ଇସଲାମାବାଦ,୧୬।୨ : ଲାହୋର ହାଇକୋର୍ଟ (ଏଲଏଚସି) ନିର୍ଦ୍ଦେଶ ଦେଇଛନ୍ତି ଯେ ପାକିସ୍ତାନ ତେହେରିକ-ଇ-ଇନସାଫ (ପିଟିଆଇ) ଅଧ୍ୟକ୍ଷ ଇମ୍ରାନ ଖାନ ଆହତ ହୋଇଥିଳେ ବି ତାଙ୍କୁ ଆମ୍ବୁଲାନ୍ସରେ ଆଣନ୍ତୁ, କାରଣ ସେ ଏକ ମାମଲାରେ ପ୍ରତିରକ୍ଷା ଜାମିନ ଚାହୁଁଛନ୍ତି। ଜିଓ ନ୍ୟୁଜ ରିପୋର୍ଟ କରିଛି ଯେ ପାକିସ୍ତାନର ନିର୍ବାଚନ ଆୟୋଗ (ଇସିପି) କାର୍ଯ୍ୟାଳୟ ବାହାରେ ବିରୋଧ ପ୍ରଦର୍ଶନ କରି ଖାନଙ୍କ ବିରୋଧରେ ପଞ୍ଜୀକୃତ ହୋଇଥିବା ଏକ ମାମଲାରେ ବିଚାରପତି ତାରିକ ସଲିମ ଶେଖ ଏଭଳି ମନ୍ତବ୍ୟ ଦେଇଛନ୍ତି।
ଏହି ରିପୋର୍ଟରେ କୁହାଯାଇଛି ଯେ ଇସଲାମାବାଦରେ ଆତଙ୍କବାଦ ବିରୋଧୀ କୋର୍ଟ (ଏଟିସି) ଏହି ମାମଲାରେ ତାଙ୍କ ଜାମିନ ନାମଞ୍ଜୁର ହେବା ପରେ ପିଟିଆଇ ମୁଖ୍ୟ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ। ଗତ ବର୍ଷ ଅକ୍ଟୋବରରେ ତୋସାଖାନା ନିଷ୍ପତ୍ତି ଇସିପି ଘୋଷଣା କରିବା ପରେ ପିଟିଆଇ ନେତାଙ୍କ ବିରୋଧରେ ମାମଲା ରୁଜୁ କରାଯାଇଥିଲା। ଏନେଇ ଦେଶବ୍ୟାପୀ ବିରୋଧ ପ୍ରଦର୍ଶନ କରାଯାଇଥିଲା। ୨୦୨୨ ନଭେମ୍ବର ୩ ରେ ଏକ ରାଲିରେ ୱାଜିରାବାଦରେ ହତ୍ୟା ଉଦ୍ୟମରେ ଆହତ ହେବା ପରେ ଖାନ ମେଡିକାଲ ଜାମିନରେ ଆସିଥିଲେ।
