ୍ରଙ୍କ ନେତୃତ୍ୱରେ ଏକ ବିଷେଷଜ୍ଞ ଦଳ ସେହିଦିନ ଜଗେରମାହାରେ ପହଞ୍ଚିଥିଲେ। ସତ୍ୟାସତ୍ୟ ପରଖିଥିଲେ ପରେ ତାର ୨ ଦିନ ପରେ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀଙ୍କ ନେତୃତ୍ୱରେ ଫୁଲନଖରା ସ୍ଥିତ ପଶୁ ରୋଗ ଗବେଷଣା କେନ୍ଦ୍ରର ୨ ଜଣ ବିଶେଷଜ୍ଞ ତଥା ଡ଼.ରଘୁନାଥ ସିଂ ଏବଂ ଡ଼ଃ ଜ୍ୟୋତିରଞ୍ଜନ ବିଶ୍ୱାଳ ଉକ୍ତ ଗ୍ରାମକୁ ଗସ୍ତ କରି ଛେଳିର ଶରୀରରୁ ରକ୍ତ ସହ ବିଭିନ୍ନ ନମୁନା ସଂଗ୍ରହ କରି ନେଇଛନ୍ତି ।
