Posted inଖେଳ

‘ଚେସ୍‌ର ମର୍ଯ୍ୟାଦା ବଢ଼ାଇବାରେ ସହାୟକ ହେବ’

ଭୁବନେଶ୍ୱର, ୩୦।୮(କ୍ରୀଡ଼ା ପ୍ରତିନିଧି)- ଜାତୀୟ କ୍ରୀଡ଼ା ଦିବସ ଅବସରରେ ଶନିବାର ଚେସ୍‌ ଗୁରୁ ତଥା ଏସଆର ଚେସ୍‌ ସେଣ୍ଟର ନିର୍ଦ୍ଦେଶକ ସତ୍ୟରଞ୍ଜନ ପଟ୍ଟନାୟକ ଶ୍ରେଷ୍ଠ କୋଚ୍‌ ଭାବେ ବିଜୁପଟ୍ଟନାୟକ କ୍ରୀଡ଼ା ପୁରସ୍କାର ପାଇଛନ୍ତି। ଏହି ସମ୍ମାନଜନକ ପୁରସ୍କାର ପାଇବାରେ ସେ ପ୍ରଥମ ଚେସ୍‌ କୋଚ୍‌।

ଏହି ଅବସରରେ ତାଙ୍କର ସହ ଏକ ସ୍ବତନ୍ତ୍ର ସାକ୍ଷାତକାର..

ରାଜ୍ୟର ଶ୍ରେଷ୍ଠ କୋଚ୍‌ ପୁରସ୍କାର ପାଇବାପରେ କିପରି ଅନୁଭବ ରହିଛି ?
ଉ: ମୋ ସାଧନାକୁ ସ୍ବୀକୃତି ମିଳିଥିବାରୁ ରାଜ୍ୟ ସରକାରଙ୍କୁ ଗଭୀର କୃତଜ୍ଞତା ଜ୍ଞାପନ କରୁଛି। ବିଶେଷ କରି ଏହି ପୁରସ୍କାର ରାଜ୍ୟରେ ଚେସ୍‌ର ମାନ, ସମ୍ମାନ ଓ ମର୍ଯ୍ୟାଦା ବଢ଼ାଇବାରେ ବହୁତ ସହାୟକ ହେବ। ଚେସ୍‌କୁ ଓଡ଼ିଶା ସରକାର ପୁଣିଥରେ ବିଶ୍ୱାସକୁ ନେଇଛନ୍ତି, ରେକୋଗନାଇଜ୍‌ କରିଛନ୍ତି। ଏବେ ପୂରା ଚେସ୍‌ ମହଲରେ ଖୁସିର ଲହରି ଖେଳିଯାଇଛି ଏବଂ ମୁଁ ମଧ୍ୟ ଖୁବ୍‌ ଆନନ୍ଦିତ।

