୩ ମାସରେ ବି ଅପ୍‌ଡେଟ ହେଉନି ନିଲାମ ଖଣି

ନୟାଗଡ଼ ଅଫିସ,୨୭।୪: ନିଲାମ ଖଣିକୁ ୩ ମାସ ମଧ୍ୟରେ ମାପଚୁପ କରାଯାଇ ଅପ୍‌ଡେଟ କରାଯିବାର ସରକାରୀ ନିୟମ ରହିଛି ା ହେଲେ ନୟାଗଡ଼ ଜିଲାରେ ସରକାରୀ ନିର୍ଦ୍ଦେଶନାମା ଶୀତଳଭଣ୍ଡାରରେ ପଡି ରହୁଛି । ଏଣୁ ମୟୂରଝାଲିଆ ଓ ପୁଅଁାଣିଆ ପରି ପାହାଡ଼ରେ ବେଆଇନ ଖଣିଖନନ ବଢ଼ି ଚାଲିଛି । ରାଷ୍ଟ୍ରୀୟ ସବୁଜ ନ୍ୟାୟାଧିକରଣ(ଏନ୍‌ଜିଟି) କୋଲକତାଙ୍କ ଛାଟ ପରେ ଯଦିଓ ମୟୂରଝାଲିଆ ଖଣି ଉପରେ କାର୍ଯ୍ୟାନୁଷ୍ଠାନ ହୋଇଛି ତେବେ ଜିଲାର ୪୫ କଳାମୁଗୁନି ପଥର ଖଣି ଓ ୬ ମାଙ୍କଡା ପଥର ଖଣିରେ ଚାଲିଥିବା ବେନିୟମ ଖଣିଖନନକୁ ରୋକାଯାଇ ପାରୁ ନ ଥିବା ଅଭିଯୋଗ ହୋଇ ଆସୁଛି। ବେଆଇନ ଖଣି ଖନନ ଯୋଗୁ ସରକାର ରାଜସ୍ବ ହରାଇ ଚାଲୁଥିଲେ ମଧ୍ୟ ପ୍ରଶାସନିକ ସ୍ତରରେ ଧରପଗଡ଼ ହୋଇ ପାରୁ ନାହିଁ ।
ଗଣିଆ ତହସିଲକୁ ଛାଡିଦେଲେ ନୟାଗଡ଼ ଜିଲାର ୭ ତହସିଲିର ୪୫ ମୁଣ୍ଡିଆରେ ଥିବା ୪୫ କଳାମୁୂଗୁନି ପଥର ଖଣି ରହିଛି । ରଣପୁର ତହସିଲରେ ୧୩ ପଥର ଖଣି ନିଲାମ ହୋଇଥିବାବେଳେ ଖଣ୍ଡପଡ଼ା ତହସିଲର ୧୦ ଖଣି ଅଛି । ସେହିଭଳି ଭାପୁରରେ ୫, ଦଶପଲ୍ଲାରେ ୫, ନୟାଗଡ଼ରେ ୭, ନୂଆଗଁାରେ ୨, ଓଡ଼ଗଁାରେ ୪ ପଥର ଖଣି ନିଲାମ ହୋଇଛି। ଗଣିଆ ବ୍ଲକରେ ଆଦୌ ଖଣି ନିଲାମ ଦିଆଯାଇନାହିଁ। ସେହିପରି ଓଡ଼ଗଁା ତହସିଲରେ ୨ ଓ ରଣପୁର ତହସିଲରେ ୪ ଏପରି ୬ ମାଙ୍କଡାପଥର ଖଣି ରହିଛି। ତେବେ ନିଲାମ ଖଣି ଗୁଡିକରେ ନିଲାମଧାରୀ ଲିଜ୍‌ ସ୍ଥାନକୁ ଛାଡି ଅନ୍ୟତ୍ର ଖଣି ଖନନ କରୁଥିବାର ଅଭିଯୋଗ ହୋଇ ଆସୁଛି । ପୁଣି ବାର୍ଷିକ ଟାର୍ଗେଟ କ୍ୟୁବିକ ମିଟରକୁ ମାସକରେ ଶେଷ କରି ଦିଆଯାଉଛି। ୩ ମାସରେ ଅପ୍‌ଡେଟ ହେଉ ନ ଥିବାରୁ ଖଣିଚୋରି ରୋକା ଯାଇ ପାରୁନି। ଏହାର ଉଦାହରଣ ମୟୂରଝାଲିଆ ପଥର ଓ ମାଙ୍କଡାଖଣିକୁ ନିଆଯାଇ ପାରେ। ମୟୂରଝାଲିଆ ମୌଜାର ୧୬୮୯ ପ୍ଲଟରୁ ୪ ଏକର ମାଙ୍କଡ଼ା ପଥର ଖଣି ପାଇଁ ଚାନ୍ଦପୁର ଥାନା ଚମ୍ପାଗଡ଼ର ସୁଶାନ୍ତ କୁମାର ବରାଡ଼ଙ୍କୁ ୫ ବର୍ଷିଆ ଲିଜ୍‌ ସୂତ୍ରରେ ଦିଆଯାଇଥିଲା। ସେହିଭଳି ଅଗ୍ରୱାଲା ଇନ୍‌ଫ୍ରାବିଲ୍‌ଡ ପ୍ରାଇଭେଟ ଲିମିଟେଡର ନିର୍ଦ୍ଦେଶକ ଶଶାଙ୍କ ଅଗ୍ରଓ୍ବାଲକୁ ସାଧାରଣ ମାଟି ଖନନ ଓ ପରିବହନ ନିମନ୍ତେ ୨ ଏକର ଜମିରୁ ସାମୟିକ ପରମିଟ୍‌ ଦିଆଯାଇଥିଲା ା ସେମାନେ ଉକ୍ତ ପ୍ଲଟ ନିକଟସ୍ଥ ଅନ୍ୟାନ୍ୟ ଜାଗାରୁ ବେଆଇନ ଭାବେ ମାଙ୍କଡ଼ା ପଥର ଓ ମୋରମ ଚାଲାଣ କରିବା ସହ ଗ୍ରାମ୍ୟ ଜଙ୍ଗଲ ନଷ୍ଟ କରି ଚାଲିଥିଲେ । ମୋରମ ଖଣି ଓ ପଥର ଖଣିରେ କୋଟି କୋଟି ଟଙ୍କା ଲାଭ କରାଯାଇଛି । ଯଦି ଏନେଇ ଏନ୍‌ଜିଟିରେ ଅଭିଯୋଗ ହୋଇ ନ ଥାନ୍ତା ତେବେ ଏହା ଉପରେ ରୋକ ଲଗା ଯାଇ ପାରି ନ ଥାନ୍ତା ବୋଲି ସାଧାରଣରେ ମତ ପ୍ରକାଶ ପାଇଛି ା ଖଣିର ତଦନ୍ତ ପରେ ଜିଲାପାଳ ଓ ଅଭିଯୋଗକାରୀଙ୍କ ବିରୋଧରେ ଯେପରି ଲଞ୍ଚ ଅଭିଯୋଗ ଆସିଥିଲା ା ଏନ୍‌ଜିଟିଙ୍କ ଛାଟ ନ ବାଜିଥିଲେ ଅଭିଯୋଗ କରିବାକୁ ଲୋକ ଭୟଭୀତ ହୋଇଥାନ୍ତେ। ସେହିପରି ଓଡ଼ଗଁା ତହସିଲର ପୁଅଁାଣିଆ ଖଣିରେ ମଧ୍ୟ ବେନିୟମ ଭାବେ ଖଣି ଖନନ ଚାଲିଛି ବୋଲି ଅଭିଯୋଗ ହୋଇ ଆସୁଛି । ଖଣିଚୋରମାନେ ଏକ ସ୍ବତନ୍ତ୍ର ରାସ୍ତା କରି ବେଆଇନ ପଥର ଚୋରିକୁ ବୃଦ୍ଧି କରିଛନ୍ତି। ଯଦିଓ ଓଡ଼ଗଁା ତହସିଲଦାର କହୁଛନ୍ତି, ଘଟଣାର ତଦନ୍ତ ଚାଲୁଛି ତେବେ ଏଠାରେ ବେନିୟମ ଖଣିଖନନକୁ ଅଣଦେଖା କରାଯାଉଛି ବୋଲି ଅଭିଯୋଗ ହୋଇଛି। ଏନେଇ ଚାନ୍ଦପୁରର