ମୁମ୍ବାଇ: ଚର୍ଚ୍ଚିତ ରିୟଲିଟି ଶୋ’ ବିଗ୍ ବସ୍ ୧୩ରେ ସମସ୍ତଙ୍କ ମନୋରଞ୍ଜନ କରିଥିବା ଶହନାଜ ଗିଲଙ୍କର ଏବେ ଭଲ ସମୟ ଚାଲିଛି । ପ୍ରଫେସନାଲି ସେ ଏବେ ବହୁତ ଉପରକୁ ଯିବାରେ ଲାଗିଛନ୍ତି । କିଛିଦିନ ହେବ ସେ ଲୋକପ୍ରିୟ ଫଟୋଗ୍ରାଫର ଡବ୍ୱୁ ରତନାନିଙ୍କ କ୍ୟାଲେଣ୍ଡର ଶୁଟର ଅଂଶ ପାଲଟିଥିଲେ । ଏବେ ଶହନାଜଙ୍କ ପାଇଁ ଲୋକପ୍ରିୟ ଡିଜାଇନର ମସାବା ଗୁପ୍ତା ବଡ କଥା କହିଛନ୍ତି । ଏବେ ମସାବା ଶହନାଜଙ୍କ ସହ କୋଲାବରେଟ କରିବାକୁ ଚାହୁଁଛନ୍ତି । ଫ୍ୟାଶନ ଡିଜାଇନର ମସାବା କହିଛନ୍ତି ସେ ଶହନାଜଙ୍କୁ ଡ୍ରେସଅପ୍ କରିବାକୁ ଚାହୁଁଛନ୍ତି । ତେବେ ମସାବାଙ୍କ ଏକଥା ଶୁଣି ଶହନାଜ ନିଶ୍ଚିତ ଖୁସି ହୋଇଯାଇଥିବେ । ମସାବା ଇନଷ୍ଟାଗ୍ରାମରେ ତାଙ୍କ ପ୍ରଶଂସକଙ୍କ କିଛି ପ୍ରଶ୍ନର ଉତ୍ତର ଦେବା ସମୟରେ ଜଣେ ୟୁଜର୍ସ ପଚାରିଥିଲେ ଶହନାଜଙ୍କ ପାଇଁ ଏକ ଶବ୍ଦ କୁହନ୍ତୁ । ମସାବା କହିଥିଲେ ମୁଁ ତାଙ୍କୁ ଡ୍ରେସଅପ୍ କରିବା ଯୋଜନାରେ ରହିଛି । କେହି ମୋତେ ସାହାଯ୍ୟ କରିପାରିବେ କି । ମୁଁ ତାଙ୍କୁ ଭଲପାଏ । ବିଗ୍ ବସ୍ରୁ ବାହାରିବା ପରେ ଶହନାଜ ଷ୍ଟାର ପାଲଟି ଯାଇଥିଲେ । ବିଗ୍ ବସ୍ ସରିବା ପୂର୍ବରୁ ତାଙ୍କୁ ନୂଆ ଶୋ ମିଳିଯାଇଥିଲା । ଏବେ ମନୋରଞ୍ଜନ ଦୁନିଆରେ ତାଙ୍କର ଡିମାଣ୍ଡ ରହିଛି ।
