ନୂଆଦିଲ୍ଲୀ,୧୯ ।୧୨: କରୋନା ଭାଇରସର ନୂଆ ଭାରିଏଣ୍ଟ ଓମିକ୍ରନ୍ ଦ୍ରୁତ ବେଗରେ ମାଡି ଚାଲିଛି । ଏପର୍ଯ୍ୟନ୍ତ ଏହା ଦେଶର ୧୨ ରାଜ୍ୟକୁ ବ୍ୟାପି ସାରିଲାଣି । ଆଉ ଏଥିରେ ୧୪୫ ଜଣ ସଂକ୍ରମିତ ହୋଇ ସାରିଲେଣି । ଏହାକୁ ଦେଖି ନ୍ୟାଶନାଲ କୋଭିଡ ସୁପର ମଡେଲ କମିଟି ଅନୁମାନ ଲଗାଇଛି କି ଆସନ୍ତା ବର୍ଷ ଅର୍ଥାତ୍ ୨୦୨୨ ଫେବୃୟାରୀ ସୁଦ୍ଧା ଦେଶରେ କରୋନା ମହାମାରୀର ତୃତୀୟ ଲହର ଆସିପାରେ ।
କମିଟି କହିଛି ଓମିକ୍ରନର ପ୍ରଭାବକୁ ଦେଖିଲେ ଲାଗୁଛି ତୃତୀୟ ଲହର ଦ୍ୱିତୀୟ ଲହର ଅପେକ୍ଷା କମ୍ ପ୍ରଭାବି ବା ଭୟଙ୍କର ହେବ । ସଂକ୍ରମଣ ହାର ବୃଦ୍ଧି ହେଲେ ବି ମୃତ୍ୟୁ ସଂଖ୍ୟା ଖୁବ୍ କମ୍ ରହିବ । କମିଟିର ମୁଖ୍ୟ ବିଦ୍ୟାସାଗର କହିଛନ୍ତି ଏବେ ଦେଶରେ ପ୍ରତିଦିନ କରୋନା ସଂକ୍ରମତଙ୍କ ସଂଖ୍ୟା ୭,୫୦୦ ପାଖାପାଖି ଆସୁଛି । ହେଲେ ଓମିକ୍ରନ୍ ମୁଖ୍ୟ ଭାଇରସ ଭାବେ ଯେତେବେଳେ ଡେଲ୍ଟାକୁ ରିପ୍ଲେସ କରିବା ଆମ୍ଭ କରିବ ସେତେବେଳେ ସଂକ୍ରମିତଙ୍କ ସଂଖ୍ୟା ବହୁଗୁଣ ଅଧିକ ହୋଇଯିବ । ଏହାର କାରଣ ହେଉଛି ଓମିକ୍ରନ୍ ଡେଲ୍ଟା ବା ଅନ୍ୟ ଭାରିଏଣ୍ଟ ତୁଳନାରେ ଦ୍ରୁତ ଗତିରେ ବ୍ୟାପୁଛି । ତେଣୁ କରୋନାର ତୃତୀୟ ଲହରର କାରଣ ଓମିକ୍ରନ୍ ହିଁ ହେବ ।
