ନୂଆଦିଲ୍ଲୀ,୧୫ା୨: ଗତ ଆର୍ଥତ୍କ ବର୍ଷରେ ଭାଜପାକୁ ୬୧୪.୬ କୋଟି ଟଙ୍କା ଚାନ୍ଦା ମିଳିଥିବାବେଳେ କଂଗ୍ରେସ ପାଇଛି ୯୫.୪ କୋଟି। ନିର୍ବାଚନ ଉପରେ ନଜର ରଖୁଥିବା ଆସୋସିଏଶନ ଅଫ୍ ଡେମୋକ୍ରାଟିକ୍ ରିଫର୍ମସ୍ (ଏଡିଆର୍) ରିପୋର୍ଟରୁ ଏହା ଜଣାପଡ଼ିଛି। ୨୦,୦୦୦ ଟଙ୍କାରୁ ଅଧିକ ଚାନ୍ଦାକୁ ରାଜନୈତିକ ଦଳଗୁଡ଼ିକ ଘୋଷଣା କରିଥାନ୍ତି। ଗତ ଆର୍ଥତ୍କ ବର୍ଷରେ ଜାତୀୟ ଦଳଗୁଡ଼ିକ ମୋଟ ୭,୧୪୧ଟି ଚାନ୍ଦାରୁ ୭୮୦.୭୭ କୋଟି ଟଙ୍କା ପାଇଥିବା ଘୋଷଣା କରିଛନ୍ତି। ସେଥିରୁ ଭାଜପା ୪,୯୫୭ଟି ଚାନ୍ଦାରୁ ୬୧୪.୬୨୬ କୋଟି ପାଇଥିବାବେଳେ କଂଗ୍ରେସ ୧,୨୫୫ଟି ଚାନ୍ଦାରୁ ୯୫.୪୫ କୋଟି ଟଙ୍କା ପାଇଥିବା ଘୋଷଣା କରିଛି। ଭାଜପା ପାଇଥିବା ଚାନ୍ଦା କଂଗ୍ରେସ, ଏନ୍ସିପି, ସିପିଆଇ, ସିପିଆଇ-ଏମ୍, ନ୍ୟାଶନାଲ ପିପୁଲ୍ସ ପାର୍ଟି ଏବଂ ତୃଣମୂଳ କଂଗ୍ରେସ ପାଇଥିବା ମୋଟ ଚାନ୍ଦାର ୩ ଗୁଣରୁ ଅଧିକ। କ୍ରମାଗତ ୧୬ ବର୍ଷ ହେଲା ବହୁଜନ ସମାଜ ପାର୍ଟି (ବିଏସ୍ପି) ୨୦,୦୦୦ରୁ ଅଧିକ ଟଙ୍କାର କୌଣସି ଚାନ୍ଦା ପାଇ ନ ଥିବା ଘୋଷଣା କରିଛି।
ଜାତୀୟ ଦଳଗୁଡ଼ିକୁ ୨୦୨୦-୨୧ ବର୍ଷ ତୁଳନାରେ ୨୦୨୧-୨୨ରେ ୧୮୭.୦୨୬ କୋଟି ଟଙ୍କା ଅଧିକ ଚାନ୍ଦା ମିଳିଛି। ଏହା ପୂର୍ବବର୍ଷ ତୁଳନାରେ ୩୧.୫୦ ପ୍ରତିଶତ ଅଧିକ। ୨୦୨୦-୨୧ରେ ଭାଜପା ପାଇଥିବା ମୋଟ ଚାନ୍ଦା ପରିମାଣ ୪୭୭.୫୪୫ କୋଟି ଥିବାବେଳେ ଏହା ୨୮.୭୧ ପ୍ରତିଶତ ବୃଦ୍ଧି ପାଇ ଗତବର୍ଷ ୬୧୪.୬୨୬
କୋଟି ଟଙ୍କାରେ ପହଞ୍ଚତ୍ଛି। ସେହିପରି କଂଗ୍ରେସ ୨୦୨୦-୨୧ରେ ୭୪.୫୨୪ କୋଟି ଟଙ୍କା ପାଇଥିବାବେଳେ ଗତବର୍ଷ ୨୮ ପ୍ରତିଶତ ବୃଦ୍ଧି ପାଇ ୯୫.୪୫୯ କୋଟି ଟଙ୍କା ହୋଇଛି। ଅନ୍ୟପକ୍ଷରେ ସିପିଆଇଏମ୍ ଏବଂ ଏନ୍ପିଇପି ଚାନ୍ଦା ପୂର୍ବବର୍ଷ ତୁଳନାରେ ହ୍ରାସ ପାଇଛି। ସିପିଆଇଏମ୍ ଚାନ୍ଦା ୨୨.୦୬ ପ୍ରତିଶତ ହ୍ରାସ
ପାଇ ୨.୮୪୬ କୋଟି ହୋଇଥିବାବେଳେ ଏନ୍ପିଇପି ଚାନ୍ଦା ୪୦.୫୦ ପ୍ରତିଶତ ହ୍ରାସ ପାଇ ୨୪.୧୦ ଲକ୍ଷ ଟଙ୍କାରେ ପହଞ୍ଚତ୍ଛି। କର୍ପୋରେଟର/ବ୍ୟବସାୟ ସେକ୍ଟରରୁ ମୋଟ ୨,୫୫୧ଟି ଚାନ୍ଦାରୁ ୬୨୫.୮୮୩ କୋଟି ଟଙ୍କା ଚାନ୍ଦା ମିଳିଛି; ଯାହାକି ମୋଟ ଚାନ୍ଦାର ୮୦.୧୬ ପ୍ରତିଶତ। ଏହା ବ୍ୟତୀତ ୪,୫୦୬ ବ୍ୟକ୍ତିଗତ ଚାନ୍ଦାରୁ ୧୫୩.୩୨୮ କୋଟି ଟଙ୍କା ମିଳିଛି। ଏହା ମୋଟ ଚାନ୍ଦାର ୧୯.୬୩୭୯ ପ୍ରତିଶତ। କର୍ପୋରେଟ ଚାନ୍ଦାରୁ ୫୪୮.୮୦୮ କୋଟି ଭାଜପାକୁ ଯାଇଥିବାବେଳେ ବ୍ୟକ୍ତିଗତ ଚାନ୍ଦା ୬୫.୭୭୪ କୋଟି ଏହି ଦଳକୁ ମିଳିଛି। ସେହିପରି କଂଗ୍ରେସ କର୍ପୋରେଟ/ବ୍ୟବସାୟ ସେକ୍ଟରରୁ ଚାନ୍ଦା ବାବଦରେ ୫୪.୫୬୭ କୋଟି ଏବଂ ବ୍ୟକ୍ତିଗତ ଚାନ୍ଦାରୁ ୪୦.୮୯୨ କୋଟି ଟଙ୍କା ପାଇଛି। ଏଡିଆର୍ ରିପୋର୍ଟ ଅନୁଯାୟୀ ଅନ୍ୟ ଜାତୀୟ ଦଳଗୁଡ଼ିକ ପାଇଥିବା ମୋଟ କର୍ପୋରେଟ ଚାନ୍ଦା ତୁଳନାରେ ଭାଜପା ଏକାକୀ ୭ ଗୁଣରୁ ଅଧିକ ପାଇଛି। ଭାଜପାକୁ ୫୪୮.୮୦୮ କୋଟି କର୍ପୋରେଟ ଚାନ୍ଦା ମିଳିଥିବାବେଳେ ଅନ୍ୟ ଦଳଗୁଡ଼ିକର ମୋଟ ୭୭.୦୭୫ କୋଟି ଟଙ୍କା କର୍ପୋରେଟ ଚାନ୍ଦା ପାଇଛନ୍ତି।
