ନ କହିଲେ ଭଲ

ପାଖରେ ଶୁଏ, କାନରେ କୁହେ, ତା କଥା କି ଅନ୍ୟଥା ହୁଏ। ଏକଥା ଠିକ୍‌, କିନ୍ତୁ ଏମିତି ଅନେକ କଥା ଅଛି ଯାହା କହିବା ଉଚିତ୍‌ ନୁହେଁ। କାରଣ ଏହି କାନକୁହା କଥା ବି ବେଳେବେଳେ ବୁମେରାଂ ହୋଇପାରେ। ସୁଖୀ ଓ ସଫଳ ଦାମ୍ପତ୍ୟ ଜୀବନକୁ ବରବାଦ କରିଦେଇପାରେ। ତେଣୁ କେଉଁ କଥା ସ୍ବାମୀଙ୍କୁ କହିବେ ତାହା ଜାଣିବା ଅପେକ୍ଷା କ’ଣ ନ କହିବେ ତାହା ନିଶ୍ଚୟ ଜାଣିବା ଦରକାର…

ସବୁ ଅକୁହା କଥା ତାଙ୍କ ଆଗରେ କହିହୁଏ। ମନକଥା ଖୋଲି କହିଦେଲେ ମନ ହାଲକା ହୁଏ ଆଉ ସମ୍ପର୍କ ହୋଇଥାଏ ମଜବୁତ। ହେଲେ ଏମିତି କିଛି କଥା ଅଛି ଯାହା ସମ୍ପର୍କରେ ସନ୍ଦେହ ସୃଷ୍ଟି କରିବା ପାଇଁ ବାଧ୍ୟ କରିଥାଏ। ତେଣୁ ପରିବାର ଚଳାଇବାକୁ ହେଲେ ସ୍ବାମୀଙ୍କୁ ବି ସବୁକଥା ନ କହିବା ଭଲ।
ପୁରୁଣା ପ୍ରେମ: ନିଜର ହେଉ ବା ସ୍ବାମୀଙ୍କର ପୁରୁଣା ପ୍ରେମକୁ ନେଇ କୌଣସି ପ୍ରକାରର ଟିପ୍‌ପଣୀ ଦେବା ଉଚିତ୍‌ ନୁହେଁ। ଏମିତିକି ସେ ସମ୍ପର୍କକୁ ନେଇ କୌଣସି ଆଲୋଚନା କରିବା ପାଇଁ ଚେଷ୍ଟା କରିବା କଥା ନୁହେଁ। କାହିଁକିନା ଏଭଳି ସମ୍ବେଦନଶୀଳ ପ୍ରସଙ୍ଗରେ ଆଲୋଚନାବେଳେ କେଉଁଠି ନା କେଉଁଠି ହୃଦୟକୁ ଆଘାତ ମିଳିଥାଏ। ତା ଛଡା ଏନେଇ ଆଲୋଚନା କଲେ ନା ସ୍ବାମୀଙ୍କୁ ଭଲ ଲାଗିବ ନା ଆପଣଙ୍କୁ। ତେଣୁ ଏଭଳି ପ୍ରସଙ୍ଗ ଅତୀତ ହୋଇ ରହିବା ଭଲ।
ବାପଘରର ଗୁମର: ନିଜର ସୁଖ ଦୁଃଖ ଭଲ ମନ୍ଦ ସମ୍ପର୍କରେ ସ୍ବାମୀଙ୍କୁ ଜଣାଇବା ଠିକ୍‌। କିନ୍ତୁ ବାପଘରର କୌଣସି ଗୁମର କଥାକୁ କେବେ ହେଲେ ତାଙ୍କ ଆଗରେ ଖୋଲି କୁହନ୍ତୁ ନାହିଁ। କାହିଁକିନା ଅନେକ ସମୟରେ ଏହି କଥା ଆପଣଙ୍କ ଉପରେ ହିଁ ଅସ୍ତ୍ର ହୋଇ ଫେରି ଆସିପାରେ। ସେହି କଥାକୁ ନେଇ ସୁଯୋଗ ଦେଖି ସେ ଆପଣଙ୍କୁ କିଛି କହିଲେ ଶୁଣିବାକୁ ଆଦୌ ଭଲ ଲାଗିବନି।
