Posted inଜାତୀୟ

କେଜରିଓ୍ବାଲଙ୍କୁ ଭୟ କରୁଛି ଭାଜପା,ଶରଦ ପାଓ୍ବାରଙ୍କ ଶୈଳୀରେ ଇଡି-ସିବିଆଇର ମୁକାବିଲା କରୁଛନ୍ତି କେଜରିଓ୍ବାଲ-ସିସୋଡିଆ…

ନୂଆଦିଲ୍ଲୀ, ୨୨।୮ : ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଡିଆ ଗତ ଦୁଇ ଦିନ ଧରି ଏକ୍ସାଇଜ ସ୍କାମ ମାମଲାରେ ସିବିଆଇ ସ୍କାନରରେ ଅଛନ୍ତି। କୁହାଯାଉଛି ଯେ ଶୀଘ୍ର ଏହି ମାମଲା ଇଡିକୁ ହସ୍ତାନ୍ତର କରା ଯାଇପାରେ। ଏହି ସମସ୍ୟା ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ଭାବମୂର୍ତ୍ତିକୁ କ୍ଷତି ପହଞ୍ଚାଇବାର ଆଶଙ୍କା ରହିଛି।

କିନ୍ତୁ ମନୀଷ ସିସୋଡିଆଙ୍କ ଠାରୁ ଆରମ୍ଭ କରି ଅରବିନ୍ଦ କେଜରିୱାଲଙ୍କ ପର୍ଯ୍ୟନ୍ତ ସଭିଏଁ ବ୍ୟାକଫୁଟକୁ ଯିବାକୁ ମନା କରି ଦେଇଛନ୍ତି। ଉଭୟ ଟୁଇଟରରେ ତଥା କଡ଼ା ସମାଲୋଚନା ମାଧ୍ୟମରେ ଭାଜପାକୁ କ୍ରମାଗତ ଭାବେ ଟାର୍ଗେଟ କରୁଛନ୍ତି। ମନୀଷ ସିସୋଡିଆ କହିଛନ୍ତି ଯେ ଅରବିନ୍ଦ କେଜରିୱାଲଙ୍କୁ ଭାଜପା ଭୟ କରୁଛି ଏବଂ ସେଥିପାଇଁ ଏସବୁ କରାଯାଉଛି। ଶରଦ ପାଓ୍ବାରଙ୍କ ଶୈଳୀରେ କେଜରିଓ୍ବାଲ, ସିସୋଡିଆ ଇଡି ଏବଂ ସିବିଆଇର ମୁକାବିଲା କରୁଥିବା ନେଇ ଚର୍ଚ୍ଚା ହେଉଛି।

ସୋମବାର ସିସୋଡିଆ ଭାଜପାକୁ ଅଡୁଆରେ ପକାଇବା ପାଇଁ ନୂଆ ରଣନୀତି ଆପଣେଇ ପାଦେ ଆଗକୁ ଯାଇଛନ୍ତି। ଭାଜପାରେ ଯୋଗଦେବା ପାଇଁ ଏକ ବାର୍ତ୍ତା ପାଇଥିବା ଦାବି କରିଛନ୍ତି। ସେ କହିଛନ୍ତି ଯେ ଭାଜପା ମୋତେ କହିଛି ଯେ ଯଦି ଆପଣ ଆମ ଆଦମୀ ପାର୍ଟି ଛାଡି ଆମ ଦଳରେ ଯୋଗ ଦିଅନ୍ତି ତେବେ ଇଡି ଏବଂ ସିବିଆଇର ତଦନ୍ତ ବନ୍ଦ ହୋଇଯିବ। ଏହା ବ୍ୟତୀତ ସେ କହିଥିଲେ ଯେ ମୁଁ ଜଣେ ରାଜପୁତ, ମୋର ମୁଣ୍ଡ କଟି ଯିବ ପଛେ ମୁଁ ନଇବି ନାହିଁ।

