କରୋନା ଯୋଗୁ ସାରା ବିଶ୍ୱ ବୃହତ୍ତ ପରିମାଣରେ କ୍ଷତି ସହୁଛି। ଲକଡାଉନ ଯୋଗୁ ବାଣିଜ୍ୟ କାରବାର ଠପ୍ ହୋଇ ପଡିଥିଲା। ବର୍ତ୍ତମାନ କଟକଣା କୋହଳ ହେବା ପରେ ମଧ୍ୟ ସବୁ କିଛି ଟ୍ରାକକୁ ଫେରି ପାରୁନାହିଁ। ବ୍ଲୁମବର୍ଗ ପକ୍ଷରୁ ପ୍ରକାଶିତ ବିଲିୟନେୟାର ସୂଚୀ ମୁତାବକ ବିଶ୍ୱର ଟପ୍ ବିଲିୟନେୟାରଙ୍କ ସମ୍ପତ୍ତି ହ୍ରାସ ଘଟିଛି। କେଉଁ ବିଲିୟନେୟାର କେତେ ପରିମାଣର କ୍ଷତି ସହିଛନ୍ତି ତାହା ଏଠାରେ ଦିଆଗଲା…..
୧- ଜେଫ ବେଜୋସ, ଆମାଜନ ପ୍ରତିଷ୍ଠାତା
ବିଶ୍ୱର ସବୁଠାରୁ ଧନୀ ବ୍ୟକ୍ତି କୁହାଯାଉଥିବା ଆମାଜନ ପ୍ରତିଷ୍ଠାତା ଜେଫ ବେଜୋସଙ୍କ ସମ୍ପତ୍ତି ବର୍ତ୍ତମାନ ୧୦୫ ବିଲିୟନ ଡଲାରକୁ ହ୍ରାସ ଘଟିଛି। କରୋନା ପାଇଁ ବେଜୋସଙ୍କ ସମ୍ପତ୍ତିରେ ୮.୧୪ ବିଲିୟନ ଡଲାର ହ୍ରାସ ଘଟିଛି।
୨- ବିଲ ଗେଟ୍ସ, ମାଇକ୍ରୋସଫ୍ଟ ସହ ପ୍ରତିଷ୍ଠାତା
ମାଇକ୍ରୋସଫ୍ଟର ସହ ପ୍ରତିଷ୍ଠାତା ବିଲ୍ ଗେଟ୍ସ ବର୍ତ୍ତମାନ ୯୮ ବିଲିୟନ ଡଲାର ରହିଛି। ତାଙ୍କୁ ୬.୯୮ ବିଲିୟନ ଡଲାର କ୍ଷତି ସହିବାକୁ ପଡିଛି।
୩- ମାର୍କ ଜୁକରବର୍ଗ, ଫେସ୍ବୁକ
ଫେସବୁକର ସହ ପ୍ରତିଷ୍ଟାତା ମାର୍କ ଜୁକରବର୍ଗ ୫୯.୫ ବିଲିୟନ ଡଲାର ରହିଛି। କରୋନା ପାଇଁ ତାଙ୍କ ସମ୍ପତ୍ତିରେ ୫.୮୯ ବିଲିୟନ ଡଲାର ହ୍ରାସ ଘଟିଛି।
୪- ଲେରୀ ପେଜ୍, ଗୁଗଲ
ଗୁଗଲର ସହ ପ୍ରତିଷ୍ଠାତା ଲେରୀ ପେଜ୍ ୪.୩୪ ବିଲିୟନ ଡଲାର କ୍ଷତି ସହିବା ସହ ସମ୍ପତ୍ତି ୫୪.୬ ବିଲିୟନ ଡଲାରକୁ ଖସି ଆସିଛି।
୫- ସର୍ଗି ବ୍ରେନ, ଗୁଗଲ
ଗୁଗଲର ଅନ୍ୟ ଜଣେ ସହ ପ୍ରତିଷ୍ଠାତା ସର୍ଗୀ ବ୍ରେନଙ୍କ ସମ୍ପତ୍ତି ୪.୨୨ ବିଲିୟନ ଡଲାର ହ୍ରାସ ଘଟି ୫୩ ବିଲିୟନ ଡଲାର ରହିଛି।
୬- ଜ୍ୟାକ ମା, ଆଲିବାବା
ଆଲିବାବାର ପ୍ରତିଷ୍ଠାତା ତଥା ଏସିଆର ସବୁଠୁ ଧନୀ ବ୍ୟକ୍ତି ରହି ଆସିଥିବା ଜ୍ୟାକ ମା ୧.୯୪ ବିଲିୟନ ଡଲାର କ୍ଷତି ସହିଛନ୍ତି। ବର୍ତ୍ତମାନ ତାଙ୍କର ସମ୍ପତ୍ତି ୪୨.୭ ବିଲିୟନ ଡଲାର ରହିଛି।
୭- ମୁକେଶ ଅମ୍ବାନୀ, ରିଲାଏନ୍ସ
ରିଲାଏନ୍ସ ଇଣ୍ଡଷ୍ଟ୍ରିଜର ଅଧ୍ୟକ୍ଷ ମୁକେଶ ଅମ୍ବାନୀଙ୍କ ସମ୍ପତ୍ତି ୩.୩୫ ବିଲିୟନ ଡଲାର କ୍ଷତି ହୋଇଥିଲା। ବର୍ତ୍ତମାନ ରିଲାଏନ୍ସରେ ନିବେଶ ବଢିବାରୁ ସେ ବିଶ୍ୱର ଶୀର୍ଷ ୧୦ ଧନୀଙ୍କ ମଧ୍ୟରେ ସାମିଲ ହୋଇଛନ୍ତି। ତାଙ୍କ ସ୍ଥାନ ୯ ନମ୍ବର ରହିଛି।
୮- ଏଲନ ମସ୍କ, ଟେସଲା
ଟେସଲା ଇ-କାରର ମାଲିକ ଏଲନ ମସ୍କ କରୋନା ଯୋଗୁ ୨.୮୫ ବିଲିୟନ ଡଲାର କ୍ଷତି ସହିଛନ୍ତି। ତାଙ୍କ ସମ୍ପତ୍ତି ୩୨.୨ ବିଲିୟନ ଡଲାରକୁ ଖସିଛି।
୯- ଅଜୀମ ପ୍ରେମଜୀ, ଓ୍ବିପ୍ରୋ
ଓ୍ପିପ୍ରୋର ଅଜୀମ ପ୍ରେମଜୀ ୮୭୦ ନିୟୁତ ଡଲାର କ୍ଷତି ସହିଛନ୍ତି। ବର୍ତ୍ତମାନ ତାଙ୍କ ସମ୍ପତ୍ତି ୧୫.୧ ବିଲିୟନ ଡଲାରକୁ ଖସିଛି।
