ଏସବୁ ଅପରାଧ ମୁଁ କରିଛି: ଗୋଲ୍ଡେନ ଷ୍ଟେଟ୍‌ କିଲରଙ୍କ ସ୍ବୀକାରୋକ୍ତି

ଓ୍ବାଶିଂଟନ,୪ା୭: ଆମେରିକାର କାଲିଫର୍ନିଆରେ ଅପରାଧ ପରେ ଅପରାଧ ଘଟାଇ ଆତଙ୍କ ସୃଷ୍ଟି କରିଥିବା ପୂର୍ବତନ ପୋଲିସ ଅଧିକାରୀ ଯୋସେଫ ଜେମ୍ସ ଡିଏଙ୍ଗେଲୋ ଜୁନିୟର ୧୩ ହତ୍ୟା ପାଇଁ ସୋମବାର ଦୋଷୀ ସାବ୍ୟସ୍ତ ହୋଇଛନ୍ତି। ୨୦୧୮ରେ ଗିରଫ ହେବା ପରଠୁ କୋର୍ଟରେ ଶୁଣାଣି ବେଳେ ସେ ପ୍ରାୟ ନୀରବ ରହୁଥିଲେ। କୋର୍ଟରେ ବିଚାର ଚାଲିଥିବାବେଳେ ସେ ହଠାତ୍‌ ବାରମ୍ବାର କର୍କଶ ସ୍ବରରେ ‘ଦୋଷୀ’ ଓ ‘ମୁଁ ସ୍ବୀକାର କରୁଛି’ ଭଳି ଶବ୍ଦ ଉଚ୍ଚାରଣ କଲେ। ଏହି ଅପରାଧ ପାଇଁ ଦୋଷୀ ସାବ୍ୟସ୍ତ ହେବା ପରେ ତାଙ୍କୁ ମୃତ୍ୟୁ ଦଣ୍ଡାଦେଶ ପରିବର୍ତ୍ତେ ଆଜୀବନ କାରାଦଣ୍ଡାଦେଶ ଦିଆଯିବ। କିନ୍ତୁ ପାରୋଲରେ କେବେହେଲେ ଛଡ଼ାଯିବ ନାହିଁ।
ଗୋଲ୍ଡେନ୍‌ ଷ୍ଟେଟ୍‌ କିଲର’ ଭଳି ଏକାଧିକ ଉପନାମରେ ପରିଚିତ ଯୋସେଫ ଜେମ୍ସ ଡିଏଙ୍ଗେଲୋ ଜୁନିୟର ଜଣେ ପୂର୍ବତନ ପୋଲିସ ଅଧିକାରୀ, ଯିଏକି ଅତି ନିର୍ମମ ଭାବେ ଲୋକଙ୍କୁ ହତ୍ୟା କରୁଥିଲେ। ପୀଡ଼ିତାଙ୍କୁ ବଳାକାର କରି ହତ୍ୟା କରିବା ପରେ ସ୍ନାକିଂ କରିବା ଥିଲା ତାଙ୍କର ସଉକ। ଜଣେ ସିରିଏଲ୍‌ କିଲର, ସିରିଏଲ୍‌ ରେପିଷ୍ଟ ଓ ଡକାୟତ ଭାବେ ତାଙ୍କର କୁଖ୍ୟାତି ରହିଛି। ତାଙ୍କ ବିରୋଧରେ ଅନୂ୍ୟନ ୧୩ ଜଣଙ୍କୁ ହତ୍ୟା, ୫୦ରୁ ଅଧିକ ଜଣଙ୍କୁ ବଳାତ୍କାର ଓ ଶତାଧିକ ଚୋରି ଭଳି ସଙ୍ଗିନ ଅଭିଯୋଗ ଥିବାବେବେଳେ କେତେକ ଦୋଷ ପ୍ରମାଣିତ ହୋଇଛି। କାଲିଫର୍ନିଆରେ ୧୯୭୪ରୁ ୧୯୮୬ ମଧ୍ୟରେ ସେ ଏହି ସବୁ ଅପରାଧ ଘଟାଇଥିଲେ।
୧୯୪୫ ନଭେମ୍ବର ୮ରେ ଜନ୍ମିତ ଡିଏଙ୍ଗେଲୋ ଜୁନିୟର ୧୯୭୩ରୁ ୧୯୭୯ ପର୍ଯ୍ୟନ୍ତ ଆମେରିକା ନୌସେନା ଓ ଆଇନ ପ୍ରବର୍ତ୍ତନ କ୍ଷେତ୍ରରେ ନିୟୋଜିତ ଥିଲେ। ସେ ଜୁନ ୩୦ରେ (ସୋମବାର) ୧୩ ହତ୍ୟା ପାଇଁ ଦୋଷୀ ସାବ୍ୟସ୍ତ ହୋଇଛନ୍ତି। କାଲିଫର୍ନିଆରେ ଅନୂ୍ୟନ ୩ଟି ଅପରାଧ ଘଟାଇଥିଲେ, ଯାହାକି ଭିନ୍ନ ଭିନ୍ନ ନାମରେ ପରିଚିତ। ପ୍ରଥମେ ସେ ଜଣେ ଚୋର (ଭିସାଲିଆ ରାନ୍‌ସେକର) ଭାବେ ଅପରାଧ ଆରମ୍ଭ କରିଥିଲେ। ପରେ ସକ୍ରାମେଣ୍ଟୋ ଏରିଆକୁ ଯାଇ ଇଷ୍ଟ୍‌ ଏରିଆ ରେପିଷ୍ଟ ଭାବେ ଜଣାଶୁଣା ହେଲେ। ସାଉଥ୍‌ କାଲିଫର୍ନିଆରେ ଅପରାଧ ଘଟାଇବା ପରେ ଲୋକେ ତାଙ୍କୁ ‘ଓରିଜିନାଲ ନାଇଟ ଷ୍ଟକର’ ବୋଲି କହିଲେ। ଡିଏଙ୍ଗେଲୋ ଚୋରି କରିବା ପାଇଁ ଘରେ ପଶୁଥିଲେ। ସେଠାରେ ସେ ହତ୍ୟା ଓ ବଳାତ୍କାର କରୁଥିଲେ। ସେ ଅପହରଣ ପରେ ମୁଣ୍ଡ ଜାମିନ ଆକାରରେ ଅର୍ଥ ମଧ୍ୟ ଅସୁଲ କରୁଥିଲେ। ଏପରି କି ପୀଡ଼ିତ ବ୍ୟକ୍ତି ଓ ପୋଲିସ କର୍ମଚାରୀମାନଙ୍କୁ ଫୋନ୍‌ କରି ଧମକ ମଧ୍ୟ ଦେଉଥିଲେ। ୨୦୧୮ ଏପ୍ରିଲରେ ପୋଲିସ ତାଙ୍କୁ ଗିରଫ କରି ଥାନାକୁ ନେଇଥିଲା।
ଅନେକ ଦଶନ୍ଧି ଧରି ତଦନ୍ତ କରାଯିବାବେଳେ ଡିଏନ୍‌ଏ ପ୍ରମାଣ, ଆଲିବି ବା ଅନ୍ୟ ତଦନ୍ତ ପ୍ରଣାଳୀ ଜରିଆରେ କେତେକ ସନ୍ଦେହ ଦୂରୀଭୂତ ହୋଇଥିଲା। ୨୦୦୧ରେ ଡିଏନ୍‌ଏ ଟେଷ୍ଟରୁ ଜଣାପଡ଼ିଥିଲା ଯେ, ‘ଇଷ୍ଟ୍‌ ଏରିଆ ରେପିଷ୍ଟ’ ଓ ‘ଓରିଜିନାଲ ନାଇଟ୍‌ ଷ୍ଟକର’ ହେଉଛନ୍ତି ସେହି ଜଣେ ବ୍ୟକ୍ତି। ତାଙ୍କ ବିରୋଧରେ ସବୁଠୁ ବଡ଼ ଅପରାଧର ଅଭିଯୋଗ ଥିଲା ୧୯୭୮ରେ ବ୍ରିଏନ୍‌ ଓ କାଟିଏ ମୋଗିଓରେଙ୍କ ହତ୍ୟା। ସକ୍ରାମେଣ୍ଟାର ରାଞ୍ଚୋ କୋର୍ଡୋଭୋରେ ଏହି ନବଦମ୍ପତି ନିଜ କୁକୁରକୁ ବୁଲାଉଥିବାବେଳେ ଡିଏଙ୍ଗେଲୋ ଗୁଳି କରି ହତ୍ୟା କରିଥିଲେ।
୭୪ ବର୍ଷୀୟ ଡିଏଙ୍ଗେଲୋ ତଦନ୍ତକାରୀ ଅଧିକାରୀମାନଙ୍କୁ ସହଯୋଗ କରୁ ନ ଥିଲେ। କିନ୍ତୁ ନିଜେ ଭିଆଇଥିବା ଅପରାଧଗୁଡ଼ିକୁ ନେଇ ସେ ଗୁଣୁଗୁଣୁ ହୋଇ କିଛି କହୁଥିଲେ। ଇଣ୍ଟେରୋଗେଶନ ରୁମ୍‌ରେ ସେ ନିଜକୁ ନିଜେ କହି ହେଉଥିଲେ, ‘ଏସବୁ ମୁଁ କରିଛି’। ବିଚାରପତିଙ୍କ ପ୍ରଶ୍ନର ଉତ୍ତରରେ ସେ କେବଳ ଏତିକି କହୁଥିଲେ, ହଁ, ନାହିଁ, ଦୋଷୀ, ମୁଁ ସ୍ବୀକାର କରୁଛି। ଜେଲ୍‌ର ଗେରୁଆ ଜମ୍ପଶୁଟ ଧାରଣ କରିଥିବା ଡିଏଙ୍ଗେଲୋଙ୍କ ମୁହଁକୁ ପ୍ଲାଷ୍ଟିକ୍‌ରେ ଢଙ୍କାଯାଇଥିଲା କରୋନା ଭାଇରସ୍‌ ସଂକ୍ରମଣ ଏଡ଼ାଇବା ପାଇଁ। ତାଙ୍କୁ ଏକ ହ୍ବିଲ୍‌ ଚେୟାରରେ ବସାଇ କୋର୍ଟକୁ ନିଆଯାଇଥିଲା। ଅଭିଯୋଜନକାରୀ ପକ୍ଷର ଓକିଲ ଆମି ହୋଲିଡେ କହିଛନ୍ତି, ଭିଏତନାମ ଯୁଦ୍ଧ ଭେଟେରାନଙ୍କ ଏହି ଅପରାଧ ପାଇଁ ମୃତ୍ୟୁ ଦଣ୍ଡାଦେଶ ବଦଳରେ ୧୧ ଥର ଲଗାତର ଆଜୀବନ କାରାଦଣ୍ଡ ଭୋଗିବାକୁ ପଡ଼ିବ।