ଅରବିନ୍ଦ କେଜରିୱାଲ ଏବଂ ସିସୋଡିଆଙ୍କ ଏଜେନ୍ସି ଉପରେ ଆକ୍ରମଣ କରିବାର ରଣନୀତି ଏନସିପି ଅଧ୍ୟକ୍ଷ ଶରଦ ପାୱାରଙ୍କ ସହିତ ମେଳ ଖାଉଛି। ମହାରାଷ୍ଟ୍ର ନିର୍ବାଚନ ପୂର୍ବରୁ ମଧ୍ୟ ଯେତେବେଳେ ପାଓ୍ବାର ଇଡି ନୋଟିସ ପାଇଥିଲେ, ସେ ନରମ ହେବା ପରିବର୍ତ୍ତେ ମରାଠା କାର୍ଡ ଖେଳିଥିଲେ ଏବଂ ନିଜେ ଇଡି କାର୍ଯ୍ୟାଳୟକୁ ଯିବା ବିଷୟରେ କହିଥିଲେ।

ଶରଦ ପାୱାରଙ୍କ ଏଭଳି ଘୋଷଣା ପରେ ମହାରାଷ୍ଟ୍ରର ରାଜନୈତିକ ବାତାବରଣରେ ଉଷ୍ଣତା ସୃଷ୍ଟି ହୋଇଥିଲା ଏବଂ ପରେ ଇଡି ଦ୍ୱାରା ସ୍ପଷ୍ଟ କରାଯାଇଥିଲା ଯେ ଆମେ ଶରଦ ପାୱାରଙ୍କ ବିରୋଧରେ ତଦନ୍ତ କରିବୁ ନାହିଁ। ତେବେ ବିଧାନସଭା ନିର୍ବାଚନରେ ଏନେଇ ଶରଦ ପାୱାରଙ୍କ ଦ୍ୱାରା ସୃଷ୍ଟି ହୋଇଥିବା ସ୍ଥିତିରୁ ଏନସିପି ଲାଭ ପାଇଛି। ସେତେବେଳେ ଶରଦ ପାୱାର କେନ୍ଦ୍ରୀୟ ଏଜେନ୍ସିଗୁଡ଼ିକୁ ଭୟ ନକରି ଦୃଢ଼ଭାବରେ ଠିଆ ହେବାର ମୂଳଦୁଆ ପକାଇଥିଲେ। ବର୍ତ୍ତମାନ ଅରବିନ୍ଦ କେଜରିୱାଲ ଏବଂ ମନୀଷ ସିସୋଡିଆ ଦିଲ୍ଲୀରେ ସମାନ କାର୍ଯ୍ୟ କରୁଥିବା ଚର୍ଚ୍ଚା ହେଉଛି। ସିବିଆଇ ମନୀଷ ସିସୋଡିଆଙ୍କ ଘରେ ଚଢ଼ାଉ କରିବା ଦିନଠାରୁ ସେ ନିଜେ ସୋସିଆଲ ମିଡିଆରେ ସମସ୍ତ ତଥ୍ୟ ଦେଉଛନ୍ତି।

