ବେଜିଂ: ଚାଇନାର ଶାସକ ମାଓ ଜେଡୋଙ୍ଗ ତାଙ୍କ ଲାଇଫ୍ ଷ୍ଟାଇଲକୁ ନେଇ ଖୁବ୍ ଚର୍ଚ୍ଚିତ। ତାଙ୍କ ଫିଜିସିୟାନ୍ ତଥା ଅତି ନିକଟତର ଲି ଝିସୁଇ ତାଙ୍କ ପୁସ୍ତକ ‘The Private Life of Chairman Mao’ରେ ମାଓଙ୍କ ଜୀବନଶୈଳି ବିଷୟରେ ଉଲ୍ଲେଖ କରିଛନ୍ତି। ମାଓ ଯାତ୍ରା କରିବା ସମୟରେ ସାଙ୍ଗରେ ଯୁବତୀଙ୍କ ଏକ ଡ୍ୟାନ୍ସ ଗ୍ରୁପ ନେଇ ଯାତ୍ରା କରନ୍ତି ବୋଲି କୁହାଯାଏ। ଏହାର ମୁଖ୍ୟ ଉଦ୍ଦେଶ୍ୟ ଥାଏ ଯୁବତୀମାନଙ୍କ ସହ ଡ୍ୟାନ୍ସ କରିବା। ଆଉ ଡ୍ୟାନ୍ସ ସରିବା ପରେ ସେମାନଙ୍କ ମଧ୍ୟରୁ ଜଣକୁ ବାଛି ମାଓ କୁଆଡେ ତାଙ୍କ ବେଡ୍ରୁମକୁ ଚାଲି ଯାଆନ୍ତି। ସବୁବେଳେ ମାଓଙ୍କୁ କୁଆଡେ ଦରକାର ପଡେ ଯୁବତୀ ପ୍ରେମିକା। କୁହଯାଏ ପରିଷ୍କାର ପରିଚ୍ଛନ୍ନତାକୁ ଏତେଟା ଦୃଷ୍ଟି ଦେଉ ନ ଥିବା ମାଓ କିନ୍ତୁ ବହୁ ଯୁବତୀଙ୍କ ସହ ସମ୍ପର୍କ ରଖନ୍ତି। ପରେ ଏମାନଙ୍କ ମଧ୍ୟରୁ ଅନେକଙ୍କ ସଂକ୍ରମଣ ସମସ୍ୟା ଦେଖାଯାଏ ବୋଲି କୁହାଯାଏ। ତେବେ ଚାଇନାର ଲୋକକଥା ଅନୁଯାୟୀ ବହୁ ନାରୀଙ୍କ ସହ ସମ୍ପର୍କ ରଖିଲେ କୁଆଡେ ତାଙ୍କର ପୁରୁଷତ୍ୱ ଫେରି ଆସିଥାଏ ବୋଲି କୁହାଯାଏ। ତେବେ ମାଓ ସେ ସମୟରେ ସବୁଠାରୁ ଶକ୍ତିଶାଳୀ ନେତା ଥିବାରୁ କେହି ଯୁବତୀ ମଧ୍ୟ ମାଓଙ୍କୁ ଖୋଲାଖୋଲି ବିରୋଧ କରି ପାରନ୍ତି ନାହିଁ। ମାଓ ଆଦୌ ଦାନ୍ତ ଘଷନ୍ତି ନାହିଁ। ତାଙ୍କ ମତରେ ପ୍ରତିଦିନ ସକାଳୁ ସେ ଗରମ ଚା’ରେ ଦାନ୍ ସଫା କରନ୍ତି। ହେଲେ ତାହା ଠିକ୍ ନୁହେଁ ବୋଲି ଡାକ୍ତର କହିବା ପରେ ବି ସେ ଏହାକୁ ଖାତିର କରନ୍ତି ନାହିଁ। ଶୁଣିବାକୁ ମିଳେ ମାଓ ୧୯୬୬ରେ ୭୦ ବର୍ଷ ବୟସରେ ପଦାର୍ପଣ କରିଥିଲେ ମଧ୍ୟ ନିଜକୁ ଜଣେ ଯୁବକ ବୋଲି କୁହନ୍ତି। ସେହି ସମୟରେ ସେ Cross-Yangtze Swimming Competitionର ଆୟୋଜନ କରିଥିବା ନଜିର ରହିଛି। ଆଉ ଏଥିରେ ଯୋଗ ଦେଇଥିବା ପ୍ରାୟ ୫ ହଜାର ସନ୍ତରଣକାରୀଙ୍କୁ ହରାଇ ସେ ବିଜୟୀ ହୋଇଥିବା କୁହେ ଚାଇନା। ତାଙ୍କର ଶକ୍ତି କୌଣସି ଯୁବକଠାରୁ କମ୍ ନୁହେଁ ବୋଲି କୁହାଯାଏ। ତେବେ ମାଓ ଜଙ୍ଗଲି ପରିବେଶରେ ବଢିଥିବାରୁ ସେ କେବେ ଶୌଚାଳୟର ବ୍ୟବହାର କରନ୍ତି ନାହିଁ। ସୁରକ୍ଷାକର୍ମୀଙ୍କ ସହ ସେ ଶୌଚ ହେବାପାଇଁ କୁଆଡେ ଜଙ୍ଗଲ ଯାଆନ୍ତି ବୋଲି କୁହାଯାଏ।
