ଟିଭିର କ୍ୱିନ୍ କୁହାଯାଉଥିବା ଏକତା କପୁରଙ୍କ ଆଜି ଜନ୍ମ ଦିନ। ସେ ତାଙ୍କର ୪୬ ତମ ଜନ୍ମଦିନ ପାଳନ କରୁଛନ୍ତି। ଅଭିନେତା ଜିତେନ୍ଦ୍ର ଏବଂ ଶୋଭା କପୁରଙ୍କ ଝିଅ ଏକତା ଛୋଟ ପରଦାରୁ ଆରମ୍ଭ କରି ବଲିଉଡ ପର୍ଯ୍ୟନ୍ତ ସେ ଅନେକ ନାମ ଅର୍ଜନ କରିଛନ୍ତି। ଏକତା ଜଣେ ସଫଳ ନିର୍ଦ୍ଦେଶକ, ସ୍କ୍ରିପ୍ଟ ଲେଖକ ଏବଂ ନିର୍ମାତ। ଏକତା ଏବଂ ଶୋଭା କପୁର ମଧ୍ୟ ବାଲାଜୀ ଟେଲିଫିଲ୍ମର ପାର୍ଟନର ଅଟନ୍ତି । ଏଥି ସହିତ, ତାଙ୍କ ବାପାଙ୍କଠାରୁ ଆର୍ଥିକ ସହାୟତା ପାଇବା ପରେ ଏକତା ଟିଭି ସିରିଏଲ ଆରମ୍ଭ କରିଥିଲେ । ଏକତା ୧୯ ବର୍ଷ ବୟସରେ ନିଜ କ୍ୟାରିଅର୍ ଆରମ୍ଭ କରିଥିଲେ । ତେବେ ତାଙ୍କ ଜନ୍ମଦିନ ଅବସରରେ ତାଙ୍କ ବ୍ୟକ୍ତିଗତ ଜୀବନ ସହିତ କିଛି କଥା ଜାଣନ୍ତୁ।
ବୃତ୍ତିଗତ ଜୀବନରେ ଅନେକ ଆଗକୁ ବଢ଼ିଥିବା ଏକତା ଏବେ ବି କୁଆଁରୀ ଅଛନ୍ତି। ଏକ ସାକ୍ଷାତକାରରେ ଏକତା କହିଥିଲେ, ବାପାଙ୍କ ଏକ ସର୍ତ୍ତ ପାଇଁ ସେ ଏପର୍ଯ୍ୟନ୍ତ ବିବାହ କରିନାହାଁନ୍ତି। ଅନ୍ୟଥା, ସେ ୨୨ ବର୍ଷ ବୟସରେ ବିବାହ କରିବାକୁ ଚାହୁଁଥିଲେ। ଏକତା କହିଥିଲେ, ‘ଯେତେବେଳେ ମୋର ବୟସ ୧୭ ବର୍ଷ ହୋଇଥିଲା, ମୋ ବାପା କହିଥିଲେ, ଯେ ମୁଁ ଚାହୁଁଛି ତୁ ପାର୍ଟି କରିବା ପରିବର୍ତ୍ତେ ବିବାହ କର କିମ୍ବା କାମ କର। ସେ ମୋତେ ପକେଟ ଖର୍ଚ୍ଚ ବ୍ୟତୀତ ଅନ୍ୟ କିଛି ଦେବେ ନାହିଁ ବୋଲି କହିଥିଲେ। ତେଣୁ ଟଙ୍କା ରୋଜଗାର କରିବା ପାଇଁ ମୁଁ ଏକ ବିଜ୍ଞାପନ ଏଜେନ୍ସିରେ କାମ କରିବା ଆରମ୍ଭ କଲି ।
ସେ ଆହୁରି କୁହନ୍ତି, ‘ପରିସ୍ଥିତିକୁ ଦେଖି ମୁଁ ଅନୁଭବ କରୁଥିଲ ମୋ ଜୀବନ ବଦଳିଯିବ । ମୁଁ ୨୨ ବର୍ଷ ବୟସରେ ବିବାହ କରିବି ଏବଂ ଜୀବନକୁ ଉପଭୋଗ କରିବି । କିନ୍ତୁ ଦୁର୍ଭାଗ୍ୟବଶତ ହେଉ କିମ୍ବା ସୌଭାଗ୍ୟବଶତ ଆମେ ଯାହା ଭାବୁ, ଏହା କେବେ ହୁଏ ନାହିଁ । ମୁଁ ‘ହମ୍ ପାଞ୍ଚ ନାମ’ ଶୋ ପାଇଁ ପାଇଲଟ ଶୁୁଟ କରିବାକୁ ସ୍ଥିର କଲି ଏବଂ ଏହାକୁ ଜି-ଟିଭିରେ ବିକ୍ରି କଲି । ଯେତେବେଳେ ଏହା ପ୍ରସାରିତ ହେଲା ସେତେବେଳେ ମୋର ବୟସ ୧୯ ଥିଲା ।ଶୋ ଏକ ହିଟ ହୋଇଗଲା ଏବଂ ମୋର ସମସ୍ତ ରାସ୍ତା ବଦଳିଗଲା। ଏକତା କପୁର ସରୋଗେସି ମାଧ୍ୟମରେ ୨୦୧୯ ରେ ମାତା ହୋଇଥିଲେ। ଏକତା କପୁର ତାଙ୍କ ପୁଅର ନାମ ରବି କପୁର ରଖିଛନ୍ତି। ସେ ତାଙ୍କ ପୁଅକୁ ନେଇ ଅଧିକ ଖୁସି।
