ପାର୍କ ଭ୍ରମ ସୃଷ୍ଟି କରୁଛି ବ୍ଲକ କାର୍ଯ୍ୟାଳୟ ପରିସର

କେନ୍ଦୁଝର,୩୦ା୧୨(ଦୀପକ ମିଶ୍ର) କେନ୍ଦୁଝର ଜିଲା ଝୁମ୍ପୁରା ବ୍ଲକ୍‌ ପରିସରର ସୌନ୍ଦର୍ଯ୍ୟ ବଢ଼ାଉଛି ବିଭିନ୍ନ କିସମର ଗେଣ୍ଡୁ, ସେବତୀ, ଜିନିଆ ଆଦି ସୌନ୍ଦର୍ଯ୍ୟପୂର୍ଣ୍ଣ ଗଛ। ବ୍ଲକ୍‌ ପରିସରକୁ ପ୍ରବେଶ କଲେ ଏହା ଏକ ପାର୍କର ଭ୍ରମ ସୃଷ୍ଟି କରିବ। କୌଣସି ସରକାରୀ ଯୋଜନାରେ ନୁହେଁ, ଏଠାରେ ନୂତନ ଭାବେ ଯୋଗ ଦେଇଥିବା ବିଡିଓ ଉମାକାନ୍ତ ପରିଡ଼ାଙ୍କ ପ୍ରକୃତି ପ୍ରେମ ଉକ୍ତ ପରିବେଶକୁ ପରିବର୍ତ୍ତନ କରିଦେଇଛି। ବ୍ଲକ୍‌ କାର୍ଯ୍ୟାଳୟର ପରିତ୍ୟକ୍ତ ପରିସରକୁ ନିଜ ଉଦ୍ୟମରେ ସୌନ୍ଦର୍ଯ୍ୟମୟ କରିଥିବାରୁ ତାଙ୍କୁ ଚାରିଆଡୁ ପ୍ରଶଂସାର ସୁଅ ଛୁଟୁଛି। ପ୍ରଶାସନିକ ଅଧିକାରୀ ହୋଇ ବି ଯେଉଁ କର୍ମକ୍ଷେତ୍ରକୁ ବଦଳି ହୋଇ ଯାଇଛନ୍ତି ସେଠାରେ ସୁନ୍ଦର ପରିବେଶ ସୃଷ୍ଟି କରିବା ତାଙ୍କର ନିଶା ପାଲଟିଛି। ତାଙ୍କର ଇଚ୍ଛାଶକ୍ତି ଆଗରେ ପ୍ରଶାସନିକ ଅଙ୍କୁଶ ଅନ୍ତରାୟ ସୃଷ୍ଟି କରିପାରିନାହିଁ ବୋଲି କହିଛନ୍ତି।
ସୂଚନାଯୋଗ୍ୟ, ସେ ଆନନ୍ଦପୁରରେ ବିଡିଓ ଦାୟିତ୍ୱରେ ଥିବା ବେଳେ କାର୍ଯ୍ୟାଳୟ ପରିସରରେ ୫୦ କିସମର ଆମ୍ବଗଛ ଲଗାଇ ଚର୍ଚ୍ଚାରେ ଥିଲେ। ଏପରିକି ଯାଜପୁର ଜିଲାର ରସୁଲପୁର ବ୍ଲକ୍‌ରେ ଥିବାବେଳେ ପ୍ରାୟ ୫୦୦ ଏକର ଜାଗାକୁ ବନୀକରଣ କରାଇଥିଲେ। ଏବେ ଝୁମ୍ପୁରା ବ୍ଲକ୍‌ କାର୍ଯ୍ୟାଳୟ ପରିସରରେ ମାତ୍ର ୩ ମାସ ମଧ୍ୟରେ ଉପଯୁକ୍ତ ଭିତ୍ତିଭୂମି ପ୍ରସ୍ତୁତ କରି ପ୍ରାୟ ୫ ଏକର ଜମିରେ ୩୦ ହଜାରରୁ ଊର୍ଦ୍ଧ୍ୱ ଚାରାରୋପଣ କରାଇଛନ୍ତି। ଏଥିରେ ୭ଟି କିସମର ୫ ହଜାର ଗେଣ୍ଡୁ, ୫ କିସମର ୨ହଜାର ସେବତୀ ଫୁଲ ସହ ଅନେକ କିସମର ଜିନିଆ ଗଛ ଲଗାଇଛନ୍ତି। ଗତ ଅଗଷ୍ଟ ମାସରେ ଝୁମ୍ପୁରା ବ୍ଲକ୍‌ରେ ଯୋଗଦେଇ ବ୍ଲକ୍‌ର ଭଙ୍ଗା ଭିତ୍ତିଭୂମି ଓ ଅସଜଡ଼ା ପରିସର ସଜାଡ଼ିବାକୁ ପ୍ରୟାଶ ଆରମ୍ଭ କରିଥିଲେ। ନିଜର ବ୍ୟସ୍ତ ବହୁଳ ଜୀବନ ଚର୍ଯ୍ୟାରୁ ମିଳୁଥିବା ସମୟରେ ନିଜ ହାତରେ କୋଡ଼ି ଧରି ବଗିଚା ସୃଷ୍ଟି କରିବାକୁ ସେ ଭଲ ପାଆନ୍ତି ବୋଲି ପ୍ରକାଶ କରିଛନ୍ତି। କର୍ମକ୍ଷେତ୍ରର ପରିସରକୁ ନୂତନ ରୂପ ଦେବା ତାଙ୍କର ସବୁବେଳେ ଇଚ୍ଛା ରହିଆସିଛି। ଏପରିକି କାନ୍ଥ ଓ ବାଡ଼ ଗୁଡ଼ିକରେ ରଙ୍ଗ ଓ ଚିତ୍ର ଦ୍ୱାରା ସୌନ୍ଦର୍ଯ୍ୟକରଣ କରନ୍ତି। ବର୍ତ୍ତମାନ ବ୍ଲକ୍‌ ପରିସରକୁ ଏକ ଘରୋଇ ଉଦ୍ୟାନର ରୂପ ଦେବା ଚର୍ଚ୍ଚାର କେନ୍ଦ୍ରବିନ୍ଦୁ ସାଜିଛି। ଏ ସମ୍ପର୍କରେ ପଚାରିବାରୁ ଭଦ୍ରକ ଜିଲା ଚାନ୍ଦବାଲି ଅଞ୍ଚଳର ପରିବେଶବିତ୍‌ ସଂଗ୍ରାମ କେଶରୀ ରାଉତଙ୍କ କାର୍ଯ୍ୟ ତାଙ୍କୁ ସୌନ୍ଦର୍ଯ୍ୟମୟ ପରିବେଶ ସୃଷ୍ଟି କରିବାରେ ପ୍ରେରଣା ଦେଇଛି ବୋଲି ସେ କହିଥିଲେ।


