ଭଣ୍ଡାରିପୋଖରୀ,୨୭।୭(ଡି.ଏନ୍.ଏ.): ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକ ବାରିକପୁର ବଜାରକୁ ୨୭ରୁ ୩୦ ତାରିଖ ପର୍ଯ୍ୟନ୍ତ ଶଟଡାଉନ ଘୋଷଣା କରାଯାଇଛି। ସ୍ଥାନୀୟ ନିର୍ଗୁଣ୍ଡି ଓ ନଗୁଁଆ ପଞ୍ଚାୟତର ସରପଞ୍ଚ ନମିତା ପାତ୍ର ଓ କମଳ କୁମାର ନନ୍ଦ ମିଳିତ ଭାବେ ବାରିକପୁର ସମେତ ଅନନ୍ତପୁର ଛକଠାରୁ ବାଘମରା ଓ ବରବଦୀ ଗ୍ରାମ ଆଖପାଖ ଅଞ୍ଚଳ ପର୍ଯ୍ୟନ୍ତ ବଜାର ଅଞ୍ଚଳକୁ ଶଟଡାଉନ ଘୋଷଣା କରିଛନ୍ତି। ଏହି ସମୟରେ ଉକ୍ତ ଅଞ୍ଚଳଗୁଡ଼ିକୁ ସାନିଟାଇଜ କରାଯିବ। ସ୍ବାବ ସଂଗ୍ରହ କରାଯାଇ କଣ୍ଟାକ୍ଟ ଟ୍ରେସିଂ କରାଯିବ ବୋଲି ଜଣାଯାଇଛି।
ସୂଚନାଯୋଗ୍ୟ, ସ୍ଥାନୀୟ ବାରିକପୁର ଜୁନିୟର କଲେଜ ଅଧ୍ୟକ୍ଷଙ୍କ କରୋନା ରେ ମୃତ୍ୟୁ ଘଟିବା ଓ ବାରିକପୁର ପ୍ରାଥମିକ ସ୍ବାସ୍ଥ୍ୟକେନ୍ଦ୍ର (ନୂତନ)ର ଜଣେ ସେବିକା କରୋନା ଆକ୍ରାନ୍ତ ହୋଇ ଚିକିତ୍ସିତ ହେଉଛନ୍ତି। ଏହା ସହ ସ୍ଥାନୀୟ ଅଞ୍ଚଳରୁ କେତେକ ଆକ୍ରାନ୍ତ ବହାରିବା ପରେ ୨ ପଞ୍ଚାୟତର ସରପଞ୍ଚ ଜିଲାପାଳ କ୍ଷମତା ପ୍ରୟୋଗ କରି ଉଭୟ ପଞ୍ଚାୟତ ପରିସରରେ ଆସୁଥିବା ବାରିକପୁର ବଜାର ଅଞ୍ଚଳକୁ ଶଟଡାଉନ ଘୋଷଣା କରିଛନ୍ତି।
