ଜୟପୁର,୬।୮: ରାଜସ୍ଥାନର ରାଜଧାନୀ ଜୟପୁରରେ ଏକ ହୃଦୟ ବିଦାରକ ଘଟଣା ଘଟିଛି। ଏଠାରେ ଜଣେ ବୋହୂ ନିଜ ଶାଶୁଙ୍କୁ ନିର୍ମମ ହତ୍ୟା କରିଛନ୍ତି। ବିଧାନଗର ଥାନା ପୋଲିସ ୫୦ ବର୍ଷୀୟ ଆବିଦା ବାନୋଙ୍କ ହତ୍ୟାର ଖୁଲାସା କରି ହତ୍ୟା କରିଥିବା ଅଭିଯୁକ୍ତଙ୍କୁ ଗିରଫ କରିଛି। ପଚରାଉଚରାବେଳେ ଅଭିଯୁକ୍ତ ବୋହୂ କହିଛନ୍ତି, ବିଭା ହୋଇ ଆସିବା ଦିନରୁ ମୋ ଶାଶୁ ମୋତେ ହଇରାଣ କରୁଥିଲେ। କୋଉଠି କି ଯିବା ଆସିବା ଉପରେ ରୋଗ ଲଗାଇଦେଇଥିଲେ। ଏଥିରେ ଚିନ୍ତିତ ହୋଇ ସେ ତାଙ୍କୁ ହତ୍ୟା କରିଥିବା ପୋଲିସ ଆଗରେ ସ୍ବୀକାର କରିଛନ୍ତି। ଟିଭିରେ କ୍ରାଇମ ପାଟ୍ରୋଲ, ସିଆଇଡି ଏବଂ ସାବଧାନ ଇଣ୍ଡିଆ ଦେଖ ସେଥିରୁ ହତ୍ୟା କରିବାର କୌଶଳ ଶିଖିଥିଲେ। ସ୍ବାମୀ ମହମ୍ମଦ ଇମ୍ରାନ ଏବଂ ଶ୍ୱଶୁର ମହମ୍ମଦ ଇକବାଲ କାମକୁ ଯିବା ପରେ ଶାଶୁଙ୍କ ମୁଣ୍ଡକୁ ଭାରି ବସ୍ତୁରେ ପିଟିଦେଇଥିଲେ। ଫଳରେ ତାଙ୍କ ମୃତ୍ୟୁ ଘଟିଥିଲା। ତଙ୍କୁ ଯେମିତି କେହି ସନ୍ଦେହ ନ କରିବେ କିଛି ଯୁବକ ଘରେ ପଶି ଶାଶୁ ହତ୍ୟା କରିଥିବା କାହାଣୀ ରଚିଥିଲେ। କିନ୍ତୁ ପୋଲିସ ତଦନ୍ତରୁ ଘରକୁ କେହି ଆସି ନ ଥିଲେ ଆବିଦା ହିଁ ତାଙ୍କୁ ମାରିଥିବା ଜଣାପଡିଥିଲା।