Enter your email to get our daily news in your inbox.

All Right Reserved By Dharitri.Com

ୟୁକ୍ରେନ-ରୁଷିଆ ଯୁଦ୍ଧରେ ଭାରତର ଆଭିମୂଖ୍ୟକୁ ନେଇ ପ୍ରଶ୍ନ ଉଠାଇଲା ଆମେରିକା

ଓ୍ବାଶିଂଟନ୍‌,୨୫।୨: ୟୁକ୍ରେନ ଓ ରୁଷିଆ ମଧ୍ୟରେ ଜାରି ରହିଥିବା ଯୁଦ୍ଧ ବେଳକୁ ବେଳ ଭୟଙ୍କର ହେବାରେ ଲାଗିଛି। ତେବେ ଏହି ଯୁଦ୍ଧକୁ ନେଇ ଭାରତ କାହା...

ପାକ୍‌ରେ ହିନ୍ଦୁ ମନ୍ଦିର ଭାଙ୍ଗିଲେ

ନୂଆଦିଲ୍ଲୀ, ୧୨।୧୦: ପାକିସ୍ତାନର ଦକ୍ଷିଣ ପୂର୍ବ ସିନ୍ଧ୍‌ ପ୍ରଦେଶର ବାଡିନ୍‌ ଜିଲା କାରିଓ ଘନ୍‌ଓ୍ବାରରେ ଥିବା ଏକ ହିନ୍ଦୁ ମନ୍ଦିରକୁ ଦୁର୍ବୃତ୍ତମାନେ ଭାଙ୍ଗିଦେଇଛନ୍ତି। ଏହାକୁ ନେଇ...

