ଭାରତୀୟ ସ୍ପିନ୍ ବୋଲର ହରଭଜନ ସିଂ ଗତ କିଛି ଦିନ ହେବ ସୋସିଆଲ ମିଡିଆରେ ଖୁବ୍ ଆକ୍ଟିଭ ରହିଛନ୍ତି। ଅନେକ ସମୟରେ ସେ ସାମାଜିକ ପ୍ରସଙ୍ଗ ଉପରେ ଟୁଇଟ୍ କରିଥାନ୍ତି। ହେଲେ ଏବେ ସେ ସୋସିଆଲ ମିଡିଆରେ ନିଜର ଅସୁବିଧା ବିଷୟରେ ଜଣାଇଛନ୍ତି। ବାସ୍ତବରେ ହରଭଜନଙ୍କ ଘରର ଇଲେକ୍ଟ୍ରି ବିଲ୍ ଅଧିକ ଆସିଛି, ଯେଉଁଥିପାଇଁ ସେ ଅସନ୍ତୋଷ ପ୍ରକାଶ କରିଛନ୍ତି। ସେ ଲେଖିଛନ୍ତି, କିଛି ଦିନ ହେବ ମୁମ୍ବାଇରେ ଇଲେକ୍ଟ୍ରି ବିଲ୍ ଆଗ ଅପେକ୍ଷା ବହୁତ ଅଧିକ ଆସୁଛି। ଏଥିସହ ହରଭଜନ କହିଛନ୍ତି, ଏହି ଇଲେକ୍ଟ୍ରି ବିଲ୍ ମୋର ନା ପୁରା ବିଲ୍ଡିଂ ବୋଲି ସେ ପ୍ରଶ୍ନ କରିଛନ୍ତି। ଏଥର ମୋର ବିଲ୍ ୩୩ ହଜାର ୯ଶହ ଟଙ୍କା ଆସିଛି। ଯାହାକି ସାଧାରଣ ବିଲ୍ଠାରୁ ୭ ଗୁଣା ଅଧିକ ବୋଲି ସେ କହିଛନ୍ତି। ଏଥିସହ ହରଭଜନ ଟୁଇଟ୍ରେ ୩ଟି ଆଶ୍ଚର୍ଯ୍ୟଜନକ ଇମେଜିକରି ଆଦାନୀ ଇଲେକ୍ଟ୍ରିସିଟି, ମୁମ୍ବାଇକୁ ଟ୍ୟାଗ୍ କରିଛନ୍ତି।
ପୂର୍ବରୁ ମଧ୍ୟ ଇଲେକ୍ଟ୍ରି ବିଲ୍ ଅଧିକ ଆସୁଥିବା ନେଇ ଅନେକ ଲୋକ ଅଭିଯୋଗ ମଧ୍ୟ କରିସାରିଛନ୍ତି। ତେବେ ବଲିଉଡ୍ କଳାକାର ମଧ୍ୟ ଏଥିରୁ ବାଦ୍ ପଡ଼ିନାହାନ୍ତି। ଅଭିନେତା ତାପସୀ ପନ୍ନୁ, ହୁମା କୁରୈସୀଙ୍କ ସମେତ ଅନେକ ବଲିଉଡ୍ କଳାକାର ଇଲେକ୍ଟ୍ରି ବିଲ୍କୁ ନେଇ ସୋସିଆଲ ମିଡିଆରେ ଟୁଇଟ୍ କରିସାରିଛନ୍ତି।
