ଭୁବନେଶ୍ୱର,୧୯।୫: ପ୍ରଶାନ୍ତ ମହାସାଗରରେ ଜଳସ୍ତର ଉପରି ଭାଗର ତାପମାତ୍ରା ସ୍ବାଭାବିକଠାରୁ ୨ ଡିଗ୍ରୀ ଅଧିକ ରହିଲେ ଏଲ ନିନୋ ଆକ୍ଟିଭ ହୋଇଥାଏ। ଚଳିତବର୍ଷ ଏହି ତାପମାତ୍ରା ୨.୦ ରୁ ୩.୦ ପର୍ଯ୍ୟନ୍ତ ବୃଦ୍ଧି ପାଇବାର ସମ୍ଭାବନା ରହିଛି। ଏଥିପାଇଁ ଏହାକୁ ସୁପର୍ ଏଲ ନି ନୋ ବୋଲି କୁହାଯାଉଛି।
୨୦୦୨ରେ ଏଲ୍ ନିନୋ ସ୍ଥିତି ଯୋଗୁଁ ମୌସୁମି ବର୍ଷାରେ ଅନିୟମିତତା ଦେଖାଯାଇଥିଲା । ଓଡ଼ିଶାର ଅନେକ ଜିଲ୍ଲାରେ ମରୁଡ଼ି ସ୍ଥିତି ସୃଷ୍ଟି ହୋଇଥିଲା। ୨୦୨୬ରେ ଆସୁଛି ସୁପର୍ ଏଲ ନିନୋ। ସାରା ବିଶ୍ୱରେ ବଦଳିବ ଜଳବାୟୁର ଚିତ୍ର। ପାଣିପାଗ ଉପରେ ରହିବ ପ୍ରଭାବ। ବର୍ତ୍ତିବ ନାହିଁ ଓଡ଼ିଶା।
ଏଲ ନିନୋ ପ୍ରଭାବରେ ପ୍ରବଳ ହିଟ୍ ୱେବ୍, ଦୁର୍ବଳ ମୌସୁମୀ, ଚାଷବାସ କ୍ଷତି, ଜଳାଭାବ ଓ ଅସ୍ଥିର ପାଣିପାଗ ଭଳି ସ୍ଥିତି ଦେଖିବାକୁ ମିଳିବ। ୧୫୦ ବର୍ଷ ପରେ ଏବର୍ଷ ରହିବ ସୁପର ଏଲ-ନିନୋ ସ୍ଥିତି । ଆଉ ଏହାର ପ୍ରଭାବ ଓଡ଼ିଶା ସମେତ ସମଗ୍ର ଭାରତ ଉପରେ ପଡ଼ିବ । ସୁପର ଏଲନିନୋର ପ୍ରଭାବରେ ମୁଖ୍ୟତଃ ପାଣିପାଗରେ ତାରତମ୍ୟ ଆସିଥାଏ । ଯେମିତି ଅତ୍ୟଧିକ ଖରା କିମ୍ବା ଅତ୍ୟଧିକ ବର୍ଷା ହୋଇଥାଏ । ପ୍ରାକ୍ ମୌସୁମି ଋତୁରେ ପ୍ରବଳ ଖରା ବା ହିଟ୍ ୱେଭ ସ୍ଥିତି ରହିପାରେ । ଏମିତି ବି ହୋଇପାରେ ବିଳମ୍ବରେ ଆସିପାରେ ମୌସୁମି । ଦୁର୍ବଳ ମୌସୁମି ଯୋଗୁଁ ଲମ୍ବା ସମୟ ଧରି ବର୍ଷା ନ ହୋଇପାରେ । ଓଡ଼ିଶାରେ ସୁପର ଏଲନିନୋର ଏସବୁ ପ୍ରଭାବ ପଡ଼ିପାରେ ବୋଲି ପାଣିପାଗ ବିଶେଷଜ୍ଞମାନେ ଆକଳନ କରୁଛନ୍ତି ।
ଯଦି ଦୀର୍ଘ ସମୟ ଧରି ବର୍ଷା ନ ହୁଏ ତେବେ ମରୁଡ଼ି ପରିସ୍ଥିତି ଉପୁଜିପାରେ, ଚାଷବାସ ଉଜୁଡ଼ି ଯାଇପାରେ ଅବା ପ୍ରବଳ ବର୍ଷା ଯୋଗୁଁ ବନ୍ୟା-ବାତ୍ୟା ସ୍ଥିତି ମଧ୍ୟ ଉପୁଜିପାରେ । ୧୯୯୭-୯୮ରେ ଉପୁଜିଥିଲା ସୁପର ଏଲ୍ ନିନୋ । ଯାହା ବିଶ୍ବର ସବୁଠାରୁ ଶକ୍ତିଶାଳୀ ଏଲ୍ନିନୋ ଭିତରେ ଗୋଟିଏ ଥିଲା । ସେବର୍ଷ ଦେଶରେ ପ୍ରବଳ ବର୍ଷା ହେବାରୁ ଅନେକ ଅଞ୍ଚଳ ପ୍ରଭାବିତ ହୋଇଥିଲା । ତାପମାତ୍ରା ମଧ୍ୟ ବହୁତ ଅଧିକ ଥିଲା ।
ସେହିପରି ୨୦୦୨ରେ ଏଲ୍ ନିନୋ ସ୍ଥିତି ଯୋଗୁଁ ମୌସୁମି ବର୍ଷାରେ ଅନିୟମିତତା ଦେଖାଯାଇଥିଲା । ଓଡ଼ିଶାର ଅନେକ ଜିଲ୍ଲାରେ ମରୁଡ଼ି ସ୍ଥିତି ସୃଷ୍ଟି ହୋଇଥିଲା। ଧାନ ଉତ୍ପାଦନ କମିଥିଲା। । ୨୦୦୯ ଏଲ୍ ନିନୋ ଯୋଗୁଁ କମ୍ ବର୍ଷା ଯୋଗୁଁ ପଶ୍ଚିମ ଓଡ଼ିଶାରେ ମରୁଡ଼ି ଦେଖାଦେଇଥିଲା ଆଉ ଚାଷ ବ୍ୟାପକ ଭାବେ କ୍ଷତିଗ୍ରସ୍ତ ହୋଇଥିଲା। ୨୦୧୫-୧୬ ସୁପର ଏଲ୍ ନିନୋ ଯୋଗୁଁ ସିଭିଅର ହିଟ୍ୱେଭ୍ ଆସିଥିଲା । ରାଜ୍ୟରେ ଅଂଶୁଘାତ ମୃତ୍ୟୁ ବହୁତ ହୋଇଥିଲା ।