ନଓ୍ବାଜ ଶରିଫ ରହୁଥିବା ଜେଲ୍‌ରେ ରହିବେ ହାଫିଜ୍‌

ଇସ୍‌ଲାମାବାଦ,୧୮।୭: ମୁମ୍ବାଇ ଆତଙ୍କବାଦୀ ଆକ୍ରମଣର ମାଷ୍ଟର ମାଇଣ୍ଡ ତଥା ଆତଙ୍କବାଦୀ ସଙ୍ଗଠନ ଲସ୍କର-ଇ-ତୋଇବାର ସଂସ୍ଥାପକ ହାଫିଜ ସୟିଦଙ୍କୁ ବୁଧବାର ପଞ୍ଜାବ ଅଞ୍ଚଳରୁ ଗିରଫ କରାଯାଇଛି। ପାକିସ୍ତାନର...

ମସୁଦ୍‌ ଅଜହରଙ୍କୁ ବିଶ୍ୱ ଆତଙ୍କବାଦୀ ଘୋଷଣା କରିବ ଜାତିସଂଘ: ଚାଇନା ଭିଟୋ ଅଧିକାର ନେବ ଫେରାଇ

ଓ୍ବାଶିଂଟନ, ୧।୫: ଜୈଶ୍‌-ଇ-ମହମ୍ମଦ୍‌ ଆତଙ୍କବାଦୀ ସଂଗଠନ ମୁଖ୍ୟ ମାସୁଦ୍‌ ଅଜହରଙ୍କୁ ଜାତିସଂଘରେ ବିଶ୍ୱ ଆତଙ୍କବାଦୀ ଘୋଷଣା କରିବା ପାଇଁ ଏବେ ଆଉ କୌଣସି ବାଧା ନାହିଁ।...

ରୁଷ ସେନାର କ୍ୟାଡେଟ ଗାଇଲେ ‘ଏ ଓ୍ବତନ.. ତେରୀ କସମ୍‌’

ମସ୍କୋ,୩୦।୧୧: ଭାରତର ଦେଶଭକ୍ତି ଗୀତକୁ ଗାଇ ଝୁମିଲେ ରୁଷ ସେନା। ମସ୍କୋରେ ଆୟୋଜିତ ଏକ କାର୍ଯ୍ୟକ୍ରମରେ ରୁଷ ସେନାର କ୍ୟାଡେଟମାନେ ଭାରତର ଦେଶଭକ୍ତି ସଙ୍ଗୀତ ‘ଏ...

କରୋନା ଯାଞ୍ଚ ପାଇଁ ଚାଇନା ଯିବ ଡବ୍ଲୁଏଚ୍‌ଓ

ବେଜିଂ,୧୧ ।୧: କରୋନା ଭାଇରସ କେଉଁଠୁ ଆସିଲା, ଏହାର ଉତ୍ପତି ସ୍ଥଳ କେଉଁଠି ଏହାର ଯାଞ୍ଚ କରିବାକୁ ବିଶ୍ୱ ସ୍ୱାସ୍ଥ୍ୟ ସଙ୍ଗଠନ(ଡବ୍ଲୁଏଚ୍‌ଓ)ର ଏକ ବିଶେଷଜ୍ଞ ଦଳ...

ମାଗଣାରେ ମିଳିବ ସାନିଟାରି ନାପକିନ୍‌

ଇଡିନ୍‌ବର୍ଗ,୧୪।୮: ବିଶ୍ୱର ପ୍ରଥମ ଦେଶ ଭାବେ ସ୍କଟଲାଣ୍ଡ ମହିଳାଙ୍କୁ ମାଗଣାରେ ସାନିଟାରି ନାପ୍‌କିନ୍‌ ଯୋଗାଇ ଦେବାକୁ ନିଷ୍ପତ୍ତି ନେଇଛି। ଏନେଇ ପାର୍ଲାମେଣ୍ଟରେ ଏକ ବିଲ୍‌ ପାରିତ...

ଚାଇନାରେ ଭୂସ୍ଖଳନ: ୧୬ ମୃତ; ୩୦ ନିଖୋଜ

ବେଜିଂ,୨୫।୭: ପ୍ରବଳ ବର୍ଷା ଯୋଗୁ ଦକ୍ଷିଣ ଚାଇନାରେ ଭୂସ୍ଖଳନ ଘଟିଛି। ଗୁରୁବାର ଘଟିଥିବା ଏହି ଘଟଣାରେ ୧୬ ଜଣଙ୍କ ମୃତ୍ୟୁ ହେବା ସହିତ ୩୦ରୁ ଅଧିକ...

Advertisement
Archives

Model This Week