ନିଜର ବ୍ୟକ୍ତିଗତ ସଞ୍ଚୟ: ସ୍ବାମୀଙ୍କ ଆଗରେ ନିଜର ବ୍ୟକ୍ତିଗତ ସଞ୍ଚୟ ନେଇ ସତକଥା କୁହନ୍ତୁ ନାହିଁ। ନଚେତ୍‌ ଖୁବ୍‌ ଶୀଘ୍ର ସେହି ସଞ୍ଚୟ ଶେଷ ହୋଇଯିବ। କାରଣ ଘର ପାଇଁ କୌଣସି ଖର୍ଚ୍ଚର ଆବଶ୍ୟକତା ପଡିଲେ ପ୍ରଥମେ ସେ ଆପଣଙ୍କ ଅର୍ଥକୁ ଖର୍ଚ୍ଚ କରିବା ପାଇଁ ଚାହିଁବେ। ତେଣୁ ଆପଣ ସେହି ସଞ୍ଚୟକୁ ନେଇ କୌଣସି ଭବିଷ୍ୟତ ଯୋଜନା କରିଥିଲେ ତାହା ହୁଏତ ଫଳବତୀ ହୋଇ ନ ପାରେ। ଏହି ଦୃଷ୍ଟିରୁ ନିଜ ସଞ୍ଚୟକୁ ଖୋଲି କୁହନ୍ତୁ ନାହିଁ। କିନ୍ତୁ ଭବିଷ୍ୟତରେ କୌଣସି ଠକାମୀର ଶିକାର ହେବା ଭଳି କାମ ନ କରି ବୁଝି ବିଚାରି ସଞ୍ଚୟ କିମ୍ବା ବିନିଯୋଗ କରନ୍ତୁ।
ନିନ୍ଦା କରିବା: ଶାଶୂଘରର କୌଣସି ଲୋକଙ୍କ ନିନ୍ଦା କରନ୍ତୁ ନାହିଁ। ସ୍ବାମୀଙ୍କୁ ଆପଣଙ୍କର ଏପରି ଗୁଣ ଆଦୌ ଭଲ ଲାଗିବ ନାହିଁ। କାରଣ ସେ ତାଙ୍କ ବାପା, ମାଆ କିମ୍ବା ଭାଇଭଉଣୀଙ୍କ ସମ୍ପର୍କରେ କୌଣସି ନକାରାତ୍ମକ କଥା ଶୁଣିବାକୁ ପସନ୍ଦ କରିବେ ନାହିଁ। ଠିକ୍‌ ଯେମିତି ଆପଣ ମଧ୍ୟ ନିଜ ବାପଘର ଲୋକଙ୍କ ସମ୍ପର୍କରେ ନକାରାତ୍ମକ କଥା ଶୁଣିପାରିବେ ନାହିଁ। ତେଣୁ ଏଭଳି କିଛି କହିବା ପୂର୍ବରୁ ସତର୍କ ରୁହନ୍ତୁ।
ବନ୍ଧୁଙ୍କ ବିରୋଧରେ: ସ୍ବାମୀଙ୍କର କୌଣସି ଘନିଷ୍ଟ ବନ୍ଧୁ କିମ୍ବା ବାନ୍ଧବୀଙ୍କ ସମ୍ପର୍କକୁ ନେଇ ତାତ୍ସଲ୍ୟ କରନ୍ତୁ ନାହିଁ କିମ୍ବା ସନ୍ଦେହ କରନ୍ତୁ ନାହିଁ। ଏମିତିକି ବନ୍ଧୁଙ୍କର କୌଣସି ଖରାପ ଗୁଣ କିମ୍ବା ତାଙ୍କ ବିରୋଧରେ କୌଣସି ମନ୍ତବ୍ୟ ଦିଅନ୍ତୁ ନାହିଁ।
ରୋଜଗାର ନେଇ ତାଚ୍ଛଲ୍ୟ: ସ୍ବାମୀଙ୍କର ରୋଜଗାରକୁ ନେଇ ଭୁଲରେ କେବେ ତାତ୍ସଲ୍ୟ କରନ୍ତୁ ନାହିଁ। ସବୁ ପୁରୁଷଙ୍କୁ ଏହା ଆଘାତ ଦେଇଥାଏ। ତେଣୁ ତାଙ୍କ ରୋଜଗାରକୁ ନେଇ ଆପଣ ସନ୍ତୁଷ୍ଟ ଥିବା ଭଳି ତାଙ୍କୁ ଅନୁଭବ କରାଇପାରିଲେ ପରିବାର ବେଶ୍‌ ହସଖୁସିରେ ଆଗେଇଯିବ।

