୧୨.୮୯ କୋଟି ଟଙ୍କାରେ ହେବ ସ୍ଥାୟୀ ରାଜମହଲ

ବରଗଡ଼,୧୫।୨(ପ୍ରେମାନନ୍ଦ ଖମାରୀ): ବୃହତ୍‌ ମୁକ୍ତାକାଶ ରଙ୍ଗମଞ୍ଚ ଧନୁଯାତ୍ରା ମହୋତ୍ସବ ପାଇଁ ସାରାବିଶ୍ୱରେ ବରଗଡ଼ର ସ୍ୱତନ୍ତ୍ର ପରିଚୟ ରହିଛି। ଗତ ଜାନୁୟାରୀ ମାସରେ ୭୮ତମ ଧନୁଯାତ୍ରା ମହୋତ୍ସବ ସରିଯାଇଛି। କିନ୍ତୁ ଏହି ମହୋତ୍ସବ ପାଇଁ ଏପର୍ଯ୍ୟନ୍ତ କୌଣସି ସ୍ଥାୟୀ ମଞ୍ଚ, ଦରବାର କିମ୍ୱା ରାଜମହଲ ହୋଇପାରି ନାହିଁ। ୭୮ତମ ଧନୁଯାତ୍ରା ସରିଥିଲେ ମଧ୍ୟ ଏପର୍ଯ୍ୟନ୍ତ ରାଜମହଲ ପାଇଁ ଧନୁଯାତ୍ରା ମହୋତ୍ସବ ସମିତିକୁ ଭଡ଼ା ଦେବାକୁ ପଡୁଥିଲା। ତେବେ ନୂଆଁ ସରକାର ଆସିବା ପରେ ଧନୁଯାତ୍ରା ମହୋତ୍ସବରେ ନୂତନନତ୍ତ୍ୱ ଆସିଛି। ନୂଆ ପରିକଳ୍ପନାରେ ଏହି ମହୋତ୍ସବ ଆୟୋଜିତ ହେଉଛି। କ୍ରମାଗତ ୨ଥର ଧନୁଯାତ୍ରା ମହୋତ୍ସବକୁ ଖୋଦ୍‌ ମୁଖ୍ୟମନ୍ତ୍ରୀ ମୋହନ ଚରଣ ମାଝି ଆସିଛନ୍ତି। ଏହା ଧନୁଯାତ୍ରା ଇତିହାସରେ ପ୍ରଥମ ଅଟେ। କେବଳ ସେତିକି ନୁହେଁ, ଏହି ମହୋତ୍ସବ ପାଇଁ ନୂଆ ସରକାର ଐତିହାସିକ ପଦକ୍ଷେପ ନେଉଛନ୍ତି। ନୂଆ ସରକାର ଆସିବା ପରେ ପ୍ରଥମଥର ପାଇଁ ମଥୁରାନଗରୀ ଏବଂ ଗୋପପୁରର ବିଭିନ୍ନ ସ୍ଥାନରେ ଧନୁଯାତ୍ରାର ସ୍ଥାୟୀ ତୋରଣ ନିର୍ମାଣ ହୋଇଥିଲା। ସେହିପରି କଳାକାରଙ୍କୁ ୧୦ହଜାର ଟଙ୍କା ଲେଖାଏ ପ୍ରୋତ୍ସାହନ ରାଶି ମିଳଥିବାବେଳେ ନୂଆ ସରକାର ଆସିବାର ପ୍ରଥମ ବର୍ଷରେ ଧନୁଯାତ୍ରା ଅନୁଦାନ ସହାୟତାକୁ ୧୦ଲକ୍ଷରୁ ୧୦ଗୁଣା ବୃଦ୍ଧି ପାଇ କୋଟିଏ ଟଙ୍କାକୁ ବୃଦ୍ଧି କରିଥିଲେ। ପରବର୍ତ୍ତୀ ଧନୁଯାତ୍ରାରେ ଏହା ଦେଢ଼କୋଟିକୁ ବୃଦ୍ଧି ପାଇଛି। ତେବେ କଥା ଏତିକିରେ ସରି ନାହିଁ। ଧନୁଯାତ୍ରାର ଗାରିମାକୁ ଲକ୍ଷ୍ୟ କରି ଅସ୍ଥାୟୀ ମଞ୍ଚରେ ଚାଲିଥିବା ଧନୁଯାତ୍ରା ମହୋତ୍ସବର ସ୍ଥାୟୀ ମଞ୍ଚ ନିର୍ମାଣକୁ ଗୁରୁତ୍ୱ ଦେଇ ଅନୁଦାନ ଘୋଷଣା କରିଛନ୍ତି। ଏହି କ୍ରମରେ ଧନୁଯାତ୍ରା ରାଜ ମହଲ ପାଇଁ ରାଜ୍ୟ ସରକାର ୧୨କୋଟି ୮୯ଲକ୍ଷ ଟଙ୍କା ଅନୁଦାନ ଘୋଷଣା କରିଛନ୍ତି। ସ୍ଥାନୀୟ ସରକାରୀ ବସଷ୍ଟାଣ୍ଡ ପଛପଟ ରଙ୍ଗମହଲ ପଡ଼ିଆରେ ଏହା ନିର୍ମାଣ ହେବ ଏବଂ ଶନିବାର ସନ୍ଧ୍ୟାରେ ନିର୍ମାଣ କାର୍ଯ୍ୟର ଶୁଭାରମ୍ଭ ହୋଇଛି। ବରଗଡ଼ ବିଧାୟକ ଅଶ୍ୱିନୀ କୁମାର ଷଡ଼ଙ୍ଗୀ ଏହାର ଶୁଭାରମ୍ଭ କରିଥିଲେ। ଏହି ପରିପ୍ରେକ୍ଷୀରେ ସନ୍ଧ୍ୟା ୫ଟାରେ ଧନୁଯାତ୍ରା ମହୋତ୍ସବ ସମିତିର କର୍ମକର୍ତ୍ତା, ସଭ୍ୟବୃନ୍ଦ ଏବଂ ସହରବାସୀଙ୍କ ଗହଣରେ ବିଧାୟକ ଷଡ଼ଙ୍ଗୀ ସ୍ଥାନୀୟ ରଙ୍ଗ ମହଲ ପଡ଼ିଆକୁ ପହଞ୍ଚିଥିଲେ। ସେଠାରେ ସେ ନିର୍ମାଣ କାର୍ଯ୍ୟର ଶୁଭାରମ୍ଭ କରିଥିବାବେଳେ ଦେବେଶ ଶତପଥୀଙ୍କ ସଂଯୋଜନାରେ ଏକ ସଭା ହୋଇଥିଲା।
ସଭାରେ ବିଧାୟକ ଷଡ଼ଙ୍ଗୀ କହିଥିଲେ, ନୂଆ ସରକାର ଆସିବା ପରେ ମୁଖ୍ୟମନ୍ତ୍ରୀ ସବୁଥର ଧନୁଯାତ୍ରା ମହୋତ୍ସବକୁ ରାଜ ଅତିଥି ଭାବେ ଆସୁଛନ୍ତି। ଧନୁଯାତ୍ରା ମହୋତ୍ସବକୁ ଆହୁରି ଦିଗନ୍ତ ଏବଂ ଆକର୍ଷଣ କରିବା ପାଇଁ ମୁଖ୍ୟମନ୍ତ୍ରୀ ଗୁରୁତ୍ୱ ଦେଉଛନ୍ତି ଏବଂ ସେ କଂସ ମହାରାଜଙ୍କ ସମ୍ମୁଖରେ ଅନୁଦାନ ଘୋଷଣା କରିଛନ୍ତି। ଏହି କ୍ରମରେ ଧନୁଯାତ୍ରା କଳାକାରଙ୍କ ପ୍ରୋତ୍ସାହନ ରାଶିଠାରୁ ଆରମ୍ଭ କରି ସ୍ଥାୟୀ ରାଜ ମହଲ ନିର୍ମାଣ ପାଇଁ ସେ ଅନୁଦାନ ଘୋଷଣା କରିଛନ୍ତି। ତେବେ ୧୨କୋଟି ୮୯ଲକ୍ଷ ଟଙ୍କାରେ ହେବାକୁ ଥିବା ରାଜମହଲ କେବଳ ୧୧ଦିନର ଧନୁଯାତ୍ରା ମହୋତ୍ସବ ପାଇଁ ନୁହେଁ। ବର୍ଷସାରା ତଥା ୩୬୫ ଦିନ ଏହା ଲୋକଙ୍କ କାମରେ ଆସିବ। ଏଠାରେ କଲ୍ୟାଣ ମଣ୍ଡପ ହେବ। ସେହିପରି ଅତିଥି ଭବନ ହେବ ଏବଂ ଶିଶୁମାନଙ୍କ ଦକ୍ଷତା ବିକାଶ ଏବଂ ବିନୋଦନ ପାଇଁ ପଦକ୍ଷେପ ନିଆଯିବ। ତେବେ କେବଳ ରାଜମହଲ ନୁହେଁ, ଆଗକୁ ଧନୁଯାତ୍ରାର ମଥୁରାନଗରୀ ଏବଂ ଗୋପପୁରରେ ମଧ୍ୟ ଅନ୍ୟ ସ୍ଥାୟୀ ମଞ୍ଚ ନିର୍ମାଣ ହେବ ବୋଲି ବିଧାୟକ ଷଡ଼ଙ୍ଗୀ କହିଥିଲେ। ଜୀରାନଦୀରେ ଏକ ଆନିକଟ୍‌ ନିର୍ମାଣ ହେବାକୁ ଯାଉଛି ଏବଂ ତାହା ଧନୁଯାତ୍ରା ମହୋତ୍ସବରେ ଯମୁନା ନଈର ଆକର୍ଷଣକୁ ଆହୁରି ବୃଦ୍ଧି କରିବ ବୋଲି ସେ କହିଥିଲେ। ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଧନୁଯାତ୍ରା ମହୋତ୍ସବ ସମିତିର ଆବାହକ ତଥା ସମ୍ପାଦକ ସୁରେଶ୍ୱର ଶତପଥୀ, ରାଜ ଦରବାର କମିଟିର ଆବାହକ ରାଜେନ୍ଦ୍ର ପ୍ରସାଦ ସିଂ, ପୂର୍ତ୍ତ ବିଭାଗ ନିର୍ୱାହୀ ଅଧିକାରୀ ଅରୁଣ ପାଣ୍ଡେଙ୍କ ସମେତ ବିଭାଗୀୟ ଯନ୍ତ୍ରୀ ଏବଂ ଧନୁଯାତ୍ରା କମିଟିର ସଭ୍ୟବୃନ୍ଦ ଉପସ୍ଥିତ ଥିଲେ।


