ଭଞ୍ଜନଗର,୧୯।୫(ବାବୁଲା ପ୍ରଧାନ )- ଗଞ୍ଜାମ ଜିଲା ଭଞ୍ଜନଗର ବ୍ଲଡ ବ୍ୟାଙ୍କ ରାଜ୍ୟର ଏକ ଅଗ୍ରଣୀ ବ୍ଲଡ ବ୍ୟାଙ୍କ । ଏଠାରେ ୭୦ ପ୍ରତିଶତରୁ ଊର୍ଦ୍ଧ୍ୱ ରୋଗୀଙ୍କୁ ସିଧାସଳଖ ରକ୍ତ ଦିଆଯାଉଛି । ବଳକା ୩୦ ପ୍ରତିଶତ ରୋଗୀଙ୍କ ସମ୍ପର୍କୀୟ ରକ୍ତ ଦେଇ ରକ୍ତ ନେଉଛନ୍ତି । ଆଗାମୀ ଦିନରେ ଶତ ପ୍ରତିଶତ ରୋଗୀଙ୍କୁ ସିଧାସଳଖ ରକ୍ତ ଦେବା ବ୍ୟବସ୍ଥା କରିବା ପାଇଁ ଆଜିର ବୈଠକରେ ନିଷ୍ପତ୍ତି ହୋଇଥିଲା । ଏଥିପାଇଁ ନୂଆ ରକ୍ତଦାତା ସୃଷ୍ଟି କରିବାକୁ ପଡ଼ିବ। ଏଥିସହ ବିଭିନ୍ନ ସଂଗଠନ ସହ ଯୋଡ଼ି ହୋଇ ଖରାଦିନେ ଆବଶ୍ୟକ ରକ୍ତ ଅଭାବକୁ ପୂରଣ କରିବା ଉପରେ ବୈଠକରେ ଆଲୋଚନା ହୋଇଥିଲା । ଏଥିସହ କିଛି ସଂଗଠନ ରକ୍ତଦାନ କ୍ଷେତ୍ରରେ ଅଗ୍ରଣୀ ଭୂମିକା ଗ୍ରହଣ କରୁଥିବା ଯୋଗୁ ସେମାନକୁ ବୈଠକରେ ପ୍ରଶଂସା କରାଯାଇଥିଲା ।
ବୈଠକରେ ଉପ ଜିଲାପାଳ ତଥା ମେଡିକାଲ୍ ପରିଚାଳନା କମିଟି ଅଧକ୍ଷ ଉମା ଶଙ୍କର ବେହେରା ଅଧ୍ୟକ୍ଷତା କରି ନୂତନ ରକ୍ତଦାତା ସୃଷ୍ଟି କରିବା ପାଇଁ ଆହ୍ୱାନ କରିଥିଲେ । ମେଡିକାଲ୍ ଅଧିକ୍ଷକ ଡ ଗୋବିନ୍ଦ ମାହାପାତ୍ର ସଭାକୁ ସଂଯୋଜନା କରିଥିଲେ । ଏଥିସହ ବ୍ଲଡ ବ୍ୟାଙ୍କର ବିଭିନ୍ନ ଅଭାବକୁ ପୂରଣ କରିବା ପାଇଁ ଜିଲ୍ଲା ପ୍ରଶାସନ ପକ୍ଷରୁ ଇତିମଧ୍ୟରେ ୮ ଲକ୍ଷ ୪୦ ହଜାର ଟଙ୍କା ପ୍ରଦାନ କରାଯାଇଛି । ଆଗାମି ଦିନରେ ତାହା ବ୍ଲଡ ବ୍ୟାଙ୍କ ର ଉନ୍ନତୀ ରେ ବ୍ୟବହାର ହେବ। ରକ୍ତ ହୀନତା,ରକ୍ତ ଶିକୁଳି, ଗର୍ଭବତୀ ମହିଳାଙ୍କ କ୍ଷେତ୍ରରେ ରକ୍ତର ଆବଶ୍ୟକତା ବହୁ ଗୁଣା ବୃଦ୍ଧିପାଇଛି। ତେଣୁ ରକ୍ତର ଆବଶ୍ୟକତାକୁ ପୂରଣ କରିବା ପାଇଁ ସବୁ ଆଡୁ ଚେଷ୍ଟା ହେବା ଦରକାର ବୋଲି ବକ୍ତାମାନେ କହିଥିଲେ। ବ୍ଲଡ ବ୍ୟାଙ୍କ କର୍ମଚାରୀ ବିପିନ କୁମାର ପାଣିଗ୍ରାହୀ ଆୟ ବ୍ୟୟ ର ହିସାବ ଦେଇଥିଲେ । ବ୍ଲଡ ବ୍ୟାଙ୍କ ଅଧିକାରୀ ଡା,ସତୀଶ ମୋହନ ପାଢୀ,ଡା.ସୁରେଶ ଚନ୍ଦ୍ର ସାମନ୍ତ, ସ୍ବେଛାସେବୀ ବିଶ୍ବମ୍ବର ଜେନା, ଯୁବ ରେଡକ୍ରସ୍ ରାଜ୍ୟ କର୍ମକର୍ତ୍ତା ବି.ଗୋବିନ୍ଦ ରାଓ, ରୋଟାରୀ କ୍ଲବ ସଭାପତି ରଞ୍ଜିତ କୁମାର ବାରିକ,କେଏସ୍ୟୁବି କଲେଜ ଅଧ୍ୟାପକ ଡ ରବିନ୍ଦ୍ର କୁମାର ମିଶ୍ର,ବିଡ଼ିପୁର କଲେଜ ଯୁବ ରେଡକ୍ରସ୍ ଅଧିକାରୀ ବସନ୍ତ କୁମାର ଶତପଥୀ,ସାବିତ୍ରୀ ମହିଳା ମହାବିଦ୍ୟାଳୟ ଅଧ୍ୟାପକ ଅମୁଲ୍ୟ କୁମାର ଶତପଥୀ,ମୁନିସିପାଲିଟି କାଉନସିଲର ଉପେନ୍ଦ୍ର କୁମାର ପ୍ରଧାନ,ମେଡିକାଲ୍ ପରିଚାଳକ ବିଚିତ୍ର କୁମାର ପାଣିଗ୍ରାହୀ ପ୍ରମୁଖ ଆଲୋଚନାରେ ଅଂଶ ଗ୍ରହଣ କରିଥିଲେ। ବ୍ଲଡ ବ୍ୟାଙ୍କ କର୍ମଚାରୀ ଲକ୍ଷ୍ମୀ ନୃସିଂହ ମାଝୀ ଧନ୍ୟବାଦ ପ୍ରଦାନ କରିଥିଲେ।