ରାମଚନ୍ଦ୍ର ସାହୁ କୁହନ୍ତି, ମୟୂରଝାଲିଆ ଖଣିର ନିଲାମଧାରୀ ବହୁ ପ୍ରଭାବଶାଳୀ । ତାଙ୍କ ପଛରେ ଜଣେ ରାଜନୈତିକ ବ୍ୟକ୍ତି ଓ ଥାନା ଅଧିକାରୀଙ୍କ ସହଯୋଗ ରହିଛି । କୋଲକତା ମାଡ୍ରାସ ୧୬ ନଂ. ଜାତୀୟ ରାଜପଥ ଉନ୍ନୀତକରଣ ସମୟରେ କୋଟି କୋଟି ଟଙ୍କା ଲାଭ କରାଯାଇଛି । ଦେଖାଯାଉ ଏନଜିଟି ନିର୍ଦ୍ଦେଶ କିପରି କାର୍ଯ୍ୟକାରୀ ହେଉଛି । ଜିଲା କଂଗ୍ରେସ ସଭାପତି ରଣଜିତ୍‌ ଦାଶ କୁହନ୍ତି, ମୟୂରଝାଲିଆ ଖଣିଦୁର୍ନୀତିରେ ପୂର୍ବତନ ତହସିଲଦାରଙ୍କ ସମେତ ୭ଜଣଙ୍କ ନଁାରେ ଏତଲା ଦିଆଯିବାର ଏନ୍‌ଜିଟିଙ୍କ ନିଦ୍ଦେଶ ସ୍ବାଗତଯୋଗ୍ୟ, ତେବେ ୨୫ କୋଟି ଟଙ୍କାର କୋମଣ୍ଡ ଓ ରୋହିବାଙ୍କ ମାଙ୍କଡ଼ା ଖଣି ଦୁର୍ନୀତି ଓ ପୁଅଁାଣିଆ ଟାଙ୍ଗେରି ପାହାଡ଼ ଲୁଟ୍‌ ରେ ୨୫ କୋଟି ଟଙ୍କାର ଖଣିଜ ସମ୍ପଦ ଚୋରି ପାଇଁ କାର୍ଯ୍ୟାନୁଷ୍ଠାନ ହେଲା ନାହିଁ। ତେବେ ଓଡ଼ଗଁା ତହସିଲଦାର ବିଜୟିତା ସମାନ୍ତସିଂହାରକୁ କେବଳ ବଦଳି ଓ କୋମଣ୍ଡ ଆରଆଇଙ୍କୁ ନିଲମ୍ବନ କରି ଚୁପ ରହିବା ଜିଲା ପ୍ରଶାସନକୁ ସନ୍ଦେହରେ ପକାଇଛି । ତହସିଲଦାରଙ୍କ ବିରୋଧରେ କାହିଁକି ଏଫ୍‌ଆଇଆର ଦିଆଯାଉ ନାହିଁ ପ୍ରଶ୍ନ କରିଛନ୍ତି । ପଞ୍ଚମୁର ଜ୍ୟୋତି ରଞ୍ଜନ ଦାଶ କୁହନ୍ତି, ପୁଅଁାଣିଆ ନିକଟସ୍ଥ ଟାଙ୍ଗେରା ପାହାଡକୁ ମାଟିରେ ମିଶାଇ ପ୍ରାୟ ୪୦ କୋଟି ଟଙ୍କାର ଲଘୁ ଖଣିଜ ଲୁଟ ହୋଇ ସାରିଲାଣି । ଏଥିରେ ରାଜନୈତିକ ବ୍ୟକ୍ତି ସାମିଲ ଥିବାରୁ ଖଣି ଲୁଟ୍‌ର ତଦନ୍ତ ହେଉନି। ସେମାନେ ୪ ଖଣିଚୋରଙ୍କ ମାଧ୍ୟମରେ ୨୦୧୮ରୁ ବେନିୟମ ଭାବେ ଖଣିଖନନ କରି ଚାଲିଛନ୍ତି। ଏହାକୁ ଏନ୍‌ଜିଟିରେ ଅଭିଯୋଗ କରାଗଲେ ଖଣିଚୋରଙ୍କ ଭୟ ବଢ଼ନ୍ତା ବୋଲି କହିଛନ୍ତି ।