କେଜରିୱାଲ ଏବଂ ସିସୋଡିଆ ଦିଲ୍ଲୀରେ ତାଙ୍କ ଦଳ ଦ୍ୱାରା କରାଯାଇଥିବା ଭଲ କାର୍ଯ୍ୟ ବିରୁଦ୍ଧରେ କେନ୍ଦ୍ରର ଏଭଳି ପଦକ୍ଷେପ ଦ୍ୱାରା ଏକ ଷଡଯନ୍ତ୍ର ରଚାଯାଇଥିବା ପ୍ରଚାର କରୁଛନ୍ତିି। ସତ୍ୟନ୍ଦ୍ର ଜୈନଙ୍କୁ ଗିରଫ କରିବା ପରେ ମଧ୍ୟ ଏଏପି ପଛେଇବାକୁ ମନା କରିଦେଇଥିଲା ଏବଂ ଅପରପକ୍ଷେ କେନ୍ଦ୍ର ସରକାରଙ୍କୁ କଡ଼ା ସମାଲୋଚନା କରିଥିଲା। ଆମ ଆଦମୀ ପାର୍ଟି ଚାହୁଁଛି ଏହା ଦ୍ୱାରା ଦିଲ୍ଲୀର ଲୋକଙ୍କୁ ଏକ ବାର୍ତ୍ତା ପଠାଇବାରେ ସକ୍ଷମ ହେବ । ରାଜନୈତିକ ସମୀକ୍ଷକ ମତପୋଷଣ କରିଛନ୍ତି, ଆମ ଆଦମୀ ପାର୍ଟି ଅନୁଭବ କରୁଛି ଯେ ଏହି ଆଇନଗତ ଅସୁବିଧା ଯୋଗୁ ଦଳ କିଛି ସମୟ ପାଇଁ ଅସୁବିଧାରେ ପଡିପାରେ, କିନ୍ତୁ ରାଜନୈତିକ ଦୃଷ୍ଟିରୁ ଏହା ବ୍ୟାକ୍‌ ଫୁଟକୁ ଗଲେ ହିଁ କ୍ଷତିଗ୍ରସ୍ତ ହେବ। ତେଣୁ କେଜରିଓ୍ବାଲ ଏବଂ ସିସୋଡିଆ ଯୋଜନାବଦ୍ଧ ଭାବେ ରଣନୀତି ଆପଣେଉଛନ୍ତି।


Enter your email to get our daily news in your inbox.

All Right Reserved By Dharitri.Com

କରୋନାକୁ ଶକ୍ତିଶାଳୀ କରୁଥିବା ଆଣବିକ ସଂରଚନା ଚିହ୍ନଟ…

ଶିମଲା, ୬।୪ : ହିମାଚଳ ପ୍ରଦେଶର ଆଇଆଇଟିର ମଣ୍ଡିସ୍ଥିତ ସ୍କୁଲ ଅଫ ବେସିକ ସାଇନ୍ସର ବୈଜ୍ଞାନିକମାନେ କରୋନାକୁ ପ୍ରଭାବଶାଳୀ କରାଉଥିବା ଆଣବିକ ସଂରଚନା (ମଲିକୁଲାର କନଫିଗ୍ୟୁରେଶନ)କୁ...

ପ୍ରେମ ପାଇଁ ୪ ସନ୍ତାନଙ୍କ ଜନନୀ ସ୍ବାମୀଙ୍କ ଉପରେ କଲେ ଏପରି…

ଜୟପୁର, ୨୭।୮: ପ୍ରେମ ପାଇଁ ସ୍ବାମୀଙ୍କୁ ହତ୍ୟା କରି ଆତ୍ମହତ୍ୟାର ରୂପ ଦେଇଥିବା ଜଣେ ମହିଳାଙ୍କୁ ରାଜସ୍ଥାନ ପୋଲିସ ଗିରଫ କରିଛି। ସ୍ଥାନୀୟ ଆଗ୍ରା ଜିଲାର...

କମଲନାଥଙ୍କ ପରେ ଏବେ ଅଭଦ୍ର ଟିପ୍ପଣି ଦେଇ ଚର୍ଚ୍ଚାରେ ଶିବରାଜଙ୍କ ମନ୍ତ୍ରୀ

ଭୋପାଳ,୨୦ ।୧୦: ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କମଲନାଥଙ୍କ ବୟାନ ପରେ ଏବେ ବିବାଦ ଥମିନାହିଁ । କନ୍ତୁ ଏହାରି ଭିତରେ ଭାରତୀୟ ଜନତା ପାର୍ଟି(ଭାଜପା)ର ଜଣେ...

