ବାରିପଦା ଅଫିସ, ୧୫।୨: ମୟୂରଭଞ୍ଜ ଜିଲା ବାରିପଦା ମ୍ୟୁନିସିପାଲଟି କାର୍ଯ୍ୟଳୟରେ ମଙ୍ଗଳବାର ଭିଜିଲାନ୍ସ ବିଭାଗ ପକ୍ଷରୁ ଚଢ଼ାଉ ଜାରି ରହିଛି। ମ୍ୟୁନିସିପାଲଟି ଅଧୀନରେ ଥିବା ସମସ୍ତ ପାର୍କଗୁଡ଼ିକରେ ଆଦାୟ ହେଉଥିବା ଟିକସରେ ବ୍ୟାପକ ଅନିୟମିତତା ହୋଇଥିବା ଅଭିଯୋଗ ନେଇ ଏହି ଚଢ଼ାଉ କରାଯାଇଥିବାର ଜଣାପଡିଛି। ବାରିପଦା ଏବଂ ବାଲେଶ୍ବର ଭିଜିଲାନ୍ସ ବିଭାଗର ଦୁଇ ଡିଏସ୍ପିଙ୍କ ନେତୃତ୍ୱରେ ୧୦ ଜଣ ଅଧିକାରୀ ଏହି ଚଢ଼ାଉରେ ସାମିଲ ହୋଇଛନ୍ତି। ଭିଜିଲାନ୍ସ ବିଭାଗ ମ୍ୟୁନିସିପାଲଟି ଯନ୍ତ୍ରୀଙ୍କ କାର୍ଯ୍ୟଳୟରେ ପଶି ସମସ୍ତ ପାର୍କର ଫାଇଲ ଗୁଡିକୁ ଜବତ କରିବା ସହ ପାର୍କ ଗୁଡ଼ିକର ଆୟ ବ୍ୟୟର ହିସାବକୁ ଯାଞ୍ଚ କରୁଛନ୍ତି । ଏ ନେଇ ପୂବରୁ ମ୍ୟୁନିସିପାଲଟି ଯନ୍ତ୍ରୀଙ୍କ ନାମରେ ଜଣେ ମହିଳା ଠିକା କର୍ମଚାରୀ ଅଶାଳୀନ ବ୍ୟବହାର ନେଇ ଥାନାରେ ଅଭିଯୋଗ ମଧ୍ୟ କରିଥିଲେ । ମ୍ୟୁନିସିପାଲଟିର ପାର୍କ ଗୁଡିକର ଟିକଟ ବହି ନକଲି କରାଯାଇ ଟଙ୍କା ଆଦାୟ କରାଯାଉଥିବାର ମଧ୍ୟ ସନ୍ଦେହ ଉଠିଥିଲା । ଭିଜିଲାନ୍ସ କର୍ମଚାରୀମାନେ ଯାଞ୍ଚ ପ୍ରକ୍ରିୟା ଜାରି ରଖିଛନ୍ତି ।