Enter your email to get our daily news in your inbox.

All Right Reserved By Dharitri.Com

ବନ୍ୟାଜଳ ପରିଚାଳନାରେ ଅବହେଳା ଅଭିଯୋଗ: ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ଥାନାରେ ଏତଲା

ଭଞ୍ଜନଗର, ୧୭/୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୯ ତାରିଖରେ ଭଞ୍ଜନଗର ଅଞ୍ଚଳରେ ଘଟିଥିବା ଭୟାବହ ବନ୍ୟା ପାଇଁ ବିଭିନ୍ନ ଜଳଭଣ୍ଡାରର ଜଳ ପରିଚାଳନାରେ ଅବହେଳା ଏବଂ…

ତିକ୍ଷୀରିରେ ବୁଲିଲା ବୁଲଡୋଜର୍: ୧୨୪ ଜବରଦଖଲ ଗୃହ ଉଚ୍ଛେଦ ଅଭିଯାନ

ମହାକାଳପଡ଼ା, ୧୭/୧୧ (ପ୍ରତାପ ଚନ୍ଦ୍ର ସ୍ୱାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ୍‌ ଅନ୍ତର୍ଗତ ବହୁଚର୍ଚ୍ଚିତ ତିକ୍ଷୀରି ପଞ୍ଚାୟତର ଟିଖିରୀ ମୌଜାରେ ସରକାରୀ ଜମି ଜବରଦଖଲ କରି ନିର୍ମାଣ…

ବାତ୍ୟାକୁ ନେଇ ୨ଦିନ ସ୍କୁଲ ଛୁଟି ଘୋଷଣା, ଜାଣନ୍ତୁ କେଉଁଠି?

ଭୁବନେଶ୍ୱର, ୧୭।୧୧: ଆସୁଛି ବାତ୍ୟା ଅକୱାନ୍ । ଆଜି ରାତି ସୁଦ୍ଧା ଭୀଷଣ ବାତ୍ୟାରେ ପରିଣତ ହୋଇପାରେ ବାତ୍ୟା । ବାତ୍ୟାର ନୂଆ ଟ୍ରାକ୍ ମଧ୍ୟ ଜାରି…

କଣ୍ଟିଲୋ ନୀଳମାଧବ ଜୀଉଙ୍କ ପୀଠରେ ଧୁମ୍‌ଧାମ୍‌ରେ ପାଳିତ ହେଲେ ଗୋଷ୍ଠାଷ୍ଟମୀ

ଖଣ୍ଡପଡ଼ା,୧୭ା୧୧(ଅଜୟ କୁମାର ମହାରଣା): ନୟାଗଡ଼ ଜିଲା ଖଣ୍ଡପଡା, ଖଳିସାହି, କୋସକା, ଜଗନ୍ନାଥପ୍ରସାଦ, ବେଣାଗାଡିଆ, ସିଧାମୂଳା, ଶାଳଝରିଆ ଆଦି ଅଞ୍ଚଳରେ ମଙ୍ଗଳବାର ଗୋଷ୍ଠାଷ୍ଟମୀ ଉତ୍ସବ ପାରମ୍ପରିକ ରୀତିରେ ଅନୁଷ୍ଠିତ…