ଗୋଟିଏ ହାତ ନ ଥାଇ ବି କରୋନା ଯୁଦ୍ଧରେ ଲଢିବାକୁ ଅଣ୍ଟା ଭିଡିଛନ୍ତି କୁନିଝିଅ

ଉଡୁପି,୨୬।୬: କର୍ନାଟକର ଉଡୁପିରେ ରହୁଥିବା ୧୦ ବର୍ଷୀୟା ଝିଅ ସିନ୍ଦୁରୀ ଏବେ ଅନ୍ୟମାନଙ୍କ ପାଇଁ ଉଦାହରଣ ପାଲଟି ଯାଇଛନ୍ତି। ଗୋଟିଏ ହାତ ନ ଥାଇ ବି...

କେନ୍ଦ୍ରମନ୍ତ୍ରୀ ସୁପ୍ରିୟୋ ହଟହଟା

କୋଲକାତା,୨୦-୯(ପି.ଟି.):ଏବିଭିପି ପକ୍ଷରୁ ଆୟୋଜିତ ଏକ ସେମିନାରରେ ଉଦ୍‌ବୋଧନ ଦେବାକୁ ଯାଇଥିବା କେନ୍ଦ୍ରମନ୍ତ୍ରୀ ବାବୁଲ ସୁପ୍ରିୟୋଙ୍କୁ ଯାଦବପୁର ବିଶ୍ୱବିଦ୍ୟାଳୟରେ ହଟହଟା ହେବାକୁ ପଡ଼ିଛି। ଗୋଟିଏ ଛାତ୍ରଗୋଷ୍ଠୀ ତାଙ୍କୁ...

ପୂର୍ବତନ ମୁଖ୍ୟମନ୍ତ୍ରୀଙ୍କ ଘର ଆଗରେ ବିଷ ପିଇଲେ କୃଷକ

ମୁକ୍ତସର,୧୮।୯: ନରେନ୍ଦ୍ର ମୋଦି ସରକାର ପକ୍ଷରୁ ଆଗତ କରାଯାଇଥିବା କୃଷି ବିଲ ବିରୋଧରେ ଚାଷୀଙ୍କ ରାଗ ବଢିବାରେ ଲାଗିଛି। ହରିୟାଣା ଏବଂ ପଞ୍ଜାବର କୃଷକମାନେ ରାଜରାସ୍ତାକୁ...

ପେଟରୁ ବାହାରିଲା ଏଲ୍‌ଇଡି ବଲ୍‌ବ

ଫରିଦାବାଦ୍‌,୭।୨: ହରିୟାଣାର ଫରିଦାବାଦରେ ଏକ ଅଭାବନୀୟ ଘଟଣା ଘଟିଛି। ଜଣେ ୧୦ ବର୍ଷୀୟ ବାଳକଙ୍କ ପେଟରୁ ଏଲ୍‌ଇଡି ବଲ୍‌ ବାହାର କରାଯାଇଛି। ଫରିଦାବାଦର ସେକ୍ଟର ୬୨ରେ...

ଜ୍ଞାନବ୍ୟାପି ସର୍ଭେ ଶେଷ, ମଙ୍ଗଳବାରଠାରୁ ସୁପ୍ରିମ୍‌କୋର୍ଟରେ ଶୁଣାଣି…

ନୂଆଦିଲ୍ଲୀ, ୧୬।୫ : ଜ୍ଞାନବ୍ୟାପି ମସଜିଦ ସର୍ଭେ ଶେଷ ହୋଇଛି। ସର୍ଭେ ରିପୋର୍ଟ ଆଧାରରେ କରାଯାଇଥିବା ଆବେଦନର ଶୁଣାଣି ମଙ୍ଗଳବାର ସୁପ୍ରିମକୋର୍ଟରେ କରାଯିବ। ଜଷ୍ଟିସ ଡି.ଓ୍ବାଇ...

Advertisement
Archives

Model This Week