ଖଇରା,୧।୩(ଉତ୍କଳବନ୍ଧୁ ପଣ୍ଡା):ବାଲେଶ୍ୱର ଜିଲା ଖଇରା ବ୍ଲକରେ କଂଗ୍ରେସର ୬ମାସ ମଧ୍ୟରେ ୩୦ରୁ ଊର୍ଦ୍ଧ୍ୱ ଛୋଟ ବଡ ମିଶ୍ରଣ ପର୍ବ ମାଧ୍ୟମରେ କଂଗ୍ରେସ ଧୀରେ ଧୀରେ ସୁଦୃଢ ହେବାରେ ଲାଗିଛି। ୨୦୧୯ରେ ଦଳ ଛାଡି ଭାଜପାକୁ ମୁହାଁଇଥିବା ବହୁ କଂଗ୍ରେସ କର୍ମୀ ତଥା ଦଳ ଆରମ୍ଭରୁ ସକ୍ରିୟ ଭୂମିକାରେ ରହିଥିବା ଅନ୍ୟ କିଛି କର୍ମୀ ଦଳ ଭିତରେ ଅଣନିଃଶ୍ୱାସୀ ହୋଇ ଦଳକୁ ପ୍ରତ୍ୟାବର୍ତ୍ତନ କରିବା ପରେ କଂଗ୍ରେସ ଶକ୍ତିଶାଳୀ ହୋଇପଡୁଥିବା କୁହାଯାଉଛି। ଗୁରୁବାର ଖଇରା କଂଗ୍ରେସ କାର୍ଯ୍ୟାଳୟରେ ପୁଣି ଏକ ମିଶ୍ରଣ ପର୍ବ ସିମୁଳିଆରେ ଦଳର ଲୋକପ୍ରିୟତା ବୃଦ୍ଧିକୁ ପ୍ରମାଣିତ କରିଛି। କଂଗ୍ରେସ ନେତା ଶରତ ଦାସ, କଂଗ୍ରେସ ବିଧାୟକ ପ୍ରାର୍ଥୀ ହିମାଂଶୁ ଶେଖର ବେହେରା, ଯୁବ କଂଗ୍ରେସ ସଭାପତି ନିରଞ୍ଜନ ପରିଡା, ପୂର୍ବତନ ସରପଞ୍ଚ ବସନ୍ତ ପାତ୍ରଙ୍କ ଉପସ୍ଥିତିରେ ଅନ୍ତରା ଜୋନ ଭାଜପାର ପୂର୍ବତନ ସଭାପତି ଭାଗିରଥି ମହାପାତ୍ର, ଲକ୍ଷ୍ମୀଧର ମହାପାତ୍ର, ଗଣେଶ ଶତପଥି, ଭଗବାନ କର, କୈଳାସ ମହାପାତ୍ର, ହରେକୃଷ୍ଣ ମହାପାତ୍ର ଓ କୁପାରୀ ଜୋନର ଟାଣୁଆ ନେତା ପରମେଶ୍ୱର ମହାପାତ୍ର ନିଜର ୭୦ରୁ ଊର୍ଦ୍ଧ୍ୱ ସମର୍ଥକଙ୍କ ସହ ଦଳ ଛାଡି କଂଗ୍ରେସ ପ୍ରାଥମିକ ସଦସ୍ୟ ପଦ ଗ୍ରହଣ କରିଛନ୍ତି।
