କୋଟପାଡ଼,୫।୬(ରାଜଶେଖର ରାଓ): କୋରାପୁଟ ଜିଲା କୋଟପାଡ଼ ବ୍ଲକ ଗୁମୁଡା ପଞ୍ଚାୟତରେ ଗୁରୁବାର ଏକ ଭାଲୁ ଆକ୍ରମଣରେ ଜଣେ ଚାଷୀ ଗୁରୁତର ଆହତ ହେଇଛନ୍ତି। ସେ ହେଲେ ରାଧା ଚାଲନ(୬୦)।
ମିଳିଥିବା ସୂଚନା ମୁତାବକ, କୋଟପାଡ଼ ଅଞ୍ଚଳ ଇନ୍ଦ୍ରାବତୀ ନଦୀକୁଳର ମକା ଚାଷ କରାଯାଇଛି। ରାଧା ପ୍ରତିଦିନ ଭଳି ବୁଧବାର ରାତିରେ ମକା ଚାଷ ଜଗିବାକୁ ଯାଇଥିଲେ। ହେଲେ ଭୋର ୪ଟା ସମମୟରେ ସେ ଶୋଇଥିବା ବେଳେ ସ୍ଥାନୀୟ ଏକ ଆଖୁ କିଆରରୁ ଏକ ଭାଲୁ ଚାଲିଆସି ତାଙ୍କୁ ଆକ୍ରମଣ କରିଥିଲା। ଫଳରେ ସେ ଗୁରୁତର ଆହତ ହୋଇଛନ୍ତି। ତାଙ୍କ ମୁହଁ ଏବଂ ମୁଣ୍ଡରେ ଗଭୀର ଆଘାତ ଲାଗିଛି।
ସେ ପାଟି କରିବାରୁ ପାଖରେ ଶୋଇଥିବା କିଛି ଲୋକ ଆସି ତାଙ୍କୁ ଉଦ୍ଧାର କରିଥିଲେ। ପରେ ତାଙ୍କୁ ଗୁରୁତର ଅବସ୍ଥାରେ ଜୟପୁର ସ୍ବାସ୍ଥ୍ୟ କେନ୍ଦ୍ର ଭର୍ତ୍ତି କରାଯାଇଥିଲା। ସେଠାରେ ସେ ଚିକିତ୍ସିତ ଥିବା ଜଣାପଡିଛି।