ମୁଡ୍‌ ଭଲ ଥିଲେ କହେ
ସ୍ବାମୀଙ୍କ ମୁଡ୍‌ ଭଲ ଥିଲେ ମୁଁ ତାଙ୍କ ଆଗରେ ସବୁ କଥା କହିଥାଏ। ହେଲେ ଆଜିପର୍ଯ୍ୟନ୍ତ ମୁଁ ମୋ ନିଜର ଦୁର୍ବଳତା ବିଷୟରେ କେବେ ବି କହେନି। ଖାଲି ମୋ ବିଷୟରେ ନୁହେଁ, ମୋ ବାପଘରର ସବୁ ସଦସ୍ୟଙ୍କ ବିଷୟରେ ବି ମୁଁ କିଛି କହି ନଥାଏ। କାହିଁକିନା ଆମ ଘର ଲୋକଙ୍କୁ ନେଇ ସେ କିଛି କହିଲେ ମତେ ଭଲ ଲାଗିବନି। ଘରେ ସେ ନ ଥିବା ବେଳେ, ଝିଅ ଓ ମୁଁ ମିଶି ବେଳେବେଳେ ଅନେକ ଛୋଟ ବଡ଼ କାମ ବି କରିଥାଉ ହେଲେ, ତାଙ୍କୁ ଜଣାଇ ନଥାଉ। ତେଣୁ ମୋର ଏଇ ଦୁର୍ବଳତାକୁ ମୁଁ ତାଙ୍କ ସହ ଆଦୌ ଶେୟାର କରେନି।

ଏମାନେ କ’ଣ କରନ୍ତି
ମାନସୀ ମୋହିନୀ ପଣ୍ଡା
(ଗୃହିଣୀ, ଦାରିଙ୍ଗବାଡ଼ି, କନ୍ଧମାଳ)

ଚାହିଁଲେ ବି କହିପାରେନି
ସ୍ବାମୀଙ୍କୁ ତ ସବୁ କଥା କୁହେ, ହେଲେ ଏମିତି ବି କିଛି କଥା ଅଛି ଯାହା ମୁଁ ଚାହିଁଲେ ବି କହିପାରେନା। ଘରେ ମୁଁ ମୋର ନିଜସ୍ବ ଅର୍ଥ ସଞ୍ଚୟ କରେ, ହେଲେ ସ୍ବାମୀଙ୍କୁ ଜଣାଏ ନାହିଁ। ବେଳେବେଳେ ପୁଅ ଏତେ ଦୁଷ୍ଟ ହୁଏ ଯେ, ସ୍ବାମୀଙ୍କୁ କହିବାକୁ ଚାହୁଁଥିଲେ ବି ପୁଅ ମନା କରିବା ଯୋଗୁଁ କହିପାରେନି। ଅନେକ ସମୟରେ ଶାଶୁ ଘରେ କିଛି କିଛି କାରଣ ଯୋଗୁଁ ବି ମନ ଦୁତ୍ଃଖ ହୁଏ, ତାକୁ ବି ଶେୟାର୍‌ କରିପାରେନି। ତଥାପି ଆମେ ଖୁସିରେ ଅଛୁ।
ରଶ୍ମିରାଣୀ ତ୍ରିପାଠୀ (ଗୃହିଣୀ,ମଙ୍ଗଳାନଗର, ଖୋର୍ଦ୍ଧା)

 

 


Enter your email to get our daily news in your inbox.

All Right Reserved By Dharitri.Com

ଶୀତଦିନେ ସପ୍ତାହରେ ୨ ଥର କରନ୍ତୁ ଉଷୁମ ତେଲ ମାଲିସ୍‌…

ଶୀତଦିନେ ଶରୀରରେ ଉଷୁମ ତେଲ ମାଲିସ୍‌ କଲେ ଅନେକ ଉପକାର ମିଳିଥାଏ । ଏହା ଦ୍ୱାରା ରକ୍ତଚାପ ନିୟନ୍ତ୍ରିତ ହେବା ସହିତ ହାର୍ଟ ଆଟାକ୍‌ରୁ ମୁକ୍ତି...

