କଲମ୍ବୋ,୧୮।୭: ଶିଖର ଧାଓ୍ବନଙ୍କ ନେତୃତ୍ୱାଧୀନ ଭାରତୀୟ ଦଳ ଆଗରେ ୨୬୩ ରନ୍ର ଚ୍ୟାଲେଞ୍ଜିଂ ଟାର୍ଗେଟ ଛିଡ଼ା କରିଛି ଶ୍ରୀଲଙ୍କା। ମ୍ୟାଚ୍ ଆରମ୍ଭରୁ ଭାରତୀୟ ବୋଲରଙ୍କ ଜବରଦସ୍ତ ବୋଲିଂ ଯୋଗୁ ଘରୋଇ ଦଳର କୌଣସି ବ୍ୟାଟ୍ସମ୍ୟାନ କ୍ରିଜ୍ରେ ଅଧିକ ସମୟ ତିଷ୍ଟି ପାରି ନ ଥିଲେ। ମାତ୍ର ଶେଷ ଆଡ଼କୁ ଚାମିକା କରୁଣାରତ୍ନେଙ୍କ ୪୩ ରନ୍ର ବିସ୍ଫୋରକ ପାଳି ଶ୍ରୀଲଙ୍କାକୁ ପହଞ୍ଚାଇ ଦେଇଥିଲେ (୨୬୨/୯) ଚ୍ୟାଲେଞ୍ଜିଂ ସ୍କୋରରେ। ଅଧିନାୟକ ଦାସୁନ ଶାନାକା ୩୯, ଚରିଥ ଆସାଲାଙ୍କା ୩୮ ଓ ଅଭିଷ୍କା ଫର୍ନାଣ୍ଡୋ ୩୨ ରନ୍ କରିଥିଲେ।
ଭାରତୀୟ ବୋଲରଙ୍କ ମଧ୍ୟରେ କୁଲଦୀପ ଯାଦବ, ଦୀପକ ଚହର ଓ ୟୁଜବେନ୍ଦ୍ର ଚହଲ ୨ ଲେଖାଏ ସଫଳତା ହାତେଇଥିଲେ।