Enter your email to get our daily news in your inbox.

All Right Reserved By Dharitri.Com

ଜାଡେଜାଙ୍କୁ ପଛରେ ପକାଇଲେ ଯଶସ୍ବୀ ଜୟସ୍ବାଲ: ହାସଲ କଲେ ବଡ଼ ଉପଲବ୍ଧି

ଓ୍ବେଲିଂଟନ୍‌,୨୦।୧୧: ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ପ୍ରଥମ ଟେଷ୍ଟ ମ୍ୟାଚ ଜାରି ରହିଛି। ନ୍ୟୁଜିଲାଣ୍ଡର ପ୍ରଥମ ପାଳି ଶେଷ ହୋଇଥିବା ବେଳେ ହେନରୀ ନିକୋଲସ ଓ ଗ୍ଲେନ…

ବାବୁବନ୍ଧ ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା, ଟ୍ରକ ଧକ୍କାରେ ଜେଜେ-ନାତିଙ୍କ ମୃତ୍ୟୁ

ସମ୍ବଲପୁର,୨୦।୧୧(ପ୍ରମୋଦ ବହିଦାର): ଶୁକ୍ରବାର ସକାଳୁ ସକାଳୁ ଜାତୀୟ ରାଜପଥ(୫୩)ର ବାବୁବନ୍ଧ ଛକ ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ଏଥିରେ ଜେଜେ ଏବଂ ତାଙ୍କର…

‘ଅର୍ଣ୍ଣବ’ ତୁଳନାରେ ‘ଅକ୍ୱାନ’ରେ ବର୍ଷା ପରିମାଣ ବହୁତ କମ: ସର୍ବାଧିକ ୬୭ ମିମି ବର୍ଷା ରେକର୍ଡ

ଦାରିଙ୍ଗବାଡ଼ି, ୨୦।୧୧ (ଅରୁଣ ସାହୁ): ବାତ୍ୟା ‘ଅକ୍ୱାନ’କୁ ମୁକାବିଲା କରିବା ପାଇଁ ଦାରିଙ୍ଗବାଡ଼ି ବ୍ଲକ ପ୍ରଶାସନ ପକ୍ଷରୁ ଜୋରଦାର ପ୍ରସ୍ତୁତି କରାଯାଇଛି। ତେବେ ଗୁରୁବାରଠାରୁ ଶୁକ୍ରବାର ସକାଳ…