ଆପଣଙ୍କର ନିଷ୍ଠାପର କାର୍ଯ୍ୟକୁ ଏହା ଏକ ସ୍ବୀକୃତି ବୋଲି ଭାବୁଛନ୍ତି କି ?
ଉ: ମୁଁ ୧୯୯୭ରୁ ଦୀର୍ଘ ୨୦ରୁ ୨୫ ବର୍ଷଧରି ମୁଁ ପେସାଦାର ଭାବରେ କୋଚିଂ ଲାଇନ୍‌ରେ ରହିଛି। ସେ ଦିନରୁ ଆରମ୍ଭ ହୋଇଥିବା ସିଦ୍ଧି ଓ ସଧନା ଏବଂ ନିଷ୍ଠାପରଭାବେରେ ପିଲାମାନଙ୍କୁ ଦେଇଥିବା ପ୍ରଶିକ୍ଷଣର ଏହା ହୋଇପାରେ ଏକ ବଡ଼ ସ୍ବୀକୃତି। ମୁଁ ପ୍ରାରମ୍ଭିକ ପର୍ଯ୍ୟାୟରେ ପ୍ରଶିକ୍ଷଣ ଦେଇଥିବା ଗ୍ରାଣ୍ଡମାଷ୍ଟର ଦେବାଶିଷ ଦାସ, ସ୍ବୟମ୍ସ ମିଶ୍ର, କିରଣ ମନୀଷା ମହାନ୍ତି, ପଦ୍ମିନୀ ରାଉତ, ଅନ୍ତର୍ଜାତୀୟ ମାଷ୍ଟର ରାକେଶ କୁମାର ଜେନା, ସିଦ୍ଧାନ୍ତ ମହାପାତ୍ର, ବିଶ୍ୱ ଏଜ୍‌ ଗ୍ରୁପ୍‌ ଚାମ୍ପିୟନ ସାଇନା ସାଲୋନିକା, ଜାତୀୟ ଚାମ୍ପିୟନ ରୁଦ୍ରାକ୍ଷ ପରିଡ଼ା, ଆଦ୍ୟାଶା ମହାପାତ୍ରଙ୍କ ସମତେ ଅନେକ ଛାତ୍ରୀଛାତ୍ରଙ୍କ ସହିତ କାମ କରିଛି। ପରିଶ୍ରମର ଫଳ ମିଳିଛି। ଜାତୀୟ କ୍ରୀଡ଼ାଦିବସ କ୍ରୀଡ଼ାବିତ୍‌ଙ୍କ ପାଇଁ ଶ୍ରେଷ୍ଠ ଦିବସ। ତେଣୁ ମୋ ସଫଳତାରେ ମୋ ଛାତ୍ରୀଛାତ୍ରମାନେ ନିଶ୍ଚିତ ଆନନ୍ଦିତ ହୋଇଥିବେ ବୋଲି ଆଶା।

ପ୍ର: ପୁରସ୍କାର ପାଇବାରେ ବିଳମ୍ବ ହୋଇଛି ବୋଲି କେବେ ମନକୁ ଆସିଥିଲା କି ?
ଉ: ମୋତେ ପୁରସ୍କାର ମିଳିବାରେ ବିଳମ୍ବ ହୋଇଛି ବୋଲି କେବେ ଭାବିନାହିଁ। ପରିଶ୍ରମ ଜାରି ରଖିଥିଲି। ସମ୍ଭବତଃ ଏହା ପୂର୍ବ ବର୍ଷ ପର୍ଯ୍ୟନ୍ତ ଯୋଗ୍ୟ ହୋଇ ନ ଥିଲି କିମ୍ବା ମୋଠାରୁ ଅଧିକ ଯୋଗ୍ୟ ବ୍ୟକ୍ତି ଏହି ପୁରସ୍କାର ପାଇଛନ୍ତି। ନିଷ୍ଠାର ସହ କାର୍ଯ୍ୟ କରି ଚାଲିଥିବାରୁ ପରିଶ୍ରମର ମୂଲ୍ୟ ଦିନେ ନା ଦିନେ ମିଳିବ ବୋଲି ଆଶା ଥିଲା।

