ବଲିଉଡ ଅଭିନେତା ହରମନ ବାୱେଜା ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ସେ ଶଶା ରାମଚାନ୍ଦାନୀଙ୍କୁ ବିବାହ କରିଛନ୍ତି। ଶଶା ଜଣେ ସ୍ବାସ୍ଥ୍ୟ ବିଶେଷଜ୍ଞ ଭାବେ କାର୍ଯ୍ୟ କରନ୍ତି। ଗୁରୁଦ୍ୱାରରେ ଉଭୟ ବିବାହ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଘୋଡାରେ ବସି ବିବାହ ସ୍ଥଳରେ ପହଞ୍ଚିଥିଲେ ହରମନ। ସୋସିଆଲ ମିଡିଆରେ ହରମନଙ୍କ ବିବାହର ଫଟୋ ଭାଇରାଲ ହେବାରେ ଲାଗିଛି। ତାଙ୍କ ବନ୍ଧୁ ତଥା ଶିଳ୍ପା ଶେଟ୍ଟୀଙ୍କ ସ୍ବାମୀ ରାଜ କୁନ୍ଦ୍ରା ହରମନଙ୍କ ବିବାହରେ ପହଞ୍ଚିଥିଲେ ଏବଂ ସେଠାରୁ ସେ ତାଙ୍କ ବିବାହର ସମସ୍ତ ଫଟୋ ସୋସିଆଲ ମିଡିଆରେ ଶେୟାର କରିଥିଲେ। ବିବାହରେ ସେ ଗୋଲାପୀ ଶେରୱାନି ଏବଂ ଏକ ଧଳା ପଗଡି ପିନ୍ଧିଥିଲେ। ୨୦୦୮ରେ ଫିଲ୍ମ ଲଭ ଷ୍ଟୋରୀ ୨୦୫୦ରେ ନିଜର ଡେବ୍ୟୁ କରିଥିବା ହରମନ ବାୱେଜାଙ୍କୁ ହ୍ରିତିକ ରୋଶନଙ୍କ କାର୍ବନ କପି କୁହାଯାଉଥିଲା। ଫିଲ୍ମ ଇଣ୍ଡଷ୍ଟ୍ରିରେ ହରମନଙ୍କ ପ୍ରବେଶ ମଧ୍ୟ ଅତ୍ୟନ୍ତ ଧମାକାଦାର ଥିଲା। ହରମାନଙ୍କ ପ୍ରଥମ ଫିଲ୍ମ ଲଭ ଷ୍ଟୋରୀ ୨୦୫୦ ତାଙ୍କ ପିତା ହ୍ୟାରି ବାୱେଜା ନିର୍ଦ୍ଦେଶନା ଦେଇଥିଲେ। ପ୍ରିୟଙ୍କ ଚୋପ୍ରାଙ୍କ ସହ ତାଙ୍କ ଆଫେୟାର୍କୁ ନେଇ ବେଶ୍ ଚର୍ଚ୍ଚା ହୋଇଥିଲା।