Enter your email to get our daily news in your inbox.

All Right Reserved By Dharitri.Com

କରୋନା ଲକ୍‌ଡାଉନ୍‌: ମହିଳା ଶ୍ରମିକଙ୍କ ଦୁର୍ଦ୍ଦଶା ବଢୁଛି

ବଲାଙ୍ଗୀର ଅଫିସ, ୧ା୪: ଲକ୍‌ଡାଉନ୍‌ ସମୟରେ ଗରିବଙ୍କ ଆୟପନ୍ଥା ସମ୍ପୂର୍ଣ୍ଣ ବନ୍ଦ ହୋଇଯିବାରୁ ଏବେ ସେମାନେ ମହା ଅଡୁଆରେ ପଡିଛନ୍ତି। ବିଶେଷକରି ମହିଳା ଶ୍ରମିକମାନେ ଘୋର...

ଗୋଟିଏ ନୃତ୍ୟରେ ଦୁଇଟି ରାଜ୍ୟର ସଂସ୍କୃତି

କଟକ ଅଫିସ,୧୬।୧୧: ବାଲିଯାତ୍ରାର ଚତୁର୍ଥ ସନ୍ଧ୍ୟାରେ ଗଣକବି ବୈଷ୍ଣବ ପାଣି ମଞ୍ଚରେ ଶ୍ରୀଜନ ଛାନ୍ଦ ଡ୍ୟାନ୍ସ ଗ୍ରୁପର ଗୋଟିଏ ନୃତ୍ୟରେ ଦୁଇଟି ରାଜ୍ୟର ସଂସ୍କୃତି ଓ...

