ନୂଆଦିଲ୍ଲୀ,୩୧।୮: କରୋନା ଭାଇରସ ସଂକ୍ରମଣକୁ ଦୃଷ୍ଟିରେ ରଖି ବିଶ୍ୱର ଅଧିକାଂଶ କମ୍ପାନୀ ତା’ର କର୍ମଚାରୀଙ୍କୁ ଓ୍ବାର୍କ ଫ୍ରମ୍ ହୋମ୍ ସୁବିଧା ଯୋଗାଇ ଦେଇଛି। ଏମିତିକି ଗୁଗଲ ଓ ଫେସବୁକ୍ ତା’ର କର୍ମଚାରୀଙ୍କୁ ଆସନ୍ତା ବର୍ଷ ଜୁନ ମାସ ପର୍ଯ୍ୟନ୍ତ ଘରେ ରହି କାମ କରିବାକୁ ଅନୁମତି ପ୍ରଦାନ କରିଛି। ହେଲେ ଏବେ ସବୁକୁ ପଛରେ ପକାଇ ଦେଇଛି ଭାରତର ଏକ କମ୍ପାନୀ। ଦେଶର ଆର୍ପିଜି ଏଣ୍ଟର ପ୍ରାଇଜ(RPG Enterprise) ତା’ର କର୍ମଚାରୀଙ୍କୁ ସ୍ଥାୟୀଭାବେ (Permanent Work From Home) ବା ଘରେ ରହି କାମ କରିବାକୁ ଅନୁମତି ପ୍ରଦାନ କରିଛି। ଏମିତି ନିଷ୍ପତ୍ତି ନେବାରେ ଏହା ଦେଶର ପ୍ରଥମ କମ୍ପାନୀ ବୋଲି କୁହାଯାଉଛି। ଏହି କମ୍ପାନୀର ସେଲ୍ସ କର୍ମଚାରୀଙ୍କୁ ଏଭଳି ସୁବିଧା ଦିଆଯାଉଛି। ଏହା ସେ୍ଯଯେମ୍ବର ୧ରୁ ଲାଗୁ ହେବ ବୋଲି ଜଣାପଡିଛି। ଆର୍ପିଜି ଏଣ୍ଟର ପ୍ରାଇଜ ଟାୟାର, ଆଇଟି, ହେଲ୍ଥ, ଏନର୍ଜି, ଇନଫ୍ରାଷ୍ଟ୍ରକଚର ଓ ପ୍ଲାଣ୍ଟେଶନ କ୍ଷେତ୍ରରେ କାମ କରୁଛି। ଏହାଦ୍ୱାରା ପାଖାପାଖି ୭୫ ପ୍ରତିଶତ କର୍ମଚାରୀ ଘରେ ରହି କାମ କରିବେ ବୋଲି ଅନୁମାନ କରାଯାଇଛି।
