ନୂଆଦିଲ୍ଲୀ,୧୨।୪ : ଦିଲ୍ଲୀର ଡିଫେନ୍ସ କଲୋନୀରେ ଥିବା ଦ ଇଣ୍ଡିଆନ ସ୍କୁଲରେ ବୋମା ଥିବା ନେଇ ଏକ ଧମକପୂର୍ଣ୍ଣ ଇ-ମେଲ ଆସିବା ପରେ ଅଭିଭାବକ ଏବଂ ପିଲାଙ୍କ ମଧ୍ୟରେ ଆତଙ୍କ ଖେଳିଯାଇଥିଲା। ସ୍କୁଲ ଭିତରେ ଏକ ବୋମା ଲଗାଯାଇଥିବା ଧମକ ମିଳିବାରେପରେ ସ୍କୁଲ କର୍ତ୍ତୃପକ୍ଷ ଅଭିଭାବକମାନଙ୍କୁ ଶୀଘ୍ର ଡକାଯାଇ ପିଲାଙ୍କୁ ଘରକୁ ପଠାଯାଇଥିଲା।
ଏଥି ସହିତ ବମ୍ ସ୍କ୍ବାଡ ମଧ୍ୟ ସ୍କୁଲରେ ପହଞ୍ଚିଥିଲା। ସ୍ଥାନୀୟ ପୋଲିସ ମଧ୍ୟ ଘଟଣାର ତଦନ୍ତ କରୁଛି। ଇ-ମେଲର ସମ୍ପର୍କିତ ତଥ୍ୟ ସଂଗ୍ରହ ପାଇଁ ପୋଲିସର ସାଇବର ଟିମ ତଦନ୍ତରେ ନିୟୋଜିତ ଅଛନ୍ତି।
ବୁଧବାର ପୂର୍ବାହ୍ନ ୧୦ଟା ୪୯ରେ ବିଦ୍ୟାଳୟରେ ବୋମା ଥିବା ଧମକପୂର୍ଣ୍ଣ ଇ-ମେଲ ମିଳିଥିଲା। ବିଦ୍ୟାଳୟ ପରିଚାଳନା ବୋର୍ଡ ତୁରନ୍ତ ସ୍ଥାନୀୟ ପୋଲିସକୁ ଏ ବିଷୟରେ ସୂଚନା ଦେଇଥିଲା। କିଛି ସମୟ ପରେ ଦିଲ୍ଲୀ ପୋଲିସ କର୍ମଚାରୀ, ବମ ଡିସପୋଜାଲ ସ୍କ୍ବାଡ ଏବଂ ଡଗ ସ୍କ୍ବାଡ ଟିମ ଘଟଣାସ୍ଥଳରେ ପହଞ୍ଚିଥିଲେ। ବିଦ୍ୟାଳୟକୁ ଖାଲି କରାଯାଇଥିଲା ଏବଂ ପରିସରରରେ ପୁଙ୍ଖାନୁପୁଙ୍ଖ ଅନୁସନ୍ଧାନ କରାଯାଇଥିଲା, କିନ୍ତୁ କୌଣସି ବୋମା ମିଳି ନ ଥିଲା। ଜଣେ ସ୍କୁଲ ଶିକ୍ଷକ କହିଛନ୍ତି ଯେ ଏହି କାର୍ଯ୍ୟ ପଛରେ କିଛି ଦୁଷ୍ଟ ପିଲା ରହିଥାଇ ପାରନ୍ତି।
ଉଲ୍ଲେଖନୀୟ କଥା ହେଉଛି, ଏହା ପ୍ରଥମ ଘଟଣା ନୁହେଁ। ଏହି ବିଦ୍ୟାଳୟରେ ଏଭଳି ଘଟଣା ପୂର୍ବରୁ ମଧ୍ୟ ୨୮ ନଭେମ୍ବର ୨୦୨୨ରେ ଘଟିଥିଲା।
