ମୁମ୍ବାଇ: ବଲିଉଡ୍ ଅଭିନେତା ସ୍ବର୍ଗତ ସୁଶାନ୍ତ ସିଂ ରାଜପୁତଙ୍କ ଅଭିନୀତ ଶେଷ ଫିଲ୍ମର ରିଲିଜ୍ ଡେଟ୍ ଏବେ ସାମ୍ନାକୁ ଆସିଛି। ଏହି ଫିଲ୍ମର ପ୍ରିମିୟର ଜୁଲାଇ ୨୪ରେ ଓଟିଟି ପ୍ଲାଟଫର୍ମ ଡିଜନି ପ୍ଲସ୍ ହଟଷ୍ଟାରରେ ହେବ। ସୁଶାନ୍ତଙ୍କୁ ଶ୍ରଦ୍ଧାଞ୍ଜଳି ଦେଇ ଏହାକୁ ସମସ୍ତ ସବସ୍କ୍ରାଇବରଙ୍କ ସହ ନନ୍ ସବସ୍କ୍ରାଇବରଙ୍କ ପାଇଁ ମାଗଣାରେ ଉପଲବ୍ଧ କରାଇବାକୁ ଯୋଜନା ରହିଛି। ହେଲେ ସୁଶାନ୍ତଙ୍କ ଶେଷ ଫିଲ୍ମର ଡିଜିଟାଲ ରିଲିଜକୁ ନେଇ ତାଙ୍କ ପରିବାର ଆପତ୍ତି କରିଛନ୍ତି। ସେମାନେ କହିଛନ୍ତି ସୁଶାନ୍ତଙ୍କ ସହ ହେଉଥିବା ଅନ୍ୟାୟ ଏବେ ବନ୍ଦ କରାଯାଉ। ସୂଚନାଯୋଗ୍ୟ, ସୁଶାନ୍ତଙ୍କ ସମ୍ପର୍କିୟ ଭାଇ ତଥା ଭାଜପା ବିଧାୟକ ନିରଜ ସିଂ ବବ୍ଲୁ ଫିଲ୍ମର ଡିଜିଟାଲ ରିଲିଜକୁ ନେଇ ଏହା ସୁଶାନ୍ତଙ୍କ ପ୍ରତି ଅନ୍ୟାୟ ବୋଲି କହିଥିଲେ। ଏହା ସୁଶାନ୍ତଙ୍କ ଆତ୍ମା ପ୍ରତି ଭୁଲ୍ କାମ କରାଯାଉଛି। ସୁଶାନ୍ତଙ୍କ ଅଭିନୀତ ଶେଷ ଫିଲ୍ମ ‘ଦିଲ୍ ବେଚାରା’ ସିନେମା ହଲରେ ରିଲିଜ୍ କରାଯାଉ ବୋଲି ତାଙ୍କ ପରିବାର ଲୋକେ ଦାବି କରିଛନ୍ତି।
