ନ୍ୟୁୟର୍କ, ୭।୯ (ପି.ଟି.): ଭାରତର ରୋହନ ବୋପାନ୍ନା ଓ ଅଷ୍ଟ୍ରେଲିଆର ମାଥ୍ୟୁ ଇବ୍ଡେନ ୭ ସେଟ୍ ପଏଣ୍ଟ ସେଭ୍ କରି ଚଳିତ ୟୁଏସ୍ ଓପନ ଗ୍ରାଣ୍ଡସ୍ଲାମ ଟେନିସ ପୁରୁଷ ଡବଲ୍ସ ସେମିଫାଇନାଲରେ ପ୍ରବେଶ କରିଛନ୍ତି। ଏହି ଭାରତ-ଅଷ୍ଟ୍ରେଲିଆ ଯୋଡ଼ି କ୍ୱାର୍ଟରଫାଇନାଲରେ ଆମେରିକା ଯୋଡ଼ି ନାଥାନିଏଲ ଲାମନ୍ସ ଓ ଜ୍ୟାକସନ ଓ୍ବିଥ୍ରୋଙ୍କୁ ୭-୬ (୧୦), ୬-୧ ସେଟ୍ରେ ପରାସ୍ତ କରିଛନ୍ତି। ବୋପାନ୍ନା-ଇବ୍ଡେନ ଏହା ପୂର୍ବରୁ ଓ୍ବିମ୍ବେଲଡନ ଚାମ୍ପିୟନଶିପ୍ର ସେମିଫାଇନାଲରେ ମଧ୍ୟ ପ୍ରବେଶ କରିଥିଲେ।
ମାତ୍ର ସେଠାରେ ଓ୍ବେସଲି କୋଲହୋପ ଓ ନିଲ୍ ସ୍କୁପ୍ସ୍କିଙ୍କଠାରୁ ହାରି ଯାଇଥିଲେ। ସେମିଫାଇନାଲରେ ବିଜୟୀ ହେଲେ ୪୩ ବର୍ଷୀୟ ବୋପାନ୍ନା କ୍ୟାରିୟରରେ ଦ୍ୱିତୀୟ ଥର ଲାଗି ଗ୍ରାଣ୍ଡସ୍ଲାମ ଫାଇନାଲ ଖେଳିବେ। ପୂର୍ବରୁ ସେ ୨୦୧୦ରେ ଏହି ୟୁଏସ୍ ଓପନରେ ହିଁ ଫାଇନାଲ ଖେଳିବା ସୌଭାଗ୍ୟ ପାଇଥିଲେ। ସେମିଫାଇନାଲରେ ବୋପାନ୍ନା-ଇବ୍ଡେନ ଯୋଡ଼ି ଫ୍ରାନ୍ସର ପିଏରେ ହ୍ୟୁଗ୍ସ ହର୍ବର୍ଟ ଓ ନିକୋଲାସ ମାହୁଟଙ୍କୁ ଭେଟିବେ। ଏହି ଫ୍ରାନ୍ସ ଯୋଡ଼ି ଅନ୍ୟ କ୍ୱାର୍ଟରଫାଇନାଲରେ ରବର୍ଟ ଗାଲୋଓ୍ବେ ଓ ଆଲବାନୋ ଓଲିଭେଟିଙ୍କୁ ପରାସ୍ତ କରିଥିଲେ।