ଚିକିତ୍ସିତ ହେଉଥିବା ହାତୀଛୁଆର ମୃତ୍ୟୁ

ଢେଙ୍କାନାଳ ଅଫିସ,୨୧ା୪: ଢେଙ୍କାନାଳ ଜିଲା ହିନ୍ଦୋଳ ରେଞ୍ଜ ଆଳୁସିଂ ଗ୍ରାମରେ ଗୁରୁବାର ସକାଳେ ବର୍ଷକର ଏକ ମାଈ ହାତୀଛୁଆର ମୃତ୍ୟୁ ଘଟିଛି। ହାତୀଛୁଆଟି ୨୦ ଦିନ...

ମୋକିମଙ୍କ ପିଟିଶନ ଖାରଜ କଲେ ହାଇକୋର୍ଟ

କଟକ ଅଫିସ,୨୧ା୬: ବାରବାଟୀ-କଟକ ବିଧାନସଭା ନିର୍ବାଚନ ମାମଲାର ଶୁଣାଣି କରି ବିଧାୟକ ମହମ୍ମଦ ମୋକିମଙ୍କ ପିଟିଶନକୁ ହାଇକୋର୍ଟ ସୋମବାର ଖାରଜ କରିଛନ୍ତି। ଏଥିସହ ବିଧାୟକ ମହମ୍ମଦ...

ରାଜ୍ୟକୁ ମଦମୁକ୍ତ ଦାବିରେ ବିକ୍ଷୋଭ: ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦାବିପତ୍ର

ବାଲେଶ୍ୱର ଅଫିସ, ୩୧।୧-ବାଲେଶ୍ୱର ଉତ୍କଳ ମହିଳା ସମିତି ପକ୍ଷରୁ ରାଜ୍ୟକୁ ମଦ ମୁକ୍ତ କରିବା ପାଇଁ ଶୁକ୍ରବାର ପୂର୍ବାହ୍ନରେ ମୁଖ୍ୟମନ୍ତ୍ରୀଙ୍କୁ ଏକ ଦାବିପତ୍ର ଅତିରିକ୍ତ ଜିଲାପାଳ...

ପୂର୍ବାହ୍ନ ୧୦ଟା ସୁଦ୍ଧା ଖୋଲିନାହିଁ ଆର୍‌ଆଇ ଅଫିସ : ହୋହଲ୍ଲା କରୁଛନ୍ତି ଲୋକେ

ହାଟଡିହୀ,୧୦ା୬(ଡି.ଏନ୍‌.ଏ.) : କେନ୍ଦୁଝର ଜିଲା ହାଟଡିହୀ ବ୍ଲକ ସୋସୋ ଆର୍‌ଆଇ ଅଫିସ ସକାଳୁଆ ହୋଇଥିଲେ ମଧ୍ୟ ପୂର୍ବାହ୍ନ ୧୦ଟା ସୁଦ୍ଧା କୌଣସି ସରକାରୀ କର୍ମଚାରୀଙ୍କ ଦେଖାନାହିଁ।...

ବ୍ୟବସାୟୀଙ୍କଠୁ ଲୁଟିନେଲେ ୪ଲକ୍ଷ

ଝରିଗାଁ, ୧୮।୧: ଖଣ୍ଡାରେ ଆକ୍ରମଣ କରି ଜଣେ ବ୍ୟବସାୟୀଙ୍କଠାରୁ ଦୁର୍ବୃତ୍ତମାନେ ୪ଲକ୍ଷ ଟଙ୍କା ଲୁଟି ନେଇଛନ୍ତି। ଗୁରୁତର ଅବସ୍ଥାରେ ତାଙ୍କୁ ନବରଙ୍ଗପୁର ଡାକ୍ତରଖାନା ଓ ପରେ...

ଆହତ ଦନ୍ତାର ହେଲା ଅସ୍ତ୍ରୋପଚାର

ବେତନଟୀ,୩ା୧୦(ସ୍ବ.ପ୍ର.): ମୟୂରଭଞ୍ଜ ଜିଲା ବାରିପଦା ବନଖଣ୍ଡ ଅଧୀନ ବେତନଟୀ ରେଞ୍ଜ୍‌ର ମସିଣାକାଟି ସଂରକ୍ଷିତ ଜଙ୍ଗଲରେ ୧୫ ଦିନ ହେବ ଅସୁସ୍ଥ ଅବସ୍ଥାରେ ବିଚରଣ କରୁଥିବା ଦନ୍ତାହାତୀର...

Advertisement
Archives

Model This Week