୧୦ ହଜାର ରୋହିଙ୍ଗ୍ୟାଙ୍କୁ ହତ୍ୟା କରିଛି ମ୍ୟାନ୍‌ମାର ସେନା: ଆଇସିଜେ

ଦି ହେଗ,୨୦।୧୧: ୨୦୧୭ ମସିହାରେ ସଂଖ୍ୟାଲଘୁ ମୁସଲମାନ ସମ୍ପ୍ରଦାୟ ଉପରେ ହୋଇଥିବା ବର୍ବର ଦମନଲୀଳା ସମୟରେ ମ୍ୟାନ୍‌ମାର ସୁରକ୍ଷା ବଳ ହଜାର ହଜାର ରୋହିଙ୍ଗ୍ୟା ନାଗରିକଙ୍କୁ ହତ୍ୟା…

ଅଧରାତିରେ ଗାଁରେ ପହଞ୍ଚିଲେ ବିଡିଓ-ତହସିଲଦାର: ବାତ୍ୟା ‘ଅକ୍ୱାନ’ ମୁକାବିଲା ପାଇଁ କେସିଙ୍ଗା ପ୍ରଶାସନ ତତ୍ପର

କେସିଙ୍ଗା, ୨୦।୧୧ (ତୁମେଶ୍ୱର ସାହୁ): ବଙ୍ଗୋପସାଗରରେ ସୃଷ୍ଟି ହୋଇଥିବା ସାମୁଦ୍ରିକ ଝଡ଼ ‘ଅକ୍ୱାନ’ର ସମ୍ଭାବ୍ୟ ପ୍ରଭାବକୁ ଦୃଷ୍ଟିରେ ରଖି କଳାହାଣ୍ଡି ଜିଲାରେ ପ୍ରଶାସନିକ ତତ୍ପରତା ବୃଦ୍ଧି ପାଇଛି।…

ଜାନୁଆରୀ ୧ରୁ ଭାରତୀୟଙ୍କ ପାଇଁ ମାଲେସିଆର ଭିଜାମୁକ୍ତ ପ୍ରବେଶ ବନ୍ଦ

ସିଙ୍ଗାପୁର,୨୦ା୧୧(ପି.ଟି.): ଭାରତୀୟ ନାଗରିକଙ୍କ ପାଇଁ ମାଲେସିଆ ଆସନ୍ତା ଜାନୁଆରୀ ୧ରୁ ଭିଜାମୁକ୍ତ ପ୍ରବେଶ ସୁବିଧା ବନ୍ଦ କରିବାକୁ ଯାଉଛି। ମାଲେସିଆର ଇମିଗ୍ରେସନ ବିଭାଗ ପକ୍ଷରୁ ଏହି ଘୋଷଣା…

ମା’ଗୃହରେ ୧୦ ଗର୍ଭବତୀ ସୁରକ୍ଷିତ: ରାତିଅଧିଆ ପହଞ୍ଚିଲେ ପ୍ରଶାସନିକ ଅଧିକାରୀ

ଦାରିଙ୍ଗବାଡ଼ି, ୧୯।୧୧ (ଅରୁଣ ସାହୁ): ବାତ୍ୟା ‘ଅକ୍ୱାନ’ର ସମ୍ଭାବ୍ୟ ପ୍ରଭାବକୁ ନଜରରେ ରଖି ଦାରିଙ୍ଗବାଡ଼ି ଅଞ୍ଚଳରେ ପ୍ରଶାସନ ପକ୍ଷରୁ ଆଗୁଆ ସତର୍କତା ଓ ସୁରକ୍ଷା ବ୍ୟବସ୍ଥା ଗ୍ରହଣ…

ନିଲାମରେ ଇତିହାସ ରଚିଲା ଭାନ୍‌ ଗଗ୍‌ଙ୍କ ଚିତ୍ରକଳା, ଭାଙ୍ଗିଲା ୨୦୨୨ର ରେକର୍ଡ

ନ୍ୟୁୟର୍କ,୨୦।୧୧(ପି.ଟି.): ବିଶ୍ୱପ୍ରସିଦ୍ଧ ଡଚ୍‌ (ନେଦରଲାଣ୍ଡସ୍‌ ନାଗରିକ) ଚିତ୍ରଶିଳ୍ପୀ ଭିନ୍‌ସେଣ୍ଟ ଭାନ୍‌ ଗଗ୍‌ଙ୍କ ଏକ ଦୁର୍ଲଭ ଚିତ୍ରକଳା ନିଲାମ ଇତିହାସରେ ସମସ୍ତ ପୁରୁଣା ରେକର୍ଡ ଭାଙ୍ଗି ୧୯୦.୪ ନିୟୁତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?