ଶ୍ରାବଣ ମାସରେ ଭଗବାନ ଶିବଙ୍କ ପୂଜା କରିବାର ବହୁତ ମହତ୍ତ୍ୱ ରହିଛି। ସାରା ଦେଶରେ ଅନେକ ଶିବ ମନ୍ଦିର ଅଛି। ଏହି ମନ୍ଦିରଗୁଡ଼ିକ ମଧ୍ୟରୁ ଅନେକକୁ ଚମତ୍କାର ଏବଂ ରହସ୍ୟମୟ ବୋଲି ବିବେଚନା କରାଯାଏ। ଭଗବାନ ଶିବଙ୍କୁ ସମର୍ପିତ ଏପରି ଏକ ମନ୍ଦିର ରାଜସ୍ଥାନର ଅଲଓ୍ବରରେ ଅଛି। ଏଠାରେ ଭଗବାନ ଶିବ ଦିନକୁ ତିନିଥର ତାଙ୍କର ରୂପ ପରିବର୍ତ୍ତନ କରନ୍ତି।
ସବୁଠାରୁ ଉଲ୍ଲେଖନୀୟ କଥା ହେଉଛି, ଦେବୀ ପାର୍ବତୀ ଏବଂ ଭଗବାନ ଶିବଙ୍କ ପ୍ରତିନିଧିତ୍ୱ କରୁଥିବା ଦୁଇଟି ଦୀପ ୩୦୦ ବର୍ଷରୁ ଅଧିକ ବର୍ଷ ଧରି ଏହି ମନ୍ଦିରରେ ନିରନ୍ତର ଭାବେ ଜଳୁଛି। ଦେଶର ବିଭିନ୍ନ ରାଜ୍ୟ ଏବଂ ସହରରୁ ଲୋକମାନେ ଏଠାକୁ ପ୍ରଭୁଙ୍କ ଦର୍ଶନ ଏବଂ ପୂଜା କରିବାକୁ ଆସିଥାନ୍ତି। ଅଲଓ୍ବରର ଏକ ଐତିହାସିକ ମନ୍ଦିର ଶ୍ରୀ ତ୍ରିପୋଲିଆ ମହାଦେବ ମନ୍ଦିର, ଶ୍ରାବଣ ମାସରେ ଏହି ସ୍ଥାନ ଭକ୍ତଙ୍କ ଭିଡ଼ ପାଇଁ ବେଶ୍ ଜଣାଶୁଣା।
ପ୍ରାୟ ୩୦୦ ବର୍ଷ ପୁରୁଣା ଶ୍ରୀ ତ୍ରିପୋଲିଆ ମହାଦେବ ମନ୍ଦିର ଅଲଓ୍ବର ସିଂହ ଦ୍ୱାରରେ ଅବସ୍ଥିତ। ଏହି ପ୍ରାଚୀନ ଶିବ ମନ୍ଦିର କେବଳ ଏକ ମନ୍ଦିର ନୁହେଁ ବରଂ ଅଲୱରର ଏକ ଧାର୍ମିକ ପ୍ରତୀକ। ଦିନକୁ ତିନିଥର ରଙ୍ଗ ପରିବର୍ତ୍ତନ କରୁଥିବା ନର୍ମଦେଶ୍ୱର ଶିବଲିଙ୍ଗ ହିନ୍ଦୁ ଶିବ ଦେବତାଙ୍କ ମନ୍ଦିରରେ ଅବସ୍ଥିତ। ଏହା ଭକ୍ତମାନଙ୍କ ପାଇଁ ଏକ ଦିବ୍ୟ ଚମତ୍କାର। ମନ୍ଦିର ପ୍ରତିଷ୍ଠା ହେବା ଦିନଠାରୁ ଏଠାରେ ଅଖଣ୍ଡ ଦୀପ ଜଳୁଛି।
ପ୍ରାୟ ୩୦୦ ବର୍ଷ ପୂର୍ବେ ରାଜକୀୟ ଯୁଗରେ ରାଜା ଏବଂ ସମ୍ରାଟମାନଙ୍କ ଦ୍ୱାରା ଏହି ମନ୍ଦିର ପ୍ରତିଷ୍ଠିତ ହୋଇଥିଲା। କୁହାଯାଏ, ମନ୍ଦିରରେ ପ୍ରତିଦିନ ବିଭିନ୍ନ ରୂପରେ ଭଗବାନ ଶିବଙ୍କୁ ସଜାଯାଇଥାଏ। ଏଠାରେ ଥିବା ଶିବଲିଙ୍ଗ ଦିନକୁ ୩ ଥର ରଙ୍ଗ ପରିବର୍ତ୍ତନ ହୋଇଥାଏ। ଏହାକୁ ଦର୍ଶନ କରିବା ପାଇଁ ପ୍ରତିଦିନ ଶହଶହ ଭକ୍ତ ଆସିଥାନ୍ତି।
ଆଖପାଖର ଦୋକାନୀମାନେ ମନ୍ଦିର ବାହାରେ ଥିବା ଗୋମୁଖରୁ ପାଣି ନେଇ ସେମାନଙ୍କ ଦୋକାନରେ ସିଞ୍ଚନ କରନ୍ତି ଏବଂ ତା’ପରେ ସେମାନଙ୍କର କାମ ଆରମ୍ଭ କରନ୍ତି। ଏହି ମନ୍ଦିରକୁ ବହୁତ ଚମତ୍କାର ବୋଲି ବିବେଚନା କରାଯାଏ। ଶ୍ରାବଣ ଆସିବା ମାତ୍ରେ ମନ୍ଦିରକୁ ଭକ୍ତଙ୍କ ସୁଅ ଛୁଟେ।
