ନୂଆଦିଲ୍ଲୀ,୨୯।୮: ପୂର୍ବତନ ଭାରତୀୟ କ୍ରିକେଟର ରବିଚନ୍ଦ୍ରନ ଅଶ୍ୱିନ ମନ୍ତବ୍ୟକୁ ନେଇ ଏବେ ଚର୍ଚ୍ଚା ଜୋର ଧରିଛି। ତାଙ୍କୁ ସମସ୍ତ ଫର୍ମାଟରେ ସର୍ବଶ୍ରେଷ୍ଠ ଭାରତୀୟ ଖେଳାଳିଙ୍କୁ ଚୟନ କରିବାକୁ କୁହାଯାଇଥିଲା। ଶେଷରେ ସେ ସଚିନ ତେନ୍ଦୁଲକରଙ୍କୁ ସର୍ବଶ୍ରେଷ୍ଠ ଖେଳାଳି ଭାବରେ ବାଛିଥିଲେ। ପୂର୍ବରୁ ରୋହିତ ଶର୍ମା ଏବଂ ବିରାଟ କୋହଲିଙ୍କ ମଧ୍ୟରୁ ବାଛିବାକୁ କୁହାଯାଇଥିଲା, ସେ କୋହଲିଙ୍କୁ ବାଛିଥିଲେ। କିନ୍ତୁ ପରେ ସେ ଯସପ୍ରୀତ ବୁମରାଙ୍କୁ କୋହଲିଙ୍କଠାରୁ ଶ୍ରେଷ୍ଠ ବୋଲି ମୂଲ୍ୟାଙ୍କନ କରିଥିଲେ। ଏହା କିଛି ପ୍ରଶଂସକଙ୍କୁ, ବିଶେଷକରି କୋହଲିଙ୍କ ସମର୍ଥକମାନଙ୍କୁ ଆଶ୍ଚର୍ଯ୍ୟ କରିଥିଲା।
ନିକଟରେ ଅଶ୍ୱିନଙ୍କୁ ସର୍ବଶ୍ରେଷ୍ଠ ଭାରତୀୟ କ୍ରିକେଟର ବାଛିବାକୁ କୁହାଯାଇଥିଲା। ପ୍ରଥମେ ତାଙ୍କୁ ବିଜୟ ହଜାରେ ଏବଂ ସଚିନ ତେନ୍ଦୁଲକରଙ୍କ ନାମ କୁହାଯାଇଥିଲା। ସେ କହିଥିଲେ, ଯେହେତୁ ସେ ହଜାରେଙ୍କୁ ଖେଳିବାର ଦେଖି ନାହାଁନ୍ତି, ତେଣୁ ସେ ସଚିନଙ୍କୁ ବାଛିବେ। ପରବର୍ତ୍ତୀ ସମୟରେ ତାଙ୍କୁ ବିରାଟ କୋହଲି ଏବଂ ରୋହିତ ଶର୍ମାଙ୍କ ମଧ୍ୟରୁ ବାଛିବାକୁ କୁହାଯାଇଥିଲା। ଅଶ୍ୱିନ କହିଥିଲେ, ଏହା ମୋ ପାଇଁ ସହଜ ନୁହେଁ, କିନ୍ତୁ ମୁଁ ତିନୋଟି ଫର୍ମାଟରେ କୋହଲିଙ୍କୁ ବାଛିବି।
ସେ କପିଲ ଦେବଙ୍କୁ ହରଭଜନ ସିଂଙ୍କ ଉପରେ ସ୍ଥାନ ଦେଇଥିଲେ। ସେ ସେହ୍ବାଗଙ୍କୁ ତିନୋଟି ଫର୍ମାଟରେ ସର୍ବଶ୍ରେଷ୍ଠ ବୋଲି କହିଥିଲେ। ସେ ଏମଏସ ଧୋନୀଙ୍କୁ ରବିନ୍ଦ୍ର ଜାଡେଜାଙ୍କ ଉପରେ ରଖିଥିଲେ। ଜସପ୍ରୀତ ବୁମରା ଏବଂ ଅନିଲ କୁମ୍ବଲେଙ୍କ ମଧ୍ୟରୁ ସେ ବୁମରାଙ୍କୁ ବାଛିଥିଲେ। ଶେଷରେ ଯେତେବେଳେ ସୌରଭ ଗାଙ୍ଗୁଲିଙ୍କ ବିପକ୍ଷରେ ତାଙ୍କ ନାମ ଉଠିଲା, ସେ ଗାଙ୍ଗୁଲିଙ୍କୁ ବାଛିଲେ।
Dharitri – Odisha’s No.1 Odia Daily
