ୱାଶିଂଟନ,୧୯ ।୨: ଆମେରିକା ଓ ଚାଇନା ମଧ୍ୟରେ ସ୍ପାଇ ବେଲୁନକୁ ନେଇ ବିବାଦ ଥମିବାର ନାଁ ନେଉନି । ଆମେରିକା ସ୍ପାଇ ବେଲୁନକୁ ନେଇ ଚାଇନାକୁ ଚେତାବନୀ ଦେଇଛି । ଆମେରିକାର ବୈଦେଶିକ ମନ୍ତ୍ରୀ ଆଣ୍ଟୋନି ବ୍ଲିଙ୍କେନ ଶନିବାର ଅର୍ଥାତ୍ ୧୮ ଫେବୃୟାରୀରେ ଚାଇନାର ଟପ୍ ଡିପ୍ଲୋମାଟ ୱାଙ୍ଗ ୟିଙ୍କ ସହ ସାକ୍ଷାତ୍ କରିଛନ୍ତି । ଏହି ସମୟରେ ସେ ଆମେରିକା ଆକାଶ ମାର୍ଗରେ ସ୍ପାଇ ବେଲୁନ ଉଡାଇବା ଭଳି କାର୍ଯ୍ୟ ପୁଣିଥରେ ନ ଦୋହରାଇବାକୁ ଚାଇନାକୁ ଚେତାବନୀ ଦେଇଛନ୍ତି ।
ଆମେରିକା ବୈଦେଶିକ ମନ୍ତ୍ରଣାଳୟର ପ୍ରବକ୍ତା ନେଡ ପ୍ରାଇସ ଏ ସମ୍ପକରେ ସୂଚନା ଦେଇ କହିଛନ୍ତି, ଆମେରିକାର ଆକାଶ ମାର୍ଗରେ ଏକ ଉଚ୍ଚ ଉଚ୍ଚତା ବିଶିଷ୍ଟ ସ୍ପାଇ ବେଲୁନ ଆମେରିକାର ସାର୍ବଭୌମତ୍ୱ ତଥା ଆନ୍ତର୍ଜାତୀୟ ନିୟମର ଉଲ୍ଲଂଘନ ବିଷୟରେ ସିଧାସଳଖ କଥାବାର୍ତ୍ତା କରିଛି । ଏଥିରେ କୁହାଯାଇଛି କି ଏଭଳି ଦାୟିତ୍ୱହୀନ କାର୍ଯ୍ୟ ଆଉ ଯେମିତି ନ ଘଟେ ।
