ନୂଆଦିଲ୍ଲୀ,୨୧।୩: ଦେଶରେ ଯାଞ୍ଚ ଏଜେନ୍ସି ଗୋଟିଏ ପଟେ କଂଗ୍ରେସ, ଆମ ଆଦମୀ ପାର୍ଟି, ଟିଏମ୍ସି ସମେତ ବିରୋଧୀ ନେତାଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରୁଛି। ଅନ୍ୟପଟେ ଇଣ୍ଟରପୋଲ ପଞ୍ଜାବ ନ୍ୟାସନାଲ ବ୍ୟାଙ୍କ(ପିଏନ୍ବି)ରୁ ୧୩ହଜାର କୋଟି ଟଙ୍କା ଠକେଇ ମାମଲାରେ ଅଭିଯୁକ୍ତ ପଳାତକ ମେହୁଲ ଚୌକସିଙ୍କ ନାମ ରେଡ୍ ନୋଟିସ୍ ତାଲିକାରୁ ହଟାଇଦେଇଛି। ବର୍ତ୍ତମାନ ଏହାକୁ ନେଇ ରାଜନୀତି ଆରମ୍ଭ ହୋଇଛି। କଂଗ୍ରେସ ମୁଖ୍ୟ ମଲ୍ଲିକାର୍ଜୁନ ଖାଗେର୍ର୍ ଭାଜପାକୁ ଟାର୍ଗେଟ କରିଛନ୍ତି। ଖାର୍ଗେ କବିତା ଢ଼ଙ୍ଗରେ ଏକ ଟୁଇଟ କରି କହିଛନ୍ତି, ‘ବିରୋଧୀଦଳର ନେତାଙ୍କ ପାଇଁ ଇଡି-ସିବିଆଇ, କିନ୍ତୁ ମୋଦୀ ଜିଙ୍କ ‘ମେହୁଲ ଭାଇ’ଙ୍କ ପାଇଁ ଇଣ୍ଟରପୋଲରୁ ମୁକ୍ତ। ଯେତେବେଳେ ଭଲ ବନ୍ଧୁ ପାଇଁ ସଂସଦ ଅଟକିଯାଇପାରେ, ତେବେ ପୁରୁଣା ବନ୍ଧୁ ଯାହାକୁ ୫ବର୍ଷ ପୂର୍ବରୁ ଫେରାର କରାଯାଇଥିଲା ତାଙ୍କୁ ସାହାଯ୍ୟ କରିବାକୁ କିପରି ଅସ୍ବୀକାର କରିପାରିବେ ମୋଦି। ବୁଡ଼ି ଯାଇଥିବା ଦେଶର ହଜାର ହଜାର କୋଟି, କାହାକୁ ଖାଇବାକୁ ଦେବି ନାହିଁ ଏହା ଏକ ନିଆରା ବାକ୍ୟରେ ପରିଣତ ହୋଇଛି ବୋଲି ଖାର୍ଗେ କହିଛନ୍ତି। ସେହିପରି ପଳାତକ ମେହୁଲ ଚୋକସିଙ୍କ ବିଷୟରେ ମଲ୍ଲିକାର୍ଜୁନ ଖାର୍ଗେ ତାଙ୍କର ଏକ ବିବୃତ୍ତିରେ କହିଛନ୍ତି, ସେ ଭାରତ ବ୍ୟାଙ୍କରୁ ଟଙ୍କା ନେଇ ଫେରାର ହୋଇଯାଇଛନ୍ତି। ଏହିପରି ଲୋକଙ୍କୁ ଯେଉଁମାନେ ସୁରକ୍ଷା ଦିଅନ୍ତି ସେମାନେ ପୁଣି ଦେଶପ୍ରେମ ବିଷୟରେ କଥା କହୁଥିବା ଶୋଭାପାଏନି ବୋଲି ଖାର୍ଗେ ମୋଦିଙ୍କୁ ଟାର୍ଗେଟ କରି କହିଛନ୍ତି।
