କୋଲକାତା,୨୬।୧୨: ପାଞ୍ଚଟି ରାଜ୍ୟ ବିଧାନସଭା ନିର୍ବାଚନରେ ଚମତ୍କାର ବିଜୟ ହାସଲ କରିବା ପରେ ଭାଜପା ଲୋକ ସଭା ନିର୍ବାଚନ ପାଇଁ ପ୍ରସ୍ତୁତି ଆରମ୍ଭ କରିଛି। କିଛି ମାସ ମଧ୍ୟରେ ହେବାକୁ ଥିବା ନିର୍ବାଚନ ପାଇଁ ସାରା ଦେଶରେ ମାରାଥନ ସାଂଗଠନିକ ବୈଠକ କରି ଦଳ ନିର୍ବାଚନ ପ୍ରସ୍ତୁତି ଆରମ୍ଭ କରିଛି। ଡିସେମ୍ବର ୩୧ ପୂର୍ବରୁ ରାଜ୍ୟ ଅଧିକାରୀ ଏବଂ ଜିଲା ସ୍ତରର ବୈଠକ ହେବ। ଏହାର ଉଦ୍ଦେଶ୍ୟ ହେଉଛି କାର୍ଯ୍ୟକର୍ତ୍ତାମାନଙ୍କୁ ଉତ୍ସାହିତ କରିବା।
ମଙ୍ଗଳବାର ଭାଜପା ସଭାପତି ଜେପି ନଡା ଏବଂ କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା କୋଲକାତାରେ ପହଞ୍ଚିଛନ୍ତି। ଦଳର ତିନିଟି ବଡ ବୈଠକ ଦିନସାରା ଏଠାରେ ଅନୁଷ୍ଠିତ ହେବାକୁ ଯାଉଛି। ଏଥିରେ ରାଜ୍ୟର ସମସ୍ତ ବରିଷ୍ଠ ନେତାଙ୍କୁ ଡକାଯାଇଛି।
ଜାନୁଆରୀ ୨୪ରେ ପାଞ୍ଚ ହଜାର ସ୍ଥାନରେ ନୂତନ ଭୋଟରଙ୍କ ସହ ଯୁବ ମୋର୍ଚ୍ଚା ସଭା ଅନୁଷ୍ଠିତ ହେବ। ଅତିକମରେ ୭ ଲକ୍ଷ ଗାଁରୁ ଅତି କମରେ ଜଣେ ନୂତନ କର୍ମୀ ଯୋଗଦେବା ଏହାର ଉଦ୍ଦେଶ୍ୟ ହେବ। ଏହା ସହ ଭାଜପାର ଭୋଟରଙ୍କ ସଂଖ୍ୟା ବୃଦ୍ଧି କରିବାକୁ ଲକ୍ଷ୍ୟ ଧାର୍ଯ୍ୟ କରାଯାଇଛି। ଜାନୁଆରୀ-ଫେବୃଆରୀରେ ପାର୍ଟିର ଅଧିକରୁ ଅଧିକ ଲୋକଙ୍କ ସହ ଜନସମ୍ପର୍କ ସ୍ଥାପନ ପାଇଁ ‘ଗାଓଁ ଚାଲୋ ଅଭିଆନ’ ଚାଲିବ।
ଲୋକ ସଭା ନିର୍ବାଚନ ପାଇଁ ପ୍ରସ୍ତୁତି ଅନୁଯାୟୀ, ଜାନୁଆରୀ ୩୦ ପୂର୍ବରୁ ଭାଜପା ଲୋକ ସଭା ନିର୍ବାଚନ କାର୍ଯ୍ୟାଳୟ ପ୍ରତିଷ୍ଠା କରିବ। ପ୍ରତ୍ୟେକ ରାଜ୍ୟର ୫୦ ଟି ସ୍ଥାନରେ ଯୁବକ, ମହିଳା ଏସସି ଏସଟି ସମ୍ମିଳନୀ ଆୟୋଜିତ ହେବ।