ଶୀତଦିନେ ପିଅନ୍ତୁ ଏହି ଚା’…

ଶୀତଦିନେ ଲବଙ୍ଗ ଚା’ ପିଇଲେ ବହୁ ଉପକାର ହୋଇଥାଏ। ଲବଙ୍ଗ ଚା’ ଡାଇବେଟିସ୍‌ ଠାରୁ ଦୂରେଇ ରଖିଥାଏ। ଏହା କୋଲେଷ୍ଟରଲସ୍ତର କମାଇ ରକ୍ତ ସଞ୍ଚାଳନକୁ ସ୍ବାଭାବିକ...

ଚାହୁଁଛନ୍ତି କି ଉଜ୍ଜ୍ୱଳ ତ୍ୱଚା: ତରଭୁଜ, କଦଳୀ ଲଗାଇ ବଢ଼ାନ୍ତୁ ମୁଁହର ସୌନ୍ଦର୍ଯ୍ୟ

ଖରାଦିନେ ତରଭୁଜ ଖାଇବାକୁ ପ୍ରାୟ ସମସ୍ତେ ପସନ୍ଦ କରିଥାନ୍ତି। ଏଥିରେ ଥିବା ପୋଷକତତ୍ୱ ଶରୀରକୁ ସୁସ୍ଥ ରଖିବା ସହିତ ଶକ୍ତି ଯୋଗାଇଥାଏ। ଏହା ଶରୀରରେ ଜଳୀୟଅଂଶର...

ସିଲ୍କ ଶାଢ଼ି ଫ୍ୟାଶନ

କୁହାଯାଏ ବାର ହାତର ବିସ୍ମୟ ହେଉଛି ଶାଢ଼ି। ଆଧୁନିକ ଲାଇଫ୍‌ ଷ୍ଟାଇଲ୍‌ରେ ବି ଏହାର ସ୍ବତନ୍ତ୍ର ଚାହିଦା ରହିଛି। ଦେଶ ବିଦେଶରେ ଭାରତୀୟ ଶାଢ଼ିର ରହିଛି...

ଗାଈକ୍ଷୀର ଶିଶୁ ପାଇଁ ନୁହେଁ ଉପଯୋଗୀ…

ଶିଶୁକୁ ଗାଈକ୍ଷୀର ଦେଲେ ଅନେକ ସମସ୍ୟା ଦେଖାଦେଇଥାଏ। ଗାଈକ୍ଷୀର ଶିଶୁଙ୍କ ପାଇଁ ଅନୁପଯୁକ୍ତ ଏବଂ ଏହାଯୋଗୁ ପିଲାଙ୍କ କିଡ୍‌ନୀ ଉପରେ ବିପରୀତ ପ୍ରଭାବ ପଡିବାର ଆଶଙ୍କା...

ଚିକେନ୍‌ କାଲି ମିର୍ଚି

ଦେଶ ବିଦେଶରୁ ଆସୁଥିବା ପର୍ଯ୍ୟଟକଙ୍କ ରୁଚିକୁ ଦୃଷ୍ଟିରେ ରଖି ପୁରୀ ସହରର ପ୍ରାୟ ବଡ଼ ବଡ଼ ହୋଟେଲ ଏବଂ ରେଷ୍ଟୁରାଣ୍ଟରେ ସୁଆଦିଆ ଖାଦ୍ୟ ପ୍ରସ୍ତୁତ କରାଯାଉଛି।...

ଓଜନ ନିୟନ୍ତ୍ରଣ କରିବ ଟମାଟୋ

ଟମାଟୋ ଖାଇଲେ ଅନେକ ଫାଇଦା ମିଳିଥାଏ। ଏହାକୁ ଲୋକେ ତରକାରୀ ହେଉ ଅବା ସାଲାଡ୍‌ ଭାବେ ସେବନ କରିପାରିବେ। ଏକ ଗବେଷଣାରୁ ଜଣାପଡ଼ିଛି, ଟମାଟୋ ଖାଇବା...

୫ ଜି ପ୍ରଯୁକ୍ତି ବିଦ୍ୟା

ମୋବାଇଲ୍‌ ଫୋନ୍‌ ବର୍ତ୍ତମାନ ଏକ ଅପରିହାର୍ଯ୍ୟ ଉପକରଣ ଭାବେ ବିବେଚିତ ହେଉଛି। ଆଜିର ସ୍ମାର୍ଟଫୋନ୍‌ରେ କଥାହେବା ସହିତ ବାର୍ତ୍ତା (ମ୍ୟାସେଜ୍‌), ଭିଡିଓ, ଚିତ୍ର ଆଦି ପ୍ରେରଣ...

Advertisement
Archives

Model This Week