ଦିଗପହଣ୍ଡି,୨୦।୫(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ସ୍ଥିତ ଖେମୁଣ୍ଡି ଉଚ୍ଚ ମାଧ୍ୟମିକ ବିଦ୍ୟାଳୟ ଯୁକ୍ତ ୨ ବିଜ୍ଞାନ ପରୀକ୍ଷାରେ ଚନ୍ଦ୍ରକାନ୍ତ ବିଷୋୟୀ ଏବଂ ରୁଦ୍ର ପ୍ରସାଦ ସାହୁ ଉଭୟ ବିଦ୍ୟାଳୟର ଯୁଗ୍ମ ଟପ୍ପର ଆଖ୍ୟା ଅର୍ଜନ କରିଛନ୍ତି। ପାସ୍ ହାର ଶତ ପ୍ରତିଶତ ରହିଥିବା ବେଳେ ଉଭୟ ୬ ଶହ ମାର୍କରୁ ସମାନ ସଂଖ୍ୟକ ୫୫୬ ମାର୍କ ହାସଲ କରିଛନ୍ତି। ସେହିପରି କଳା ବିଭାଗରେ ୫୫୯ ମାର୍କ ରଖି ଛାତ୍ରୀ ଚିନ୍ମୟୀ ସ୍ୱାଇଁ କଲେଜ ଟପ୍ପର ହୋଇଥିବା ଜଣାପଡିଛି ।
ଚଳିତ ବର୍ଷ ବିଜ୍ଞାନ ବିଭାଗର ୨୬୪ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିଲେ । ସେଥିମଧ୍ୟରୁ ୧୮୮ ଜଣ ପ୍ରଥମ , ୪୧ ଜଣ ଦ୍ବିତୀୟ , ୬ ଜଣ ତୃତୀୟ ଶ୍ରେଣୀରେ ଉତ୍ତୀର୍ଣ୍ଣ ହୋଇଛନ୍ତି । ସେହିପରି କଳା ବିଭାଗରେ ୨୭୫ ଜଣ ଛାତ୍ରୀ ଛାତ୍ର ପରୀକ୍ଷା ଦେଇଥିବା ବେଳେ ପ୍ରଥମ ଶ୍ରେଣୀରେ ୧୦୩ , ଦ୍ବିତୀୟ ଶ୍ରେଣୀରେ ୭୩ ଏବଂ ତୃତୀୟ ଶ୍ରେଣୀରେ ୫୧ ଛାତ୍ରୀ ଛାତ୍ର ଉତ୍ତୀର୍ଣ୍ଣ ହୋଇଛନ୍ତି । ଛାତ୍ରୀଛାତ୍ରଙ୍କ ଏଭଳି ଅପୂର୍ବ ସଫଳତା ପାଇଁ ଅଧ୍ୟକ୍ଷ ଡ଼. ଅସିତ କୁମାର ଷଡଙ୍ଗୀଙ୍କ ସମେତ ସମସ୍ତ ଅଧ୍ୟାପିକା ଅଧ୍ୟାପକ ଏବଂ ପ୍ରଗତି ଏକାଡେମୀ ଓ ସାଇ ଟ୍ୟୁଟରିଆଲ କର୍ତ୍ତୃପକ୍ଷ ସେମାନଙ୍କ ଉଜ୍ଜ୍ୱଳ ଭବିଷ୍ୟତ କାମନା କରି ଶୁଭେଚ୍ଛା ଜଣାଇଛନ୍ତି ।
ସେହିପରି ସାନଖେମୁଣ୍ଡି ବ୍ଲକ ପାଟପୁର ସ୍ଥିତ ବିଶ୍ୱାସରାୟ ଉଚ୍ଚ ମାଧ୍ୟମିକ ବିଦ୍ୟାଳୟ ର ଯୁକ୍ତ ୨ ବିଜ୍ଞାନ ଛାତ୍ର ଅମିତ ନାହାକ ଚଳିତ ବର୍ଷ ପରୀକ୍ଷାରେ ସର୍ବୋଚ୍ଚ ୪୮୩ ନମ୍ବର ହାସଲ କରି ପାଟପୁର ଟପ୍ପର ହୋଇଥିବା ଜଣାପଡିଛି। ସେହିଭଳି ଯୁକ୍ତ ୨ କଳା ବିଭାଗ ଛାତ୍ରୀ ଶ୍ରାବଣୀ ରାଉତ ୫୨୯ ମାର୍କ ହାସଲ କରି ପାଟପୁର ଟପ୍ପର ହୋଇଛନ୍ତି। ପାଟପୁର ଉଚ୍ଚ ମାଧ୍ୟମିକ ବିଦ୍ୟାଳୟରେ ଚଳିତବର୍ଷ ବିଜ୍ଞାନ ଶ୍ରେଣୀ ରେ ୮୨ ଛାତ୍ରୀଛାତ୍ର ପରୀକ୍ଷା ଦେଇଥିଲେ। ସେଥିମଧ୍ୟରୁ ପ୍ରଥମ ଶ୍ରେଣୀରେ ୧୬ ଛାତ୍ରୀଛାତ୍ର ପ୍ରଥମ ଶ୍ରେଣୀରେ ଉତ୍ତୀର୍ଣ୍ଣ ହୋଇଥିବା ବେଳେ ଦ୍ଵିତୀୟ ଶ୍ରେଣୀ ରେ ୧୪ ଏବଂ ୨୪ ଜଣ ତୃତୀୟ ଶ୍ରେଣୀରେ ଉତ୍ତୀର୍ଣ୍ଣ ହୋଇଥିବା ବେଳେ ୨୭ ଛାତ୍ରୀଛାତ୍ର ଫେଲ ହୋଇଛନ୍ତି। ସେହିପରି ଯୁକ୍ତ ୨ କଳାରେ ୨୨୭ ଛାତ୍ରୀଛାତ୍ର ପରୀକ୍ଷା ପାଇଁ ଫର୍ମ ପୁରଣ କରିଥିବା ବେଳେ ୨୨୬ ପରୀକ୍ଷା ଦେଇଥିଲେ। ଜଣେ ପରୀକ୍ଷା କେନ୍ଦ୍ରରେ ଅନୁପସ୍ଥିତ ରହିଥିଲେ। ସମୁଦାୟ ୨୦୫( ୯୦.୭୦) ପ୍ରତିଶତ ଛାତ୍ରୀଛାତ୍ର ପାସ କରିଛନ୍ତି। ପ୍ରଥମ ଶ୍ରେଣୀରେ ୪୮ ଦ୍ଵିତୀୟ ଶ୍ରେଣୀରେ ୫୪ ଏବଂ ତୃତୀୟ ଶ୍ରେଣୀରେ ୧୦୩ ଛାତ୍ରୀ ଛାତ୍ର ପାସ କରିଥିବା ବେଳେ ୨୧ ଫେଲ ହୋଇଛନ୍ତି।