ପ୍ର: ପ୍ରଥମ ଚେସ୍‌ ପ୍ରଶିକ୍ଷକଭାବେ ଏହି ପୁରସ୍କାର ପାଇଛନ୍ତି, କ’ଣ କହିବେ ?
ଉ: ଚେସ୍‌ ଖେଳାଳି ଭାବରେ ପୂର୍ବରୁ ପଦ୍ମିନୀ ରାଉତ ଓ ଦେବାଶିଷ ଦାସ ଏହି ପୁରସ୍କାର ପାଇଥିଲେ। ପ୍ରଥମ ଚେସ୍‌ କୋଚ୍‌ଭାବେ ବିଜୁପଟ୍ଟନାୟକ ପୁରସ୍କାର ପାଇଥିବାରୁ ଏହି ଅବସରରେ ବନ୍ଧୁ ବିବେକ ତିବରଓ୍ବାଲ, ଶୁଭାଶିଷ ପଟ୍ଟନାୟକ, ବର୍ତ୍ତମାନର ରାଜ୍ୟ ଚେସ୍‌ ସଙ୍ଘ ସଭାପତି ରଞ୍ଜନ ମହାନ୍ତି, ମନୋଜ କୁମାର ପାଣିଗ୍ରାହୀ, ରାଜ୍ୟ ଚେସ୍‌ ସଙ୍ଘ, କଟକ ଜିଲା ଚେସ୍‌ ସଂଘ, ପରିବାରର ସମସ୍ତ ସଦସ୍ୟ, ପରିଜନ, ବନ୍ଧୁବର୍ଗ, ମୋ ଗାଁ ଉତ୍ତମାପୁରର ଗ୍ରାମବାସୀଙ୍କୁ ଧନ୍ୟବାଦ ଜଣାଇବାକୁ ଚାହିଁବି। ୮୪ ବର୍ଷୀୟ ବାପା ଶରତ ଚନ୍ଦ୍ର ପଟ୍ଟନାୟକ ଓ ୮୫ ବର୍ଷୀୟା ମା’ ଅନସୂୟା ପଟ୍ଟନାୟକଙ୍କ ମୁହଁରେ ଏହି ପୁରସ୍କାର ପାଇଁ ହସ ଦେଖିପାରିଥିବାରୁ ମୁଁ ବେଶୀ ଗର୍ବିତ। ଗ୍ରାମାଞ୍ଚଳରେ ଥିବା ଲୁକ୍କାୟିତ ପ୍ରତିଭାଙ୍କୁ ଠାବ କରି ରାଜ୍ୟରୁ କିପରି ଅଧିକରୁ ଅଧିକ ଜାତୀୟ/ଅନ୍ତର୍ଜାତୀୟ ସ୍ତରର ଖେଳାଳି ସୃଷ୍ଟି କରିହେବ ସେଥିପାଇଁ ଏହା ମୋତେ ପ୍ରେରଣା ଦେଇଛି।

ପ୍ର: ଜଣେ ଚେସ୍‌ କୋଚ୍‌ଭାବେ ଏହି ପୁ୍‌ରସ୍କାରକୁ କିପରି ଦେଖୁଛନ୍ତି ?
ଉ: ମୋ ଠାରୁ ଚେସ୍‌ କୋଚ୍‌ଙ୍କ ପାଇଁ ପୁରସ୍କାରର ମୂଳଦଆ ପଡ଼ିଲା ବୋଲି ଅନୁଭବ କରୁଛି। ଜାତୀୟ/ଅନ୍ତର୍ଜାତୀୟ ଖେଳାଳିଙ୍କୁ ଅନ୍‌ଲାଇନ୍‌ରେ କୋଚିଂ ଦେଉଥିବା ସ୍ବୟଂଶୁ ସତ୍ୟପ୍ରଜ୍ଞ, ସ୍ବୟମ୍ସ ମିଶ୍ର, ସିଦ୍ଧାନ୍ତ ମହାପାତ୍ର, ଓଡ଼ିଶାର ଚେସ୍‌ ଗୁରୁ ଶେଖର ସାହୁଙ୍କ ସମେତ ଆହୁରି ଅନେକ ପ୍ରଶିକ୍ଷକ ଏହି ପୁରସ୍କାର ପାଇଁ ଅଧିକ ହକ୍‌ଦାର ହୋଇପାରିବେ ବୋଲି ମୋର ଆଶା ରହିଛି।

