ଲଣ୍ଡନ,୬ ।୭: ବ୍ରିଟିଶ ପ୍ରଧାନମନ୍ତ୍ରୀ ବୋରିଶ ଜନସନ ମଙ୍ଗଳବାର ବିଳମ୍ବିତ ରାତିରେ ଶିକ୍ଷା ସଚିବ, ନାଦିମ ଜାହାୱିଙ୍କୁ ବ୍ରିଟେନର ନୂଆ ଅର୍ଥମନ୍ତ୍ରୀ ବାଛିଛନ୍ତି । ଏହା ପୂର୍ବରୁ ଭାରତୀୟ ମୂଳ ବାସିନ୍ଦା ଋଷି ସୁନକ ଅର୍ଥମନ୍ତ୍ରୀ ପଦରୁ ଇସ୍ତଫା ଦେଇଥିଲେ । ଡାଉନିଙ୍ଗ ଷ୍ଟ୍ରିଟ କହିଛି ମହାରାଣୀ ଏଲିଜାବେଥ ଦ୍ୱିତୀୟ ଜାହାୱିଙ୍କ ନିଯୁକ୍ତିକୁ ମଞ୍ଜୁରୀ ପ୍ରଦାନ କରିଛନ୍ତି । ଇରାକରେ ଜନ୍ମନେଇଥିବା ଜାହାୱି ଏକ ଆକର୍ଷଣୀୟ ବ୍ୟବସାୟିକ କ୍ୟାରିୟର ପାଇଁ ପ୍ରଥମେ ତାଙ୍କ ପରିବାର ସହ ପିଲାଦିନେ ବ୍ରିଟେନ ଆସିଥିଲେ, ଯେତେବେଳେ ସେ ଇଂରାଜି କହିପାରୁ ନ ଥିଲେ ।
୫୫ ବର୍ଷିୟ ଜାହାୱି ପୋଲିଂ କମ୍ପାନୀ ୟୁଗଭର ସହ ସଂସ୍ଥାପନା କରିଥିଲେ । ୨୦୧୦ରେ ସାଂସଦ ହେବା ପୂର୍ବରୁ ଲଣ୍ଡନରେ ସ୍ଥାନୀୟ ରୁଢିବାଦୀ ରାଜନୀତିରେ ସକ୍ରିୟ ଥିଲେ । ବ୍ରିଟେନରେ ମହାମାରୀ ଭ୍ୟାକ୍ସିନ ରୋଲଆଉଟ ଉପରେ ନଜର ରଖିଥିବାରୁ ତାଙ୍କୁ ବହୁ ପ୍ରଶଂସା ମିଳିଥିଲା ।
