ଖଇରା, ୯ା୧୧(ଡି.ଏନ.ଏ.)-ବାଲେଶ୍ବର ଜିଲା ଖଇରା ବ୍ଲକ ମାଣିତ୍ରୀ ପଞ୍ଚାୟତ ଅଧୀନ ମାଣିତ୍ରୀ, ଜଳଙ୍ଗଗଣ୍ଡିବେଡ, ମହୁଜମପୁର ଆଦି ଗ୍ରାମର ଅଧିବାସୀମାନେ ଧାନଜମିରେ ଜଉଆ ବା ମାଟିଆଗୁଣ୍ଡି ପୋକ ଲାଗି ଶହ ଶହ ଏକର ଚାଷଜମି ନଷ୍ଟ ହୋଇଥିବା ନେଇ ଖଇରା ବ୍ଲକ ବିଡିଓ ଓ କୃଷି ଅଧିକାରୀଙ୍କୁ ଲିଖିତ ଅଭିଯୋଗ କରିଥିଲେ। ତୁରନ୍ତ କ୍ଷୟକ୍ଷତି ଆକଳନ କରି କ୍ଷତିପୂରଣ, ଋଣଛାଡ ବ୍ୟବସ୍ଥା କରିବାକୁ ଚାଷୀ ସୁଶାନ୍ତ କୁମାର ପାଢୀ, ଗଜେନ୍ଦ୍ର ସାହୁ, ପ୍ରଫୁଲ୍ଲ କୁମାର ଦାସ, ବଳରାମ ସାହୁ, ମହେନ୍ଦ୍ର ସାହୁ, ପିତାମ୍ବର ହାତୀ, ରବୀନ୍ଦ୍ର ସାହୁ ଓ ରତ୍ନାକର ଜେନା ପ୍ରମୁଖ ଦାବି କରିଛନ୍ତି ା ଚାଷୀମାନଙ୍କର ଅଭିଯୋଗ ଅନୁଯାୟୀ ଚଳିତବର୍ଷ ଚାଷୀମାନେ ପ୍ରତିକୂଳ ପାଗ ସତ୍ତ୍ୱେ ପାଣି ଭଳି ଅର୍ଥ ଖର୍ଚ୍ଚ କରି ଧାନଚାଷ କରିଥିଲେ। ହେଲେ ଜଉଆ ପୋକ ଲାଗିବା କାରଣରୁ ଧାନ ଅମଳ ଆଶା ମଉଳିବାରେ ଲାଗିଛି। ତୁରନ୍ତ କ୍ଷତିପୂରଣ ବ୍ୟବସ୍ଥା ନ ହେଲେ ଚାଷୀମାନଙ୍କ ମେରୁଦଣ୍ଡ ଦୋହଲିଯିବ ବୋଲି ବିଭିନ୍ନ କୃଷକ ସଙ୍ଗଠନ ତରଫରୁ ଅଭିଯୋଗ କରାଯାଇଛି ା ଏ ସମ୍ପର୍କରେ ବ୍ଲକ କୃଷି ଅଧିକାରୀ ସରୋଜ ଜେନାଙ୍କୁ ଯୋଗାଯୋଗ କରିବାରେ ଅନ୍ୟତମ କୃଷି ଅଧିକାରୀ ବାସୁଦେବ ଶତପଥୀ ଓ ଗ୍ରାମ୍ୟ କୃଷି କର୍ମଚାରୀମାନେ ସରଜମିନ ତଦନ୍ତ କରିଛନ୍ତି ା ୫୦ ପ୍ରତିଶତ ରିହାତି ଦରରେ ମାଟିଆ ଗୁଣ୍ଡି ପୋକ ମାରିବା ପାଇଁ କୀଟନାଶକ ପ୍ରଦାନ କରାଯିବାକୁ ଚାଷୀମାନଙ୍କୁ କୁହାଯାଇଛି। ଧାନ କଟା ସରିବା ପରେ କ୍ଷୟକ୍ଷତି କଥା ବିଚାରକୁ ନିଆଯିବ ବୋଲି କହିଛନ୍ତି।