ଦାରିଙ୍ଗବାଡ଼ି ପର୍ଯ୍ୟଟନରେ ଯୋଡ଼ିହେଲା ନୂଆ ଫର୍ଦ୍ଦ, ଉଦ୍‌ଘାଟିତ ହେଲା ‘ରୁରାଲିଆ’

ଦାରିଙ୍ଗବାଡ଼ି, ୧୭/୧୧ (ଅରୁଣ ସାହୁ): ଓଡ଼ିଶାର କାଶ୍ମୀର ଭାବେ ପରିଚିତ ଦାରିଙ୍ଗବାଡ଼ିର ପ୍ରାକୃତିକ ସୌନ୍ଦର୍ଯ୍ୟ ଓ ମନୋରମ ପରିବେଶ ରାଜ୍ୟ ତଥା ରାଜ୍ୟ ବାହାରର ପର୍ଯ୍ୟଟକଙ୍କୁ ସର୍ବଦା…

ଚରିତ୍ରକୁ ସନ୍ଦେହ କରି ସ୍ତ୍ରୀଙ୍କୁ କୁରାଢ଼ିରେ ହାଣି ହତ୍ୟା: ସ୍ବାମୀଙ୍କୁ ମଳିଲା ଏହି ଦଣ୍ଡ, ଜାଣନ୍ତୁ…

କେନ୍ଦୁଝର,୧୭।୧୧(ନରେଶ ଚନ୍ଦ୍ର ପଟ୍ଟନାୟକ): ସ୍ତ୍ରୀଙ୍କୁ କୁରାଢ଼ିରେ ହାଣି ହତ୍ୟା ମାମଲାର ବିଚାର କରି କେନ୍ଦୁଝର ଜିଲା ଓ ଦୌରାଜଜ ଗୋପାଳ ଚନ୍ଦ୍ର ବେହେରା ମଙ୍ଗଳବାର ରାୟ ପ୍ରକାଶ…

ବାତ୍ୟା ମୁକାବିଲା ପାଇଁ ଗଞ୍ଜାମ ବ୍ଲକରେ ସିଡିଓଙ୍କ ସମୀକ୍ଷା, ସ୍ଥାନାନ୍ତର ପାଇଁ ପ୍ରଶାସନର ପ୍ରସ୍ତୁତି

ଗଞ୍ଜାମ,୧୭।୧୧ (ବିଦ୍ୟାଧର ସାହୁ): ସମ୍ଭାବ୍ୟ ବାତ୍ୟା ‘ଅକ୍ୱାନ’କୁ ନେଇ ସଜାଗ ହୋଇଉଠିଛି ଗଞ୍ଜାମ ଜିଲ୍ଲା ପ୍ରଶାସନ। ବାତ୍ୟାର ମୁକାବିଲା ଓ ଜନସାଧାରଣଙ୍କ ସୁରକ୍ଷା ପାଇଁ ପ୍ରଶାସନ ପକ୍ଷରୁ…

ପୂଜାରୀବମ୍ବୁ ଗ୍ରାମକୁ ଚାଲି ଚାଲି ଗଲେ ବିଡିଓ: ରାସ୍ତା ନିର୍ମାଣ ଦାବିରେ ଗ୍ରାମବାସୀଙ୍କ ଚେତାବନୀ

ରାୟଗଡ଼ା, ୧୭।୧୧ (ଜଗନ୍ନାଥ ଗୌଡ଼): ରାୟଗଡ଼ା ସଦର ମହକୁମାଠାରୁ ମାତ୍ର ୬ କିଲୋମିଟର ଦୂରରେ ଥିବା ବାଇସି ପଞ୍ଚାୟତର ପୂଜାରୀବମ୍ବୁ ଗ୍ରାମକୁ ଏଯାଏଁ ରାସ୍ତା ନିର୍ମାଣ ହୋଇନାହିଁ।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?