ପ୍ର: କୋଚ୍‌ଭାବେ ସ୍ବିକୃତି ମିଳିବାପରେ ଆପଣଙ୍କ ଅନୁଷ୍ଠାନପାଇଁ ଦାୟିତ୍ୱ କେତେ ବଢ଼ିଛି ?
ଉ: ମୁଁ ପୁରସ୍କାର ପାଇଁ ମନୋନୀତ ହେବାପରେ ଛାତ୍ରୀଛାତ୍ର ଏବଂ ଅଭିଭାବକମାନେ ଶୁଭେଚ୍ଛାର ସୁଅ ଛୁଟାଇବା ସହ ଗର୍ବ ଅନୁଭବ କରୁଛନ୍ତି। ଗୁରୁ ଭଲ କାମ ପାଇଁ ପ୍ରଶଂସିତ ହେଲେ ଶିଷ୍ୟମାନେ ପ୍ରେରଣା ପାଇଥାନ୍ତି। ଏହାକୁ ସେମାନେ ବ୍ରତଭାବେ ଗ୍ରହଣ କରିବେ ବୋଲି ମୋର ଆଶା ରହିଛି। ୨୦୦୪ରେ ଆମେ ଯେତେବେଳେ ସୁଖଦ ଅନୁଭୁତି ନେଇ ଏସ୍‌ଆର ଚେସ୍‌ ସେଣ୍ଟର ଆରମ୍ଭ କରିଥିଲୁ ସେତେବେଳେ ରାଜ୍ୟ ଚେସ୍‌ରେ ବିପ୍ଳବ ଆଣିବାକୁ ସଂକଳ୍ପ ନେଇଥିଲୁ। ଏହା ଏବେ ସମ୍ଭାବନା ସୃଷ୍ଟି କରିଛି। ଏହି ସ୍ବିକୃତି ନିଶ୍ଚିତ ରାଜ୍ୟ ଓ ଜାତୀୟ ସ୍ତରରେ ଆମ ଅନୁଷ୍ଠାନର କାର୍ଯ୍ୟକୁ ଦୃଢ଼ୀଭୂତ କରିପାରିବ ବୋଲି ମୋର ଆଶା।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ରାଜସ୍ଥାନର କ୍ରମାଗତ ଦ୍ୱିତୀୟ ବିଜୟ

ଜୟପୁର,୨୮ା୩: ଜୟପୁରର ସଓ୍ବାଇ ମାନସିଂ ଷ୍ଟାଡିୟମରେ ଗୁରୁବାର ଖେଳାଯାଇଥିବା ୯ତମ ଆଇପିଏଲ୍‌ ମ୍ୟାଚରେ ଦିଲ୍ଲୀ କ୍ୟାପିଟାଲ୍ସକୁ ୧୨ ରନ୍‌ରେ ହରାଇ କ୍ରମାଗତ ଦ୍ୱିତୀୟ ବିଜୟୀ ହୋଇଛି...

ଦିଲ୍ଲୀକୁ ୧୮୬ ରନର ଟାର୍ଗେଟ୍‌ ଦେଲା ରାଜସ୍ଥାନ

ଜୟପୁର,୨୮।୩: ଦିଲ୍ଲୀ କ୍ୟାପିଟାଲ ଏବଂ ରାଜସ୍ଥାନ ରୟାଲ ମଧ୍ୟରେ ଖେଳାଯାଉଥିବା ୯ମ ମ୍ୟାଚରେ ଦିଲ୍ଲୀକୁ ୧୮୬ ରନର ଲକ୍ଷ୍ୟ ଦେଇଛି ରାଜସ୍ଥାନ। ଏହି ମ୍ୟାଚ ଜୟପୁରର...

କେଶବ ମହାରାଜଙ୍କୁ ଦଳରେ ସାମିଲ କଲା ରାଜସ୍ଥାନ ରୟାଲ୍ସ, କେକେଆର ଆଣିଲା ୧୬ ବର୍ଷ ବୟସ୍କ ଆଫଗାନିସ୍ତାନ ସ୍ପିନର

ନୂଆଦିଲ୍ଲୀ ,୨୮।୩: ଆହତ ପ୍ରସିଦ୍ଧ କ୍ରିଷ୍ଣାଙ୍କ ସ୍ଥାନରେ ବଦଳ ଖେଳାଳି ଭାବେ ରାଜସ୍ଥାନ ରୟାଲ୍ସ ଦକ୍ଷିଣ ଆଫ୍ରିକାର ସ୍ପିନର କେଶବ ମହାରାଜଙ୍କୁ ଦଳରେ ସାମିଲ କରିଛି।...

