ସିଡନୀ,୩୦।୧୧: ଭାରତ ବିପକ୍ଷ ସୀମିତ ଓଭର ସିରିଜର ଅବଶିଷ୍ଟ ମ୍ୟାଚରୁ ଅଷ୍ଟ୍ରେଲିଆର ବିସ୍ଫୋରକ ଓପନର୍ ଡେଭିଡ ୱାର୍ନର ବାଦ୍ ପଡିଛନ୍ତି। ରବିବାର ସିଡନୀରେ ଚାଲିଥିବା ଦ୍ୱିତୀୟ ଦିନିକିଆରେ ଗୋଡ ଆଘାତ ଯୋଗୁ ତାଙ୍କୁ ପଡ଼ିଆ ଛାଡିବାକୁ ପଡିଥିଲା। ବୁଧବାର ଖେଳାଯିବାକୁ ଥିବା ତୃତୀୟ ଦିନିକିଆ ବ୍ୟତୀତ ଆଉ ତିନି ମ୍ୟାଚ ବିଶିଷ୍ଟ ଟି -୨୦ସିରିଜରେ ମଧ୍ୟ ସେ ଖେଳିବେ ନାହଁି। ଏବେ ବିଶ୍ରାମ ନେବା ପାଇଁ ସେ ନିଜ ଘରକୁ ଫେରିଛନ୍ତି। ଡିସେମ୍ବର ୧୭ରୁ ଆରମ୍ଭ ହେବାକୁ ଥିବା ଟେଷ୍ଟ ସିରିଜ ବେଳକୁ ସେ ଭଲ ହୋଇଯିବେ ବୋଲି କୁହାଯାଉଛି ଡେଭିଡ ୱାର୍ଣ୍ଣରଙ୍କ ବ୍ୟତୀତ ପାଟ କମିନ୍ସ ମଧ୍ୟ ଭାରତ ବିପକ୍ଷ ଅଷ୍ଟ୍ରେଲିଆର ସୀମିତ ଓଭର ମ୍ୟାଚରୁ ବାଦ ପଡିଛନ୍ତି। ଦଳରେ ଡାର୍ସି ସର୍ଟଙ୍କୁ ନିଆଯାଇଛି। ଟି-୨୦ ସିରିଜର ପ୍ରଥମ ମ୍ୟାଚ ଡିସେମ୍ବର ୪ରେ ଖେଳାଯିବ। ପରବର୍ତ୍ତୀ ମ୍ୟାଚ ୬ ଏବଂ ୮ ଡିସେମ୍ବରରେ ଅନୁଷ୍ଠିତ ହେବ।