ଇତିହାସ ରଚିଲେ ରିଷଭ ପନ୍ତ, ଏଭଳି କରିବାରେ ହେଲେ ୭ମ ଖେଳାଳି

ଜୟପୁର,୨୮।୩: ୨୦୨୪ ଆଇପିଏଲର ୧୭ ତମ ସିଜନରେ ପ୍ରାୟ ପ୍ରତ୍ୟେକ ମ୍ୟାଚରେ ନୂଆ ରେକର୍ଡ ସୃଷ୍ଟି ହେଉଛି । ଜୟପୁରର ସୱାଇ ମାନ ସିଂ ଷ୍ଟାଡିୟମରେ...

ମୁମ୍ବାଇ ଇଣ୍ଡିଆନ୍ସ ପାଇଁ ଖରାପ ଖବର, ଏହି ଗୁରୁତ୍ୱପୂର୍ଣ୍ଣ ଖେଳାଳିଙ୍କ ଫେରିବା କଷ୍ଟକର

ନୂଆଦିଲ୍ଲୀ,୨୮।୩: ସନରାଇଜର୍ସ ହାଇଦ୍ରାବାଦ ବିପକ୍ଷରେ ପରାଜୟ ପରେ ମୁମ୍ବାଇ ଇଣ୍ଡିଆନ୍ସ ପାଇଁ ଆଉ ଏକ ଖରାପ ଖବର ଆସିଛି। ଦଳର ଷ୍ଟାର ବ୍ୟାଟର ସୂର୍ଯ୍ୟକୁମାର ଯାଦବ...

ହାର୍ଦ୍ଦିକ ପାଣ୍ଡ୍ୟାଙ୍କୁ ଭିଲିଆନ୍‌ ସଜେଇଲେ ଏହି କ୍ରିକେଟର୍‌: କହିଦେଲେ ଏମିତି କଥା

ହାଇଦ୍ରାବାଦ୍‌,୨୮।୩: ମୁମ୍ବାଇ ଇଣ୍ଡିଆନ୍ସକୁ ସନରାଇଜର୍ସ ହାଇଦ୍ରାବାଦ ବିପକ୍ଷରେ ପରାଜୟର ସାମ୍ନା କରିବାକୁ ପଡିଛି। ହାର୍ଦ୍ଦିକ ପାଣ୍ଡ୍ୟାଙ୍କ ଅଧିନାୟକତ୍ୱକୁ ନେଇ ପ୍ରଶ୍ନ ଉଠିଛି। ଏଥି ସହ ବର୍ତ୍ତମାନ...

ରୋହିତଙ୍କୁ ସମ୍ଭାଳିବାକୁ ପଡିଲା ମୁମ୍ବାଇ ଇଣ୍ଡିଆନ୍ସର ଅଧିନାୟକତ୍ୱ! ପାଣ୍ଡ୍ୟାଙ୍କୁ କହିଲେ…

ନୂଆଦିଲ୍ଲୀ,୨୮।୩: ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ସନରାଇଜର୍ସ ହାଇଦ୍ରାବାଦ ୨୦ ଓଭରରେ ୩ ଉଇକେଟ୍‌ ହରାଇ ୨୭୭ ରନ୍‌ ସଂଗ୍ରହ କରିଥିଲା। ଆଇପିଏଲ ଇତିହାସରେ ଏହା ହେଉଛି...

ପାଣ୍ଡ୍ୟାଙ୍କୁ ଗାଳି, ଗାଏକଓ୍ବାଡଙ୍କ ପାଇଁ ତାଳି…ଅଧିନାୟକ ଦାୟିତ୍ୱ କିଭଳି ଦିଆଯାଏ ଧୋନୀଙ୍କଠାରୁ ଶିଖିବା ଉଚିତ

ନୂଆଦିଲ୍ଲୀ,୨୮।୩: ଆଇପିଏଲ୍‌ରେ ମାର୍ଚ୍ଚ ୨୪ ଏବଂ ୨୬ର ଦୃଶ୍ୟ ବହୁତ କିଛି ବୟାନ କରୁଛି। ପ୍ରଥମେ ମାର୍ଚ୍ଚ ୨୪ ବିଷୟରେ କଥା ହେବା। ଏହି ଦିନ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri